2017-08-21 15:16:56 clouds 27o High | Kigali Rwanda

Dukurikire:
 
 

U Bwongereza: Nyampinga wasambaniye kuri televiziyo yambuwe ikamba

Yanditswe na IMVAHO NSHYA

Kuya 2016-06-17 13:33:40

 
Share on:
 
Yasuwe:5
 
Yavuzweho:200
 
10
 
10

Zara Holland, yambuwe ikamba rya Miss Great Britain 2015 nyuma yo gukora imibonano mpuzabitsina mu mikino mpamo “Love Island” ica kuri televiziyo.

Iyo mikino ya televiziyo ITV, ihuza abasore n’inkumi mu birwa bya Mallorca muri Espagne aho baba bashaka ko bateretana, bagakundana.

Mu gace katambutse ku mugoroba wo ku wa Gatatu, Miss Holland yagaragaye yacudikanye na mugenzi we Alex Bowen. Bwakeye babwira bagenzi babo ko baraye baryamanye.

JPEG - 48.5 kb
Nyampinga Zara Holland ntaramenya ko yambuwe ikamba

Ku wa Kane, abateguye irushanwa rya Miss Britain, bahise batangaza ko bicuza impamvu Holland ari we wahawe iryo kamba, banahita bavuga ko barimwambuye.

Itangazo bashyize ahagaragara riragira riti” Miss Great Britain nk’irushanwa rya nyampinga rimaze igihe mu Bwongereza, twishimira kugaragaza isura y’abari babera urugero bagenzi babo muri sosiyete. Ariko rumaze kumva ibitekerezo biva muri rubanda twasanze Zara adashobora kubera abandi urugero.”

Rirakomeza riti “Turabizi ko buri wese akora amakosa, ariko Zara nka ambasaderi wa Miss Great Britain ntiyujuje inshingano ze.”

Iryo kamba ryahise rihabwa igisonga cye Deone Robertson. Kugeza ubu nyampinga Zara Holland ntaramenya ko yirukanwe, abateguye Miss Great Britain bavuga ko bazabimubwira agarutse mu Bwongereza.

Bati” Twakwihanganira kuba umuntu yakora imibonano mpuzabitsina ariko ntidukozwa ibyo kuyikorera kuri televiziyo.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE