2017-10-17 06:58:11 clouds 27o High | Kigali Rwanda

Dukurikire:
 
 

Kaminuza ya STES-Rwanda iratanga buruse ku bayiyandikishamo

Yanditswe na IMVAHO NSHYA

Kuya 2016-08-11 08:05:19

 
Share on:
 
Yasuwe:164
 
Yavuzweho:200
 
10
 
10

Kaminuza STES-Rwanda (Sinhgad Technical Education Society-Rwanda) iherereye mu Karere ka Kicukiro, yashyizeho gahunda yo korohereza abashaka kuyigamo; itanga buruse ku bari kwiyandikisha ubu kugeza igihe amasomo azatangirira ku itariki ya 5 Nzeri 2016.

Abashaka kwiga basabwa gutanga miliyoni imwe y’amafaranga y’u Rwanda gusa andi bakazayatanga barangije kwiga. Abarangije icyiciro cya kabiri cya kaminuza bazajya bishyura nyuma y’imyaka ibiri, na ho abarangije mu cyiciro cya gatatu cya kaminuza bishyure nyuma y’umwaka umwe.

STES-Rwanda yatangiye kugirana amasezerano n’ibigo bitandukanye mu rwego rwo korohereza abakozi babyo kwiga. Ibigo bitanze abakozi 10 bagabanyirizwa 20% ku mafaranga y’ishuri.

Iyi Kaminuza ikomeje kwakira abanyeshuri mu mashami akurikira:

 Civil Engineering;
 Electrical Engineering;
 Electronics and Telecommunication Engineering;
 Computer Engineering;
 Masters in Business Administration.

Iyi kaminuza yemera n’abanyeshuri barihirwa na FARG batangira umwaka wa mbere. Ku bindi bisobanuro mwasura www.stesrwanda.ac.rw cyangwa mugahamagara 0788446154 na 0788887973. Abatangira mu mwaka wa mbere bazakora ikizamini cyo kwinjira kuwa 29/08/2016.

STES-Rwanda iteza imbere ireme ry’uburezi binyuze mu masomo y’ubumenyingiro atangwa n’abarimu b’inzobere, 70% baturuka mu Buhinde muri Kaminuza ya STES-PUNE / INDIA.

STES-Rwanda ni ishami rya STES-PUNE mu Buhinde, ni kaminuza yigenga yatangiye ku wa 30 Kanama 2013. Abayigamo bamaze kugira ubumenyi buhambaye buzatuma bahangana ku isoko ry’umurimo.

Bigaragarira mu mishinga bakora igamije kugira uruhare mu guteza imbere abaturage no kuzamura ubukungu bw’igihugu. Muri yo harimo uwo kuhira hifashishijwe ikoranabuhanga, uwo kubakisha amatafari yakozwe mu bishogoshogo, kugabanya umubyigano w’imodoka mu Mujyi wa Kigali, uwo gushyira umuriro muri telefoni no gucana amatara hifashishijwe imirasire y’izuba n’iyindi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE