Advertisement
 
 
 
 
 
 
 
 

Kwamamaza

Itangazo: BRD irishyuza abakozi bize kaminuza ku nguzanyo ya Leta y’u Rwanda   

  Yanditswe na Alex KANYAKOLE
 5 months ago

 
 

Banki y’Amajyambere y’u Rwanda (BRD) irasaba abakoresha bose bafite abakozi bahawe inguzanyo na Leta y’u Rwanda zo kwiga amashuri makuru kuva mu mwaka wa 1980 kubahiriza inshingano zabo ziteganywa mu Itegeko Nº 44/2015 ryo kuwa 14/09/2015 rigenga inguzanyo na buruse bihabwa abanyeshuri. Kubera iyo mpamvu, BRD irasaba abakoresha n’abakozi bireba ibi bikurikira:

• Abakoresha basabwe gushyikiriza BRD urutonde rw’abakozi babonye inguzanyo yo kwiga n’imyirondoro yabo kugira ngo batangire kwishyura inguzanyo bahawe. Inyandiko yo kuzuza (form) iboneka ku rubuga rwayo rwa Internet: www.brd.rw. Urwo rutonde ruzashyikirizwa BRD hifashishijwe email: education@brd.rw cyangwa aho Ishami ryayo rishinzwe inguzanyo z’abanyeshuri rikorera ku Kacyiru ku muhanda KG 541.

• Ku bakozi basanzwe bishyura hakoreshejwe gukatwa ku mushahara; BRD irasaba abakoresha babo ko bakimara gukata ku mishahara y’abakozi amafaramga yo kwishyura inguzanyo yo kwiga, bagomba guhita bashyira amafaranga bakase ku makonti ya BRD abigenewe yafunguwe mu mabanki anyuranye. Urutonde rw’ayo makonti narwo ruboneka ku rubuga rwa Internet: www.brd.rw. Abakoresha barasabwa kandi gushyikiriza BRD inyandiko za Banki zerekana ko bashyize amafaranga kuri ayo makonti (bordereau de versement/deposit slip) hamwe n’urutonde rw’abakozi bishyuriwe, hifashishijwe uburyo bwavuzwe hejuru.

• Ababonye inguzanyo zo kwiga amashuri makuru barasabwa kandi kwegera abakoresha babo kugirango bamenye neza ko amafaranga bakatwa ashyirwa ku makonti ya BRD, n’impapuro zibyemeza zishyikirizwa BRD ku gihe.

BRD iboneyeho kandi gusaba abahawe inguzanyo bikorera kwihutira kuyegera kugirango bumvikane uburyo inguzanyo bahawe zizishyurwa.

BRD iramenyesha kandi abo bireba bose, ko nyuma y’amezi atatu uhereye igihe iri tangazo risohokeye, izatangira gushyira mu bikorwa ibihano biteganywa n’Itegeko ryavuzwe hejuru ku bazaba batubahirije inshingano zabo.

Ukeneye ibindi bisobanuro yakwandikira BRD kuri education@brd.rw .

Bikorewe i Kigali, kuwa 27 Nzeri 2016

Alex KANYAKOLE

 

Comments

 
 
Impinduka mu buyobozi bwa Banki y’Abaturage y’u Rwanda (BPR)
Impinduka mu buyobozi bwa Banki y’Abaturage y’u Rwanda (BPR)

Uwari umuyobozi wa Banki y’Abaturage y’u Rwanda (BPR), Sanjeev Anand yazamuwe mu ntera agirwa umuyobozi ushinzwe ubucuruzi mu kigo Atlas Mara, gifite imigabane isaga 60 % muri iyi banki. (...)

2010-2017: Ibyagezweho mu bukungu n’imibereho myiza y’abaturage
2010-2017: Ibyagezweho mu bukungu n’imibereho myiza y’abaturage

Mu myaka irindwi ya manda ya kabiri Nyakubahwa Perezida Paul Kagame amaze ayobora u Rwanda, igihugu kimaze gutera imbere mu nkingi enye za guverinoma, imiyoborere myiza, ubutabere,ubukungu (...)

Ikawa y’u Rwanda ishobora kwiharira isoko mpuzamahanga
Ikawa y’u Rwanda ishobora kwiharira isoko mpuzamahanga

“Ubwiza bw’ikawa si ibikorwa remezo byiza ni uburyo itunganywa. Uruganda ni nk’igikoni mu rugo rw’umuntu. Utetse ibijumba biboze ukabitekera ku makaro bisohoka byanduye. Ushyizemo ibishyimbo birimo (...)

Ibikorwa by’ishyaka PSP birivugira mu gihugu
Ibikorwa by’ishyaka PSP birivugira mu gihugu

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu (...)

Ishyaka PSD ririshimira umusanzu waryo mu kubaka igihugu
Ishyaka PSD ririshimira umusanzu waryo mu kubaka igihugu

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.