2017-09-24 09:25:05 clouds 27o High | Kigali Rwanda

Dukurikire:
 
 

TBB yatangiye kwitabaza amasengesho muri PGGSS6

Yanditswe na IMVAHO NSHYA

Kuya 2016-04-18 13:58:26

 
Share on:
 
Yasuwe:33
 
Yavuzweho:200
 
10
 
10

Itsinda rya muzika rya TBB rigizwe na Mc Tino, Bob na Benja ryatangiye kwitabaza amasengesho mu irushanwa rya Primus Guma Guma Super Star ya 6 kugira ngo rirebe ko ryazegukana igikombe.

Mc Tino umwe mu basore babarizwa muri iri tsinda yabwiye Imvaho Nshya bagiye mu irushanwa ari aba nyuma arikoko bizeye ko bazaba aba mbere ku munsi wa nyuma nk’uko Imana yavuze ko abari aba nyuma bazaba aba mbere.

Yagize ati “ Imana ni yo nkuru ni yo yadushyizemo ku munota wa nyuma, izi impamvu twagiyemo ku munota wa nyuma, iraje ituzamure kandi ni byo koko yaravuze ngo aba nyuma bazaba aba mbere”.

JPEG - 116.8 kb
Tino avuga ko ntakizababuza gutwara igikombe

N’ubwo irushanwa rya Primus Guma Guma Super Star 2016 ririmo abahanzi bakomeye, Mc Tino ntarya iminwa mu kuvuga ko bazegukana igikombe byanze bikunze.

Tino ashimangira ko n’ubwo muri iyi minsi harimo gukorwa intonde zerekana uko abahanzi bose bari mu irushanwa bahagaze we nta kintu na mba bimubwiye kuko azi ko we na bagenzi be babarizwa mu itsinda rimwe bagomba gutwara igikombe.

Ariko kandi n’ubwo ntawabyemeza, Tino avuga ko indirimbo yitwa “Vuza ingoma” bakoranye na Jay Polly iri mu zamufashije kwegukana igihembo cya Primus Guma Guma Super Star ya 2014.

Mu buhanzi, itsinda rya TBB rifite indirimbo zitandukanye harimo iyitwa “Yampaye inka”, “Baragukunda”, “Mbwiza ukuri”, “Biramvuna” , “Vuza ingoma”, “Unshyira High” n’izindi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE