2017-05-27 10:19:18 clouds 27o High | Kigali Rwanda

Dukurikire:
 
 

Pasiteri Muhlangu na Patient Bizimana bazataramira Abanyarwanda kuri Pasika

Yanditswe na IMVAHO NSHYA

Kuya 2016-03-24 09:28:38

 
Share on:
 
Yasuwe:15
 
Yavuzweho:200
 
10
 
10

Ku nshuro ya kabiri, umuhanzi Patient Bizimana yateguye igitaramo cyo kwizihiza umunsi mukuru wa Pasika ‘Easter Celebration’, akaba yatumiye umunyafurika y’Epfo, icyamamare mu ndirimbo zihimbaza Imana Pastor Solly Mahlangu.

Mu kiganiro yagiranye n’Imvaho Nshya, uyu muhanzi yavuze ko iki gitaramo yateguye kuri Pasika gikomeye cyane, ari nayo mpamvu kizabera ahabera Expo i Gikondo, kuko ari ho hashobora kwakira abantu benshi.

Pastor Solly Mahlangu wamenyekanye cyane ku ndirimbo Siyabonga Jesu, azafatanya n’itsinda ry’abaririmbyi n’ababyinnyi bazaturukana muri Afurika y’Epfo, bafatanye na Patient gutaramira abanyarwanda mu mugoroba wa Pasika.

JPEG - 62.9 kb
Patient Bizimana ni umwe mu bahanzi bakunzwe cyane mu Rwanda (Foto archive)

Iki gitaramo kizaba umwanya wihariye w’abakunzi b’indirimbo za Patient na Mahlangu, ari nayo mpamvu nta bandi bahanzi benshi bo mu Rwanda batumiwe kukiririmbamo.

Patient yagize ati : « Niyo mpamvu ntigeze ntumira abahanzi benshi. Ni umunsi wo kwishimana n’abakunzi banjye, ikindi kandi na Solly azazana n’itsinda ry’abantu 15 urumva ko yiteguye kuzashimisha abitabiriye igitaramo cyanjye.

Urebye ubu ndi gukora imyitozo ngo nzaririmbire abakunzi indirimbo zanjye hafi ya zose, kugira ngo nzagaragaze ingufu n’ubwitange imbere y’abakunzi banjye ».

Patient Bizimana ni umwe mu bahanzi b’indirimbo zihimbaza Imana bakunzwe cyane muri iyi minsi.Zimwe mu ndirimbo ze zizwi cyane harimo nka Iyo neza, ubwo buntu, Menye neza, n’izindi nyinshi.

JPEG - 274 kb
Ibyapa binini byamamaza biri henshi mu mugi wa Kigali

Ku rundi ruhande, Pastor Solly Mahlangu bazafatanya muri iki gitaramo, ni umwe mu bahanzi ndetse akaba n’umuvugabutumwa wamamaye cyane ku rwego mpuzamahanga, akaba akomoka muri Afurika y’Epfo.

Igitaramo cya Pasika ‘Easter Celebration 2016’ kizaba taliki 27 Werurwe 2016 saa kumi n’imwe, kikazabera ahasanzwe habera Expo i Gikondo.

Kanda hano urebe indirimbo Siyabonga Jesu y’icyamamare Pastor Solly Mahlangu:

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE