2017-07-27 11:26:56 clouds 27o High | Kigali Rwanda

Dukurikire:
 
 

Umuhanuzi w’Umunyekongo arifuza kuba Umunyarwanda

Yanditswe na IMVAHO NSHYA

Kuya 2016-06-02 05:58:45

 
Share on:
 
Yasuwe:89
 
Yavuzweho:200
 
10
 
10

Umuhanzi ukomoka muri Repubulika iharanira Demokarasi ya Congo (RDC), Joel Francis Tatu, yahishuye ko yifuza kuba Umunyarwanda kuko abamuzi bose badahwema kumubwira ko ashobora kuba akomoka mu Rwanda kuko asa n’Abanyarwanda cyane.

Uyu muhanuzi wamaze kuba icyamamare muri RDC, yatangaje ko yifuza ubwenegihugu bw’u Rwanda ku mugoroba wo ku wa Mbere tariki 31 Gicurasi mu giterane cyabereye n’itorero Nobel i Kigali, kuko uko babimubwira kenshi na we yiyumvamo ubunyarwanda cyane.

Iki giterane yatumiwemo cyiswe ‘Fill My Cup’ bishatse kuvuga ngo ‘uzuza igikombe cyanjye’, cyitabiriwe n’imbaga y’abakirisitu batandukanye bari bategereje guheshwa umugisha n’uyu muhanuzi ubirambyemo guhera mu mwaka wa 1998.

JPEG - 256.3 kb
Joel Francis Tatu ukomoka muri Repubulika iharanira Demoarasi ya Congo, aterwa ishema no kwitwa Umunyarwanda

Mu butumwa yatanze ku munsi wa mbere yatanze ubuhamya bw’uko abanyekongo badahwema kumwita Umunyarwanda, ndetse na we bikaba bimutera ishema ariko akaba atiyumvisha impamvu atarabona ubwenegihugu afite. Yavuze ko “yifuza pasiporo n’inzu mu Rwanda” ubundi akaba ari ho akorera umurimo.

Tatu azwiho kuba umuvugabutumwa ukomeye, umuririmbyi ndetse n’umwanditsi wakiriye impano y’ubuhanuzi mu 1998 mu gitaramo cy’ivugabutumwa cyabereye kuri Sitade Martyrs y’i Kinshasa.

Akoresha uburyo butandukanye burimo n’imbuga nkoranyambaga mu gukwiza ubutumwa buhindura ubuzima bwa benshi, cyange cyane ku bijyanye n’icyo ubutumwa bwiza buvuga ku kugarukira imana, ugushyingirwa ndetse n’imibanire y’abashakanye.

Biteganijwe ko iki igiterane yitabiriye mu Rwanda kizasozwa kuya 7 Kamena, abakirisitu bakaba biteze kubonera umugisha mu nyigisho azatanga.

JPEG - 260.3 kb
Abakirisitu mu Rwanda bishimiye guterana na we
JPEG - 208.4 kb
Miss Rwanda 2015 Kundwa Doriane (uwa kabiri uhereye ibumoso), mu bitabiriye aya materaniro ku ikubitiro
JPEG - 267.7 kb
Tatu n’Umugore we mu giterane cy’amasengesho i Kigali

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE