2017-08-19 07:41:08 clouds 27o High | Kigali Rwanda

Dukurikire:
 
 

Wizkid yageze i Kigali yihisha abanyamakuru basigara bashobewe

Yanditswe na IMVAHO NSHYA

Kuya 2016-08-24 19:11:31

 
Share on:
 
Yasuwe:4
 
Yavuzweho:200
 
10
 
10

Ayodeji Ibrahim Balogun ukoresha mu muziki izina rya Wizkid akaba ari umuhanzi wo muri Nigeria, kuri uyu wa Gatatu ku ya 24 Kanama 2016 hafi saa moya z’ijoro yihishe itangazamakuru ubwo yageraga ku kibuga cy’indege mpuzamahanga cya Kigali i Kanombe.

Bivugwa ko yanze kuvugana n’itanggazamakuru kubera kubera umunaniro yari akuye i Mwanza muri Tanzaniya aho yari avuye.

Kutabonana n’itangazamakuru kwa Wizikid kwatangiye gukekwa mu ma saa kumi n’imwe z’umugoroba bamwe mu bari bamutegereje baenyaga amakuru ko ashobora kuba yaje kare agashokera ahanyura abanyacyubahiro.

Abantu batandukanye bari biganjemo abanyamakuru bakomeje gutegereza Wizkid bigeze nka saa kumi n’ebyiri n’iminota 40 bivugwa ko aje abantu batangira kumwitegura.

JPEG - 282.5 kb
Ubwo bamwe mu bagaragiye Wizkid basohokaga ku kibuga cy’indege

Muri uko kumwitegura, aho abagenzi basohokera haje itsinda rye ryari rigizwe n’abantu benshi risohoka abarigize binjizwa mu modoka nta muntu n’umwe bavuganye ku buryo byasize urujijo mu banyamakuru.

Bamwe bati “Twamubonye yari yambaye imyenda imuhishe mu maso” abandi na bo bati “Ntabwo yasohokeye hariya yasohokeye ahanyurwa n’abanyacyubahiro…”

Nyuma y’izo mpaka zitandukanye, Umutoni Françine ukora muri Bralirwa akaba ari na yo kompanyi yamutumiye mu gitaramo cyagenewe ikinyobwa cya Mitziig yavuze ko impamvu Wizkid atifuje kwiyereka no kuganira n’itangazamakuru ari uko ananiwe cyane ngo kandi yumvaga atamerewe neza.

JPEG - 90.2 kb
Kutiyereka itangazamakuru kwa Wizkid kwafashwe nk’agasuzuguro

Yagize ati “Avuye i Mwanza muri Tanzaniya arumva arushye ni yo mpamvu atifuje kwigaragaza no kuganira n’itangazamakuru”.

Nyamara n’ubwo Umutoni yatanze ibyo bisobanura ashimangira ko itangazamakuru rizaganira na we ku wa Kane ku ya 25 Kanama 2016 nubwo bamwe batabyakiriye neza.

Biteganyijwe ko Wizkid azaririmba mu gikorwa ngarukamwaka kiswe “Mitziig Beer Fest” kizaba ku ya 27 Kanama 2016 kikazabera i Rugende ku muhanda ugana i Rwamagana.

Umuhanzi Wizkid muri iyi minsi akunzwe mu ndirimbo zitandukanye harimo iyitwa “Final”, “Show you the money”, “In my bed” n’izindi.

JPEG - 289.9 kb
Abagize itsinda ry’ababyinnyi ba Wizkid bari barinzwe n’abasore b’ibigango
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE