Advertisement
 
 
 
 
 
 
 
 

Kwamamaza

Ishyaka PSD ririshimira umusanzu waryo mu kubaka igihugu   

  Yanditswe na MUKAGAHIZI ROSE
 1 month ago

 
 

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo y’ubwumvikane no kubaka bahereye ku mateka rwanyuzemo yarugejeje kuri Jenoside yakorewe Abatutsi mu 1994.

Mu kiganiro n’Imvaho Nshya, Dr. Ngabitsinze Jean Chrysostome, Umunyamabanga Mukuru w’Ishyaka PSD, yasobanuye ko ibyo bishimira Ishyaka ryabo rimaze kugeraho ari byinshi dore ko ari Ishyaka rya kabiri mu gihugu nyuma y’umuryango FPR / Inkotanyi uri k’ubutegetsi.

Byongeye kandi ngo nyuma ya Jenoside Ishyaka PSD ryagiye mu nzego z’ubutegetsi bw’igihugu, riharanira Ubumwe n’Ubwiyunge bw’Abanyarwanda, riharanira Ubutabera, Imibereho myiza y’Abaturarwanda n’Ubwisungane.

JPEG - 258.3 kb
Dr. Ngabitsinze Jean Chrysostome, Umunyamabanga Mukuru w’Ishyaka PSD

Dr Ngabitsinze akomeza agira ati “ Kubijyanye n’ibikorwa haba mbere ya Jenoside na nyuma yayo P.S.D yagiye igaragara mu bikorwa bya Politiki. Hari byinshi twakoze byo kurwanya akarengane kari kenshi cyane ku ngoma ya Habyarimana na MRND, hari n’ibindi twakoze nyuma ya Jenoside yakorewe Abatutsi 1994 byo kubaka ubumwe bw’Abanyarwanda nubu tugikomeza. Igihe cyose P.S.D yabaye muri politiki mu nzego zose zishoboka, ibikorwa byose mu gihugu tubibamo.

Bigaragarira muba Minisitiri, bigaragarira mu bayobozi tugira mu Nteko Ishinga Amategeko, muri SENA mu nzego z’ibanze hose tuba duhari, ndetse no mububanyi n’amahanga, kandi twishimira uburyo duhabwa agaciro mu gutanga umusanzu wacu.”

Kuba ubushakashatsi bwa Never Again bwamuritswe muri Kanama uyu mwaka, bukagaragaza ko ibikorwa by’imitwe ya politiki bitagaragara uretse iby’Umuryango FPR / INKOTANYI gusa, abaturage bakabona ko andi mashyaka agaragara mu gihe cy’amatora gusa, Dr Ngabitsinze yagize icyo abivugaho.

“ Ubushakashatsi bwa Never Again ndabuzi, ako ni akantu gato karimo muri byinshi byakozwe muri raporo yabo kuko twanabiganiyeho. Hari uburyo ubushakashatsi bukorwa, hari n’ababajijwe kandi koko ntawahakana ko FPR ariyo ifite abanyamuryango benshi muri iki gihugu, ariko n’andi mashyaka afite abarwanashyaka bitewe n’igipimo runaka. P.S.D rero nk’Ishyaka rya kabiri hari uko duhaze kandi turabyishimiye.

JPEG - 328.2 kb
Ishyaka P.S.D ririshimira umusanzu waryo mu kubaka igihugu

Dr Ngabitsinze akomeza ashimangira ko, Ishyaka PSD rikorera mugihugu hose, rifasha Abarwanashyaka kwiyubaka no kubaka igihugu binyuze mu mahugurwa ndetse no kubafasha kwihangira imirimo itandukanye, byose bigakorwa bafatanyije n’abandi bakomoka mu mitwe ya politiki yemewe mu Rwanda.

Iri shyaka kandi ngo ntiryasigaye inyuma mu ruhando mpuzamahanga hagamijwe kugira ngo Abanyarwanda baba hanze y’Igihugu bashobore kubona Amashyaka bajyamo atandukanye yemewe mu gihugu bityo bagahuriza hamwe n’abandi Banyarwanda mu gushaka icyateza igihugu imbere.

