Advertisement
 
 
 
 
 
 
 
 

Iyobokamana

Nyuma y’imyaka 5 yitandukanyije na FDLR yasohoye alubumu isingiza Imana   

  Yanditswe na IYAREMYE YVES
 1 week ago

 
 

Hakizimana Bahati Jean Bosco uzwi ku izina ry’ubuhanzi nka ’Pastor Bahati ukomoka mu karere ka Nyabihu yasohoye Alubumu y’Indirimbo zihimbaza Imana yise Urusaku ruva he mu Murimo w’Imana”.

Hakizimana amaze imyaka itanu yitandukanyije n’Umutwe wa FDLR washinzwe n’abahungiye muri Repubulika iharanira Demokarasi ya Congo bazize bakoze Jenoside yakorewe Abatutsi mu Rwanda mu mwaka wa 1994.

Pastor Bahati usengera mu itorero rya ADEPR Paruwasi Gasiza mu karere ka Nyabihu amuritse iyi alubumu igizwe n’indirimbo 13 nyuma y’umwaka urenga ayitegura, agamije gukwiza ubutuma bufasha Abanyarwanda kubana neza.

JPEG - 254 kb
Pastor Bahati ari kumwe na Theo Bosebabireba ubwo yamurikaga alubumu ye (Foto Iyaremye Y)

Uyu mugabo yageze i Rusizi ku mupaka uhuza u Rwanda na Repubulika iharanira Demokarasi ya Congo mu mwaka wa 2011, Ubuzima bw’ishyamba ngo bwatumye ahiga gukorera Imana igihe azaba ageze mu Rwanda, none ngo ubwo yageze mu gihugu amahoro agomba kuririmba ibitangaza by’Imana.

Yagize ati “Ubuzima bw’ishyamba bwarandiye cyane ibyo twakoraga byo kurwanya Leta y’u Rwanda nabonaga nta mugisha urimo… ngeze aho numva ndarambiwe nkajya nicara ngasenga nsaba Imana kunkura mu mashyamba aho twarwaraga tugapfa kubwo inzara no kubura imiti, kwambara byari ukujya kwiba abaturage, imvura yahoraga itunyagira nta hantu ho kugama byari bibabaje cyane. Mbuvuyemo [ubuzima] ngeze mu Rwanda nta kindi nari gukora usibye gukora ibyo nayisezeranyije no gutanga ubutumwa bw’amahoro bwubaka.”

Hakizimana yahamije ko mbere hose atiyumvgamo ko afite impano yo kuririmba ariko akigera mu Rwanda yashimishijwe cyane no kuba atashye amahoro ari na ko yahise yiyumvamo kuririmba ahimbaza Imana.

JPEG - 241 kb
Uwiringiyimana Theo yashyigikiye uyu muhanzi wemeye gutanga umusanzu we mu gufasha Abanyarwanda kubana neza

Ati “Nkiri mu mashyamba ya DRC nari umucuranzi kandi twari dufite korali yitwa Twihangane y’abantu bagera ku 100, bamwe barataha mu Rwanda abandi baracyariyo… Nakoze mu nganzo ngo nshishikarize abantu kurushaho gukunda Imana n’ igihugu kibakunda ndetse ndateganya kuririmba nyinshi zikangurira abo twari kumwe mu mashyamba gutaha kuko iwacu ni amahoro.”

Zimwe mu ndirimbo avuga Korari yaririmbagamo mu mashyamba ya Congo harimo iyitwa Mfite Agahinda, Nzataha Ryari n’izindi zitandukanye.

Umuyobozi w’Akarere ka Nyabihu Uwanzwenuwe Theoneste ashima uruhare rw’uyu muhanzi mu kwigisha gahunda z’ubumwe n’ubwiyunge abinyujije mu iyobokamana no kuba yarafashe umwanuro wo kuva mu mashyamba.

Umuhango wo kumurika alubumu witabiriwe n’abahanzi bahimbaza Imana barimo Theo BoseBabireba, Aphrodis n’abandi bahanzi bakorera mu itorero rya ADEPR Paruwasi ya Gasiza muri aka karere ka Nyabihu.

JPEG - 325.8 kb
Past Bahati yishimiye gutanga umusanzu we mu gufasha abakiri mu mashyamba kwemera ko mu Rwanda ari amahoro
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Twifuza ko Abanyarwanda bose bajya mu ijuru-Min. Uwacu
Twifuza ko Abanyarwanda bose bajya mu ijuru-Min. Uwacu

Minisitiri w’Umuco na Siporo Uwacu Julienne yatangaje ko ahora yifuriza Abanyarwanda bose kujya mu ijuru ariko anabakangurira gukora imirimo myiza izabafasha muri uru rugendo. Minisitiri Uwacu (...)

Polisi y’u Rwanda yashimiwe gushyigikira Umurimo w’Imana
Polisi y’u Rwanda yashimiwe gushyigikira Umurimo w’Imana

Polisi y’u Rwanda yahawe igihembo ku bw’ubwitange igira mu gucunga umutekano w’abari mu masengesho n’ibitaramo bya gikirisitu binyuranye mu gihugu. Iki gihembo (cyiswe Sifa Rewards 2016) , cyatanzwe (...)

Groove Awards 2016: Abahanzi bagiye kuzenguruka mu matorero ya Kigali
Groove Awards 2016: Abahanzi bagiye kuzenguruka mu matorero ya Kigali

Ibirori bitangwamo ibihembo ku bahanzi ndetse n’amakolari aririmba indirimbo zihimbaza Imana, bizwi nka Groove Awards bigiye gutangwa ku nshuro ya 4 mu Rwanda habanje ibikorwa byo kuzenguruka mu (...)

Kiliziya igiye gushakira amacumbi abasura Kibeho bakabura aho barambika umusaya
Kiliziya igiye gushakira amacumbi abasura Kibeho bakabura aho barambika umusaya

Umushumba wa Diyoseze gatulika ya Gikongoro Mgr. Hakizimana Celestin, avuga ko kiliziya irimo gukora ibishoboka byose ngo ibonere icumbi, abakorera ubukerarugendo nyobokamana i Kibeho cyane cyane (...)

Umuhanuzi w’Umunyekongo arifuza kuba Umunyarwanda
Umuhanuzi w’Umunyekongo arifuza kuba Umunyarwanda

Umuhanzi ukomoka muri Repubulika iharanira Demokarasi ya Congo (RDC), Joel Francis Tatu, yahishuye ko yifuza kuba Umunyarwanda kuko abamuzi bose badahwema kumubwira ko ashobora kuba akomoka mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.