Advertisement
 
 
 
 
 
 
 
 

Kwamamaza

Tumba College of Technology mu kubaka u Rwanda ruzira ubushomeri   

  Yanditswe na Rutayisire Emile
 4 months ago

 
 

Ubuyobozi bw’Ishuri ry’imyuga riherereye mu Karere ka Rulindo mu ntara y’Amajyaruguru (Tumba College of Technology/TCT) bwemeza ko amashuri y’ubumenyingiro ari ku mwanya wa mbere mu gutanga umusanzu wo kubaka igihugu bityo n’iri shuri rikaba riri mu nzira nziza yo guha ubumenyi urubyiruko rugashishikarira akazi.

Mu kiganiro Imvaho Nshya yagiranye na Eng. Gatabazi Pascal Umuyobozi w’iri shuri rikuru, ryatangiye mu mwaka wa 2007 rikaba rifite abanyeshuri 800, yahamije ko mu bigaragara ari uko abize muri iri shuri bishimirwa n’ababaha akazi ku kigero cya 90%.

Ikindi ni uko hari benshi muri bo bishingira bizinesi zabo. Ibi bituruka ku rwego rw’ubumenyi ruri hejuru bagezeho rugereranywa nk’abize mu mashuri akomeye yo muri Amerika n’ahandi.

Uruhare rwa TCT mu iterambere ry’igihugu



Umuyobozi mukuru wa TCT, Eng. Gatabazi avuga ko iri shuri rifasha inzego zinyuranye mu bikorwa birimo gusana Mudasobwa zashaje zakoreshwaga mu bigo bya Leta zigahabwa ibigo by’amashuri bifite ubushobozi buke. Mu bijyanye no kubaka za Biogaz, abanyeshuri bagira uruhare rukomeye mu kuzubakira ibigo bitandukanye harimo na za Gereza.

Hari umushinga bagira wogukora ibyuma bita “Solar Water Heater”, aho bafite ikoranabuhanga bikorera muri Laboratwari yabo bagakora ibyuma bishyushya amazi bakabitanga mu bigo bitandukanye harimo nk’ikigo nderabuzima begeranye cya Tumba.

TCT ifite ibigwi



Mu myaka isaga umunani Tumba College of Technology imaze, abanyeshuri bagera ku 1500 ni bo bamaze kubona impamyabumenyi. Iri shuri rikorana na Kaminuza ikomeye yo muri Kenya ifite n’ishami mu Rwanda “JOMO Kenyatta University of Agriculture and Technology (JKUAT).”

TCT imaze kujya ku rutonde rw’amashuri akomeye yo mu Karere ka Afurika y’Iburasirazuba (East Africa) atanga ubumenyi bwo ku rwego rwo hejuru. Abiga ikoranabuhanga bagira andi masomo biga muri Porogaramu ya CISCO bakabona impamyabushobozi mpuzamahanga ku buryo bwa On line (Iya kure) kandi bibereye mu Rwanda.

Tumba College of Technology yatangije igikorwa ngarukamwaka yise “Innovation Day” muri Gicurasi 2016, mu rwego rwo kwerekana ubushakashatsi n’udushya dukorerwa muri iryo shuri.

Ibiteganywa n’inzitizi Tumba College of Technology ihura nazo



Nk’uko Eng. Gatabazi abitangaza, Tumba College of Technology iteganya kwagura ikigo abanyeshuri bakava kuri 800 bakagera ku 2000 nubwo hakiri ikibazo cy’inyubako zidahagije zabafasha kongera umubare w’abanyeshuri.

Amashuri y’imyuga n’ubumenyingiro aratanga icyizere

Eng. Gatabazi avuga ko bishimira ibyo Tumba College of Technology yagezeho, bakaba busaba urubyiruko gukomeza kwitabira amashuri y’imyuga kubera ko afite uruhare rukomeye mu kubaka igihugu kandi akaba arwanya ubushomeri mu rubyiruko.



Eng. Gatabazi arashimira Perezida Paul Kagame uruhare agira mu gusaba abayobozi gukurikirana igituma abana bata amashuri maze bagasubizwa mu ishuri.

Ntabwo Eng. Gatabazi yibagirwa uruhare rw’abashinzwe umutekano mu gihugu, kuko kuva Abanyarwanda bakwibohora, batekanye ku buryo umuntu akora yisanzuye haba ku manywa ndetse na n’ijoro. Ibi bije nyuma y’uko abenegihugu bibohoye bakagira ubuyobozi bwiza bwarebye kure bugasanga ubumwe bw’Abanyarwanda n’umutekano ari ishingiro ry’amajyambere.

 

Comments

  • Arsene 7 July

    turashimira Leta yubumwe ikomeje guteza imbere Amashuri nkaya yikitegererezo afasha urubyiriko kwihangira imirimo, bikaba bitanga icyizere cyubuzima bwiza kurubyiruko rw’uyumunsi nejo hazaza,

    Mbonereho no kwifuriza Kwibohora kwiza kubanyarwanda bose ,Twibohora ingoyi y’ubukene.


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ibikorwa by’ishyaka PSP birivugira mu gihugu
Ibikorwa by’ishyaka PSP birivugira mu gihugu

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu (...)

Ishyaka PSD ririshimira umusanzu waryo mu kubaka igihugu
Ishyaka PSD ririshimira umusanzu waryo mu kubaka igihugu

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo (...)

Polisi igiye guteza cyamunara ibinyabiziga byakoze amakosa mu muhanda
Polisi igiye guteza cyamunara ibinyabiziga byakoze amakosa mu muhanda

Polisi y’Igihugu ishingiye ku itegeko N0 34/1987 ryo ku wa 17 Nzeri 1987 ryerekeye imihanda n’uburyo bwo kuyigendamo , mu ngingo yaryo ya 35, 36, 37 na 38 zivuga ib¬yerekeye gufunga ibinyabiziga. (...)

 Kaminuza ya STES-Rwanda iratanga buruse ku bayiyandikishamo
Kaminuza ya STES-Rwanda iratanga buruse ku bayiyandikishamo

Kaminuza STES-Rwanda (Sinhgad Technical Education Society-Rwanda) iherereye mu Karere ka Kicukiro, yashyizeho gahunda yo korohereza abashaka kuyigamo; itanga buruse ku bari kwiyandikisha ubu (...)

Impamvu REG yahawe  igihembo mpuzamahanga cyo gukwirakwiza ingufu
Impamvu REG yahawe igihembo mpuzamahanga cyo gukwirakwiza ingufu

Ikigo cy’igihugu gishinzwe ingufu (REG) giherutse guhabwa igihembo na African Leadership Magazine hagendewe ku kuba iki kigo cyaragize imishinga y’ingufu yagize ingaruka nziza mu karere igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.