Mu ntangiriro z’ukwezi kwa Kamena uyu mwaka P.S.D yatangijwe mu gihugu cy’Ububiligi kandi ibi bikorwa bizakomeza n’ahandi “ Nibyiza ko dufatanya n’Abanyarwanda baba hanze mukurwanya imitwe ya politiki ikorera hanze, itunzwe no guharabika no gukwirakwiza ingengabitekerezo ya jenoside, ndetse no kurwanya politiki mbi y’Ibihugu bimwe na bimwe bigishyigikiye abasize bahekuye u Rwanda rwacu.” Ariko Dr Ngabitsize avuga.

JPEG - 304.6 kb
P.S.D ni ishyaka rikunda ‘discipline’ kandi ryubaha indi mitwe ya politiki bakorana

Mu gutegura Isabukuru y’imyaka 25 Ishyaka P.S.D rimaze rivutse, Umunyamabanga Mukuru yavuga ko imyeteguro bayigeze kure, hari igitabo cy’amateka ndetse na filimi mbara nkuru ( documentaire ) y’amateka ya P.S.D kuva yashingwa kugeza ubu biri gutegurwa bikazahura na Kongere y’Ishyaka iteganyijwe umwaka utaha.

Ku birebana no kuzatanga umukandida mu matora ataha y’umukuru w’igihugu, Dr Ngabitsinze yagize icyo abivugaho “Mu byukuri P.S.D muri kongere iheruka mu kwezi kwa Gicurasi 2015, Kongere y’igihugu yemeje ko tuzatanga umukandida nkuko twamutanze 2010.
Icyo cyemezo ntabwo kirahinduka ariko dufite indi Kongere, turitegura nkuko bigomba, hanyuma Kongere iteganyijwe umwaka utaha izafata icyemezo, icyo twakwizeza Abanyarwanda nuko icyemezo kizafatwa, kizaganisha nkuko bisanzwe mugutanga umusanzu mukubaka igihugu.”

JPEG - 324.5 kb
PSD ishyigikiye Politiki y’ubwubahane ku bitekerezo by’indi mitwe ya Politiki

Dr Ngabitsinze yasoje avuga ko P.S.D ari Ishyaka rikunda ‘discipline’ kandi ryubaha indi mitwe ya politiki bakorana. Yibutsa Abanyanyarwanda ko politiki y’igihugu uyu munsi wanone atari politiki ishingiye muguhangana kw’amashyaka ahubwo ari politiki ishingiye mu kwicara bagatekereza, bakaganira, bakuzuzanya bityo, bagashakira hamwe icyakubaka u Rwanda rurambye kandi rubereye Abanyarwanda bose.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ibikorwa by’ishyaka PSP birivugira mu gihugu
Ibikorwa by’ishyaka PSP birivugira mu gihugu

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu (...)

Ishyaka PSD ririshimira umusanzu waryo mu kubaka igihugu
Ishyaka PSD ririshimira umusanzu waryo mu kubaka igihugu

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo (...)

Polisi igiye guteza cyamunara ibinyabiziga byakoze amakosa mu muhanda
Polisi igiye guteza cyamunara ibinyabiziga byakoze amakosa mu muhanda

Polisi y’Igihugu ishingiye ku itegeko N0 34/1987 ryo ku wa 17 Nzeri 1987 ryerekeye imihanda n’uburyo bwo kuyigendamo , mu ngingo yaryo ya 35, 36, 37 na 38 zivuga ib¬yerekeye gufunga ibinyabiziga. (...)

 Kaminuza ya STES-Rwanda iratanga buruse ku bayiyandikishamo
Kaminuza ya STES-Rwanda iratanga buruse ku bayiyandikishamo

Kaminuza STES-Rwanda (Sinhgad Technical Education Society-Rwanda) iherereye mu Karere ka Kicukiro, yashyizeho gahunda yo korohereza abashaka kuyigamo; itanga buruse ku bari kwiyandikisha ubu (...)

Impamvu REG yahawe  igihembo mpuzamahanga cyo gukwirakwiza ingufu
Impamvu REG yahawe igihembo mpuzamahanga cyo gukwirakwiza ingufu

Ikigo cy’igihugu gishinzwe ingufu (REG) giherutse guhabwa igihembo na African Leadership Magazine hagendewe ku kuba iki kigo cyaragize imishinga y’ingufu yagize ingaruka nziza mu karere igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.