Advertisement
 
 
 
 
 
 
 
 

Imyidagaduro

Umukobwa uvangavanga imiziki arasaba bagenzi be gutinyuka   

  Yanditswe na Gisubizo Gentil M.
 September 2016

 
 

Iradukunda Grace Divine wamenyekanye nka Dj Ira kubera akazi akora kajyanye no kuvangavanga umuziki aterwa ishema no kubona anezeza abantu amagana binyuze mu muziki.

Dj Ira wavukiye mu gihugu cy’u Burundi mu mwaka w’I 1995 avukira muri komini Gitega, n’umuhererezi mu muryango w’abana bane, n’umwe mu bavangavanga umuziki bazwi cyane nkaba DJ (Disc Joker) bari kuzamuka no kwitwara neza muri iki gihe cyane ko ari hake hano mu Rwanda wapfa gusanga aba DJ b’abakobwa.

Gukunda cyane no gukurikiranira hafi umuziki akiri muto byabaye intandaro y’uyu mukobwa kuba umu DJ, gusa byabaye akarusho kubera mubyara we uzwi cyane hano mu Rwanda mu bitaramo bikomeye hano mu gihugu ndetse no mu mazu y’imyidagaduro atandukanye witwa Dj Bissoso, uyu akaba ariwe watumye uyu mukobwa yumva ko agomba gukuza impano ye.

Mu kiganiro n’Imvaho Nshya DJ Ira yavuze ko afata Bissoso nk’umuntu w’icyitegererezo kuri we kuko ari we wamwigishije byinshi bijyanye no kuvangavanga umuziki, aho yaje kugira amahirwe akajya anyuzamo akayobora byinshi mu bitamo bikomeye kandi akaba yaranagaragaye muri Primus Guma Guma Super Star ku nshuro ya 6, aho yabashije kwigaragaza nk’umukobwa ushoboye kuba yanezeza imbaga yabitabiriye ibyo bitaramo mu bice bitandukanye by’igihugu.

Uyu mukobwa uterwa ishema n’akazi akora yakomeje avuga ko ubu asigaye akorana n’inzu ziberamo ibitaramo (Night Club) zitandukanye, aho bimufasha byinshi mu buzima bwe bwa buri munsi yagize ati:’’Uyu mwuga ndawukunda cyane kuko nabonye utunze benshi bawukora barimo na mubyara wanjye ubu arubatse afite umugore n’abana babiri, nanjye numva ugomba kuzamfasha byinshi mu buzima bwanjye birimo kwirihira ishuri, kwibeshaho neza muri rusange ntawe nsaba buri kimwe”.

Nubwo amaze igihe gito muri aka kazi yavuze ko abakobwa bakwiye gutinyuka ntibatoranye akazi kuko kuri we akazi kose n’akazi, nta muntu ukwiye gusuzugura umurimo kuko nta numwe utamubeshaho yabishatse yagize ati:’’ iyo ukoze ibintu ubikunze kandi ubyiyumvamo bikubeshaho cyane cyane nk’umukobwa bikakurinda kuba wagira uwo utegera amaboko”, Ira ahamya ko yifuza kuzavamo umukobwa wumu DJ mpuzamahanga kuburyo azabera abandi urugero.

DJ Bissoso ashimwa bikomeye n’uyu mukobwa kuko ari umufasha mu buzima bwa buri munsi, ntahwema ndetse no kumugira inama amwiyambaje ndetse n’umuryango wa muhaye amahirwe yo kuba yakora ubu DJ ndetse n’ibitangazamakuru binyuranye bimufasha mw’iterambere rye.

 

Comments

 
 
Uwayezu Jean Thierry afite inzozi zo kwagura muzika nyarwanda
Uwayezu Jean Thierry afite inzozi zo kwagura muzika nyarwanda

Umuhanzi w’umunyarwanda Uwayezu Jean Thierry, aravuga ko afite inzozi zo kwagura umuziki nyarwanda ukagera ku rwego mpuzamahanga, akaba ari yo mpamvu yagiye gukarishya ubwenge mu bijyanye na (...)

Abahanzi Nyarwanda bishimiye Diamond Platnumz ugiye kubafasha gucuruza umuziki
Abahanzi Nyarwanda bishimiye Diamond Platnumz ugiye kubafasha gucuruza umuziki

Bamwe mu bahanzi Nyarwanda bishimiye igitekerezo cy’umuhanzi Diamond Platnumz ugiye gutangiza mu Rwanda ibikorwa bijyanye no kubafasha gucuruza umuziki wabo. Bamwe mu baganiriye na Imvaho Nshya, (...)

Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.