Advertisement
 
 
 
 
 
 
 
 

Kwamamaza

AVSI irishimira umusanzu wayo ku iterambere ry’igihugu mu myaka 22 imaze mu Rwanda   

  Yanditswe na
 4 months ago

 
 

Umuryango mpuzamahanga utagengwa na Leta, AVSI,washingiwe mu Butaliyani mu mwaka wa 1972 ukaba wishimira ibikorwa umaze ukorera mu Rwanda biganisha ku iterambere mu burezi, ubuzima, kubungabunga uburenganzira bw’umwana ndetse no kubaka ubukungu bw’imiryango, aho imaze kugera kubasaga ibihumbi 40 bo mu turere dutandukanye.

Uyu muryango ushimirwa kuba waratabaye aho rukomeye nyuma gato ya Jenoside yakorewe abatutsi aho waje uhangana n’ingaruka zayo zitandukanye abanyarwanda bahuraga nazo ikabafasha kwibohora ingoyi y’urusobe rw’ibibazo cyane cyane ubuzima n’ubuzima mbamutima.

Umuyobozi wa AVSI mu Rwanda, Lorette Birara , yatangarije Imvaho Nshya ko mu myaka 22 uyu muryango umaze ukorera mu Rwanda umaze gukorana n’imiryango ibihumbi bigera ku bihumbi muringo ine ( 40).

Yagize ati “Twishimira ko mu gihe tumaze mu Rwanda twakoranye n’imiryango myinshi mu bikorwa bitandukanye byagiye bihindura ubuzima bwa benshi.

Igeze mu Rwanda nyuma gato ya jenoside yakorewe abatutsi AVSI yibanze ibikorwa by’uburezi bw’umwana mu muryango, ubuzima, ubuhinzi n’ubworozi.

AVSI ikaba ikorera mu turere turenga icyenda, ariko ikaba ifite ibyicaro bihoraho mu turere dutanu aritwo; mu majyepfo (Kamonyi, Nyanzana,Ruhango), Uburasirazuba (Gatsibo) ndetse amajyaruguru (Gicumbi)

Uyu muryango hari bimwe mu bikorwa yagiye igiramo uruhare rukomeye harimo;

 Amahugurwa y’abarimu ku bigo bakorana no gusana amashuri yangiritse,
 Kubaka ihuriro rirengera umwana no kurwanya ihohoterwa rishingiye ku gitsina rihuriyemo abafatanyabikorwa batandukanye mu turere ikoreramo barimo inzego z’ibanze, Polisi y’Igihugu n’indi miryango y’iterambere
 Gutera inkunga uburezi kuri bose cyane cyane imfubyi n’abana bakomoka mu miryango itishoboye
 Kwigisha gusoma, kwandika no kubara abakuze n’abandi bacikirije cyangwa batagize amahirwe yo kugana ishuri
 Kubaka ibikorwaremezo by’amazi, isuku n’isukura mu mashuri ndetse no muryango nyarwanda
 Gushyira ingufu mu burezi bw’umwana w’umukobwa

JPEG - 226.4 kb
AVSI yigisha ababyeyi kugabura indyo yuzuye

Uyu muryango kandi ufite ‘centre’ esheshatu zitwa ‘URINZIRA’ azwi nk’“URunana rw’Imiryango mu NZira y’Amajyambere” zikaba ziri mu turere dutanu ikoreramo ku buryo buhuraho. Izi centre zifatwa nk’isuzumiro ry’uburyo bw’imikorere, zikomatanya ibikorwa bitandukanye by’iterambere ry’umwana mu muryango.

Muri iyi gahunda yatangiye mu 2013, imiryango ifata iya mbere mu nzira yo kwigira kugira ngo yiteze imbere itegura n’ejo hazaza. Ikora ibikorwa bitandukanye birimo irerero ry’abana b’incuke, kwiga gusoma, kwandika no kubara ku bakuze, urubohero, isomero ry’abato n’abakuze, guteza imbere ubuhinzi ndetse n’ibindi bikorwa bitandukanye biganisha ku iterambere.

Ubu buryo butanga imbuto nziza kuko bwagize uruhare mu gukemura ibibazo byinshi byari byugarije imiryango cyane cyane amakimbirane, ihohoterwa rikorerwa umwana n’umugore, kurwanya imirire mibi.

Umuyobozi wa AVSI yakomeje agira ati “ Byafashije abana bajyaga basigara bonyine mu ngo ntawe ubakurikirana,abandi bazerera mu mihanda mu gihe ababyeyi babo babaga babasize babakingiranye bagiye mu yindi mirimo. Ababyeyi b’abakorerabushake basimburana mu guha uburere bwiza n’indangagaciro zibereye umwana w’u Rwanda rw’ejo”.

