2017-05-27 10:19:18 clouds 27o High | Kigali Rwanda

Dukurikire:
 
 

Umuhanzi Patrick Ngabo yiyemeje guhwitura urubyiruko rukinisha urukundo

Yanditswe na IMVAHO NSHYA

Kuya 2016-10-31 10:39:49

 
Share on:
 
Yasuwe:94
 
Yavuzweho:200
 
10
 
10

Umuhanzi nyarwanda Patrick Ngabonzima, avuga ko abinyujije mu bihangano bye agiye kwigisha urubyiruko iby’ihame ry’urukundo rw’ukuri no kudacana inyuma ku bashakanye.

Ngabonzima wize mu iseminari nto yitiriwe Mutagatifu Piyo wa X ya Nyundo, avuga ko yatangiye kuririmba ari mu mashuri abanza ariko bikaza kumubera byiza kurushaho nyuma yo kwigishwa umuziki na nyakwigendera Mgr. Dominiko Ngirabanyiginya.
Ngabonzima ashaka guhanura urubyiruko rukerensa iby'Urukundo
Ni umugabo wubatse ndetse afite n’umwana, yabwiye Imvaho Nshya ko adateze kuririmba ibintu bidafite ireme kuko buri murongo w’indirimbo ye uba ufite isomo wigisha abamwumva.

Ati “Ubutumwa ntanga bukubiye mu Rukundo rw’abifuza kurushinga ndetse nibanda no ku miryango, abubatse bifuza gukomeza kunogerwa n’urukundo rwabo ndetse no gusazana neza. Nk’umukirisitu n’indirimbo ziririmbiwe Imana ndazikora. Ndirimba mu njyana zinyuranye kandi zigezweho. Nta njyana ntakoramo indirimbo.”

Akomeza avuga ko azi gucuranga ibyuma bya muzika bitandukanye nka Piano , Guitar , fanfare … gutunganya umuziki (sound engineering) no gutegura ibitaramo.

Muri 2011 yitabiriye iserukiramuco ryitwa FIAB rihuza ibihugu bya Afurika y’Uburasirazuba ahava ahesheje isheme kaminuza ya INES Ruhengeri yari ahagarariye.

JPEG - 232 kb
Ngabonzima azwiho kuririmba ku buryo bwa Live

Afite ububiko bw’indirimbo zirenga mirongo 50 yahimbye, ariko iyo yamaze gushyira ahagaragara ni imwe, yitwa Cyuzuzo, gusa ngo yiteguye gushyira ahagaragara nyinshi zishoboka kugira ngo ageze ubutumwa bwe ku Banyarwanda.

Ngabonzima utuye muri Mozambique, avuga ko inganzo ye ayikomora mu rwa Gasabo kandi ko muri rusange aririmbira abanyarwanda, dore ko ari benshi no muri icyo gihugu cyo mu Burasirazuba bw’Amajyepfo ya Afurika Perezida Kagame aherutse gusura.

Kanda Hano wumve indirimbo Icyuzuzo ya Patrick Ngabonzima

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE