2017-06-26 13:56:47 clouds 27o High | Kigali Rwanda

Dukurikire:
 
 

Zahinduye imirishyo mu irushanwa Primus Guma Guma Super Star

Yanditswe na IMVAHO NSHYA

Kuya 2016-03-24 12:20:32

 
Share on:
 
Yasuwe:249
 
Yavuzweho:200
 
10
 
10

Primus Guma Guma Super Star (PGGSS), irushanwa rihuza abahanzi bakomeye mu Rwanda, ku nshuro ya gatandatu ryatangijwe kuri uyu wa 24 Werurwe 2016, ritangirana impinduka zikomeye.

Ubuyobozi bw’uruganda Bralirwa n’ikompanyi East Africa, Promoters (EAP) bategura iri rushanwa, bagaragaje ko kuri iyi nshuro ya gatandatu, hari impinduka zabayeho, kugira ngo intego z’irushanwa zibashe kugerwaho.

Mu mpinduka zabayeho, harimo kuba abahanzi bamaze kwitabira iri rushanwa inshuro zigera kuri eshatu batemerewe kongera kurigaragaramo.

JPEG - 178.2 kb
Mushyoma Joseph, Umuyobozi wa EAP ifatanya na Bralirwa gutegura PGGSS

Uyu mwanzuro usobanuye ko abahanzi basanzwe bakunzwe cyane mu muziki wo mu Rwanda nka Dream Boyz na Eric Senderi wiyita International Hit, batazagaragara muri iri rushanwa.

Indi mpinduka ikomeye ni uko ibitaramo byaberaga hirya no hino mu turere byagabanyijwe, bikava kuri 15 bikagera ku 8.

Nk’uko bigaragara ku ngengabihe y’iri rushanwa, ibitaramo bizabera aha hakurikira:

14/05/2016-Gicumbi
21/05/2016-Karongi
04/06/2016-Nyamirambo (Kigali)
18/06/2016-Ngoma
02/07/2016-Huye
6/07/2016-Musanze
30/07/2016-Rubavu
13/08/2016- Kigali (Grand Finale)

Muri rusange dore ibisabwa umuhanzi ngo yemererwe gutorwa mu bahatanira PGGSS6:

- Kuba afite cyangwa arengeje imyaka 18 y’amavuko
- Kuba afite ubwenegihugu bw’u Rwanda kandi akorera umuziki mu Rwanda
- Kuba atarigeze atwara iri rushanwa
- Kuba uhatana afite nibura indirimbo eshatu zifite amashusho, zakozwe hagati ya 2013-2016, kandi imwe muri zo ikaba yarakozwe hagati ya 2015-2016.

Amatora y’abajya mu irushanwa arakomeje, turakomeza kuyabakurikiranira…

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE