2017-07-21 15:15:02 clouds 27o High | Kigali Rwanda

Dukurikire:
 
 

Sauti Sol yashimiye Perezida Kagame ‘wahinduye u Rwanda nk’i Burayi’

Yanditswe na IMVAHO NSHYA

Kuya 2016-09-16 12:34:45

 
Share on:
 
Yasuwe:12
 
Yavuzweho:200
 
10
 
10

Abahanzi bagize itsinda rya Sauti Sol bemeza ko Perezida w’u Rwanda, Paul Kagame ari umuyobozi mwiza umaze kugeza u Rwanda ku iterambere ritajegajega.

Mu kiganiro bagiranye n’itangazamakuru i Kigali kuri uyu wa Gatanu ku ya 16 Nzeri 2016, bavuze ko baririmbye Kagame mu ndirimbo yabo Nerea kuko bamufata nk’umukuru w’igihugu w’icyitegererezo.

Umwe muri bo, Bien- Aimé Baraza yavuze ko iyo ageze mu Rwanda amera nk’ugeze i Burayi kuko iyo ari i Kigali ashobora gukoresha Interineti ahantu hatandukanye mu buryo bworoshye, bitandukanye cyane n’ibyo yabonye mu bindi bihugu bya Afurika yagiye ajyamo.

Yagize ati « Kagame ni Umuperezida mwiza cyane kuko yagejeje u Rwanda ku iterambere. Iyo ngeze mu Rwanda mera nk’ugeze i Burayi kuko mbasha gukoresha Interineti ahantu hatandukanye mu buryo bworoshye bitandukanye n’ibyo nabonye ahandi . Uretse ibi kandi u Rwanda ni igihugu kirimo isuku kandi byose ni ukubera we».

Bagenzi be nabo bashimangiye ko Perezida Kagame ari Perezida mwiza ngo kuko kujya mu bindi bihugu bisaba icyemezo cy’inzira mu gihe kuza mu Rwanda ku muntu uvuye mu bihugu bigize EAC akoresha irangamuntu.

Abagize Sauti Sol bavuze ko biteguye gukorana indirimbo n’umuhanzi nyarwanda uzabegera bakabiganiraho.

JPEG - 177.5 kb
Bien-Aimé ashimangira ko Perezida Kagame yagejeje u Rwanda ku iterambere rikomeye

Bien -Aimé yabajije abanyamakuru bari bahari umuhanzi nyarwanda bifuza ko yakorana indirimbo na bo maze bamwe bavuga Mani Martin.

Itsinda rya Sauti Sol ryaje mu Rwanda kumurika Alubumu yayo yitwa « Live and die in Africa » igitaramo kizaba ejo ku wa Gatandatu ku ya 17 Nzeri 2016 i Gikondo muri Expo Ground.

Igitaramo cyabo cyimuriwe muri Expo Ground mu gihe cyari cyaramamajwe kubera muri Camp Kigali ariko Twagira Bruce ureberera inyungu za Sauti Sol i Kigali uri gutegura iki gitaramo yavuze ko yamenyeshejwe impinduka z’igitaramo muri iki gitondo abwirwa ko aho igitaramo cyari kubera hatazaboneka.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE