Advertisement
 
 
 
 
 
 
 
 

Iyobokamana

Kiliziya igiye gushakira amacumbi abasura Kibeho bakabura aho barambika umusaya   

  Yanditswe na UMUTONI BEATHA
 3 months ago

 
 

Umushumba wa Diyoseze gatulika ya Gikongoro Mgr. Hakizimana Celestin, avuga ko kiliziya irimo gukora ibishoboka byose ngo ibonere icumbi, abakorera ubukerarugendo nyobokamana i Kibeho cyane cyane ku munsi w’ijyanwa mu ijuru rya Bikira Mariya, bakabura aho barambika umusaya.

Tariki 15 Kanama buri mwaka, abakirisitu gatulika hirya no hino ku isi bizihiza umunsi mukuru w’ijyanwa mu ijuru rya Bikira Mariya, uzwi nka Assomption.

Uko ni nako i Kibeho mu karere ka Nyaruguru by’umwihariko ahazwiho kuba harabereye amabonekerwa kuri iyi tariki hahuriye imbaga y’abakirisitu gatulika baturutse imihanda yose, haba mu Rwanda no mu mahanga, mu rwego rwo kwizihiza uwo munsi mukuru.

Immaculee Iribagiza, umunyarwandakazi utuye muri Leta Zunze Ubumwe z’Amerika, ndetse na bagenzi be bavuga ko bashimishwa no kuza ku butaka butagatifu bwitiriwe Umwamikazi Bikira Mariya, kuko ngo bashingira ku bitangaza byagiye biba kuri bagenzi babo babanje kuhaza mbere.

JPEG - 200.3 kb
Abakirisitu baturutse hirya no hino baba bitwaje amaturo atandukanye yo gutura Bikira Mariya (Foto Umutoni B)

Nubwo abakorera ingendo nyobokamana i Kibeho ngo umutekano wabo uba ubungabunzwe uko bikwiye, ngo haracyari imbogamizi zirimo kuba umubare munini w’abahagana batabona aho bacumbika, bigatuma barara hanze no muri Kiliziya.

Umushumba wa Diyoseze gatulika ya Gikongoro, Musenyeri Hakizimana Celestin, avuga ko hari gahunda yo gushaka umuti urambye w’icyo kibazo, ku buryo abakora ingendo nyobokamana nta bushobozi bafite bwo gukodesha amacumbi batazongera kubura aho baruhukira.

yagize ati: "Hano buri mwaka usanga abantu bagenda biyongera kuhaza, haracyari ikibazo rero ku kuba abantu bamwe badafite ubushobozi bwo kwishyura amacumbi usanga barara mu kiliziya kandi kubera kubura aho barara.

Gusa iki kibazo dufatanyije n’inzego zinyuranye ndetse n’itsinda ryabakirisitu bo mu gihugu cya Amerika mu gihe cya vuba tugiye kongera aho abantu bazajya barara hatari mu kiliziya cyangwa hanze."

Kiliziya Gatolika yemeje ko i Kibeho habereye amabonekerwa ya Bikira Mariya mu 1987, mu gihe yari yaratangiye kuba mu 1982.

Kuri ubu abahakorera ingendo nyobokamana cyane cyane mu gihe cy’iminsi mikuru nk’uwa Assomption bahaza bitwaje amaturo anyuranye, arimo ibiribwa n’ibindi bikoresho.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Twifuza ko Abanyarwanda bose bajya mu ijuru-Min. Uwacu
Twifuza ko Abanyarwanda bose bajya mu ijuru-Min. Uwacu

Minisitiri w’Umuco na Siporo Uwacu Julienne yatangaje ko ahora yifuriza Abanyarwanda bose kujya mu ijuru ariko anabakangurira gukora imirimo myiza izabafasha muri uru rugendo. Minisitiri Uwacu (...)

Polisi y’u Rwanda yashimiwe gushyigikira Umurimo w’Imana
Polisi y’u Rwanda yashimiwe gushyigikira Umurimo w’Imana

Polisi y’u Rwanda yahawe igihembo ku bw’ubwitange igira mu gucunga umutekano w’abari mu masengesho n’ibitaramo bya gikirisitu binyuranye mu gihugu. Iki gihembo (cyiswe Sifa Rewards 2016) , cyatanzwe (...)

Groove Awards 2016: Abahanzi bagiye kuzenguruka mu matorero ya Kigali
Groove Awards 2016: Abahanzi bagiye kuzenguruka mu matorero ya Kigali

Ibirori bitangwamo ibihembo ku bahanzi ndetse n’amakolari aririmba indirimbo zihimbaza Imana, bizwi nka Groove Awards bigiye gutangwa ku nshuro ya 4 mu Rwanda habanje ibikorwa byo kuzenguruka mu (...)

Kiliziya igiye gushakira amacumbi abasura Kibeho bakabura aho barambika umusaya
Kiliziya igiye gushakira amacumbi abasura Kibeho bakabura aho barambika umusaya

Umushumba wa Diyoseze gatulika ya Gikongoro Mgr. Hakizimana Celestin, avuga ko kiliziya irimo gukora ibishoboka byose ngo ibonere icumbi, abakorera ubukerarugendo nyobokamana i Kibeho cyane cyane (...)

Umuhanuzi w’Umunyekongo arifuza kuba Umunyarwanda
Umuhanuzi w’Umunyekongo arifuza kuba Umunyarwanda

Umuhanzi ukomoka muri Repubulika iharanira Demokarasi ya Congo (RDC), Joel Francis Tatu, yahishuye ko yifuza kuba Umunyarwanda kuko abamuzi bose badahwema kumubwira ko ashobora kuba akomoka mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.