Umuryango AVSI Rwanda wahanze utundi dushya turimo guhugura abajyanama b’uburezi, bafasha gukurikirana uburezi bw’abana, gutanga amakuru no kumenya by’umwihariko ingo zirimo amakimbirane zigafashwa.

Mu rwego rwo guteza imbere umuco wo gusoma, biciye muri URINZIRA uyu muryango washinze amasomero kugira ngo abantu bajijuke, kandi bakunde gusoma.

AVSI kandi kifite gahunda yitwa ‘IHURIRO’ nk’urubuga urubyiruko rurangije imyuga n’amashuri yisumbuye bahuriramo mu rwego rwo kuganira no gusangira ubumenyi, n’amakuru ku murimo no kwivana mu bwigunge. Iri huriro kandi rifasha uru rubyiruko gutekereza ku mishinga y’abateza imbere maze imwe igaterwa inkunga indi igakorerwa ubuvugizi mu bigo by’imari.

URUBOHERO ni urubuga ry’abagore



Muri centre URINZIRA, URUBOHERO ni urubuga abagore bahuriramo mu bikorwa bitandukanye by’amaboko nko kuboha no kudoda ariko kandi bakaganira no ku bibazo by’ihariye bagiye bafite ndetse n’uburyo bahuza imbaraga mu kubikemura. URUBOHERO rwafashije abagore bakorana na AVSI Rwanda muri byinshi birimo gukemura amakimbirane mu miryango, gukora ibikorwa bibyara inyungu biciye mu kuboha ibiseke, kubingabunga isuku no kurwanya ihohoterwa.

Kuri ubu AVSI ifite icyerekezo cy’imyaka itanu 2016 – 2020 kigamije gukomeza gutanga umusanzu wayo mu iterambere ry’uburezi n;’umuryango, kurinda umwana no kurwanya ihohoterwa rishingiye ku gitsina hubakwa ubushobozi mu bukungu bw’imiryango.

Mu gihe abanyarwanda bizihiza isabukuru yo kwibohora, Umuyobozi wa AVSI yagize ubutumwa utanga ati “ Ubutumwa dutanga ku Banyarwanda ni uko bakwiye gukomeza gushyigikira ibyagezweho na Leta, dukomeza gufatanya mu iterambere. Turashimira Ingabo z’igihugu zahagaritse Jenoside kandi zikaba zikomeje kurinda ubusugire bw’Igihugu”.

Yakomeje agira ati “Turifuriza umuyobozi w’Igihugu gukomeza kutuyoborera mu ntumbero igihugu gifite, kugirango tubashe kurushaho kugera ku iterambere”.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ibikorwa by’ishyaka PSP birivugira mu gihugu
Ibikorwa by’ishyaka PSP birivugira mu gihugu

Ishyaka ry’Ubwisungane bugamije iterambere PSP ririshimira ibikorwa byinshi rigenda rigeza ku baturarwanda nyuma yo kubona izuba mu 2003 aho ritanga umusanzu waryo muri Politiki y’igihugu uyu (...)

Ishyaka PSD ririshimira umusanzu waryo mu kubaka igihugu
Ishyaka PSD ririshimira umusanzu waryo mu kubaka igihugu

Imyaka 25 irashize Ishyaka Riharanira Demokarasi n’Imibereho Myiza y’Abaturage (P.S.D.) rivutse aho abarwanashyaka baryo bishimira umusanzu wabo mugushyigikira Politiki u Rwanda rwahisemo (...)

Polisi igiye guteza cyamunara ibinyabiziga byakoze amakosa mu muhanda
Polisi igiye guteza cyamunara ibinyabiziga byakoze amakosa mu muhanda

Polisi y’Igihugu ishingiye ku itegeko N0 34/1987 ryo ku wa 17 Nzeri 1987 ryerekeye imihanda n’uburyo bwo kuyigendamo , mu ngingo yaryo ya 35, 36, 37 na 38 zivuga ib¬yerekeye gufunga ibinyabiziga. (...)

 Kaminuza ya STES-Rwanda iratanga buruse ku bayiyandikishamo
Kaminuza ya STES-Rwanda iratanga buruse ku bayiyandikishamo

Kaminuza STES-Rwanda (Sinhgad Technical Education Society-Rwanda) iherereye mu Karere ka Kicukiro, yashyizeho gahunda yo korohereza abashaka kuyigamo; itanga buruse ku bari kwiyandikisha ubu (...)

Impamvu REG yahawe  igihembo mpuzamahanga cyo gukwirakwiza ingufu
Impamvu REG yahawe igihembo mpuzamahanga cyo gukwirakwiza ingufu

Ikigo cy’igihugu gishinzwe ingufu (REG) giherutse guhabwa igihembo na African Leadership Magazine hagendewe ku kuba iki kigo cyaragize imishinga y’ingufu yagize ingaruka nziza mu karere igihugu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.