Advertisement
 
 
 
 
 
 
 
 

Kwamamaza

Ibikorwa by’ishyaka PSP birivugira mu gihugu   

  Yanditswe na MUKAGAHIZI ROSE
 2 weeks ago

 
 

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu munsi wa none atari politiki ishingiye mu guhangana kw’amashyaka ahubwo ari politiki ishingiye mu kwicara bagatekereza, bakaganira, bakuzuzanya bityo, bagashakira hamwe icyakubaka u Rwanda rurambye kandi rubereye Abanyarwanda bose.

Mu kiganiro n’Imvaho Nshya, Kanyange Phoebe Perezidante w’Ishyaka PSP akaba n’ Umuvugizi w’ihuriro nyunguranabitekerezo ry’imitwe ya Politiki yemewe mu Rwanda, yavuze ko ibikorwa by’ishyaka PSP byivugira. Ibi abihurizaho na Nkubana Alphonse, Umunyamabanga Mukuru w’Ishyaka PSP.

JPEG - 548.6 kb
Ishyaka PSP niryo moteri ya gahunda ya ’Sasa neza Munyarwandakazi’, yakozwe mu gihugu hose

Kuba ubushakashatsi bwa Never Again bwamuritswe muri Kanama uyu mwaka, bukagaragaza ko ibikorwa by’imitwe ya politiki bitagaragara uretse gusa iby’Umuryango FPR / INKOTANYI, abaturage bakabona ko andi mashyaka agaragara mu gihe cy’amatora gusa, Kanyange yagize icyo abivugaho “ Twagira ngo tuvuge ko ibyo bavuga ko andi mashyaka ataboneka atari byo ngira ngo ahubwo nibo bahitamo ayo birebera kuko ishyaka ry’ubwisungane rigamije iterambere ryavutse mu 2003 rimaze gukora ibikorwa byinshi. Turi moteri ya sasa neza Munyarwandakazi, twayikoze mu gihugu hose, umuturage tumwigisha gukuraho nyakatsi yo kuburiri, bamenya kwigurira za matela, tubigisha kuva mu bimina, bagana za Sacco, bava muri Sacco bagana Banki. ”

Banishimira na porogaramu yabo bafashamo abaturage kubona Mitiweli mu batishoboye kandi kenshi ibyo usanga bikorerwa kure mu giturage hahandi koko bazikeneye kandi ntibarebe abanyamuryango ba PSP gusa ahubwo bakareba Abanyarwanda muri rusange.

Ubushakashatsi bw’Ikigo cy’Igihugu cy’Ibarurishamibare (NISR) ku mirire, mu mwaka wa 2015, bwagaragaje ko abana 38% bagwingiye kandi 20% bakaba bagwingira bakiri mu nda ya ba nyina, bafite ibiro biri munsi ya 2.5. Ibi nabyo Ishyaka PSP ntiryarebeye nkuko Kanyange yabibwiye Imvaho Nshya “Twakoze igikorwa cy’agakono k’umwana bakagategura bareba indyo yuzuye.”

JPEG - 312.5 kb
Kanyange Phoebe, Perezidante w’Ishyaka PSP

Nkubana Alphonse, Umunyamabanga Mukuru w’Ishyaka PSP yabwiye Imvaho Nshya ko banishimira uburyo bagirirwa icyizere bakaba ubu bafatanyije n’indi mitwe ya Politiki yemewe mu gihugu bahurira hamwe ariko by’umwihariko bakaba barahawe amahirwe yo kuba bayobora bagenzi babo bakababera abavugizi.

Iri shyaka rishyize imbaraga nyinshi ku iterambere rirambye ry’igihugu, ku bumwe bw’Abanyarwanda no gukomeza kubana n’abandi neza igihugu kigatera imbere.

Ku birebana n’amatora ataha y’umukuru w’igihugu, Kanyange Foibe yagize icyo asaba Abanyarwanda byumwihariko abayoboke ba PSP kuzashishoza bakazahitamo umukandida mwiza, umukandida ubereye igihugu, ariwe Nyakubaha Perezida Paul Kagame.

Umutwe wa Politike PSP washinzwe ku wa 11 Nzeri 2003 wemezwa n’iteka rya Minisitiri no 05/07.4 ryo ku wa 12/11/2003.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ibikorwa by’ishyaka PSP birivugira mu gihugu
Ibikorwa by’ishyaka PSP birivugira mu gihugu

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu (...)

Ishyaka PSD ririshimira umusanzu waryo mu kubaka igihugu
Ishyaka PSD ririshimira umusanzu waryo mu kubaka igihugu

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo (...)

Polisi igiye guteza cyamunara ibinyabiziga byakoze amakosa mu muhanda
Polisi igiye guteza cyamunara ibinyabiziga byakoze amakosa mu muhanda

Polisi y’Igihugu ishingiye ku itegeko N0 34/1987 ryo ku wa 17 Nzeri 1987 ryerekeye imihanda n’uburyo bwo kuyigendamo , mu ngingo yaryo ya 35, 36, 37 na 38 zivuga ib¬yerekeye gufunga ibinyabiziga. (...)

 Kaminuza ya STES-Rwanda iratanga buruse ku bayiyandikishamo
Kaminuza ya STES-Rwanda iratanga buruse ku bayiyandikishamo

Kaminuza STES-Rwanda (Sinhgad Technical Education Society-Rwanda) iherereye mu Karere ka Kicukiro, yashyizeho gahunda yo korohereza abashaka kuyigamo; itanga buruse ku bari kwiyandikisha ubu (...)

Impamvu REG yahawe  igihembo mpuzamahanga cyo gukwirakwiza ingufu
Impamvu REG yahawe igihembo mpuzamahanga cyo gukwirakwiza ingufu

Ikigo cy’igihugu gishinzwe ingufu (REG) giherutse guhabwa igihembo na African Leadership Magazine hagendewe ku kuba iki kigo cyaragize imishinga y’ingufu yagize ingaruka nziza mu karere igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.