2017-07-20 15:19:18 clouds 27o High | Kigali Rwanda

Dukurikire:
 
 

Miss World 2016: Miss Mutesi Jolly yavuze ibyiza by’u Rwanda

Yanditswe na IMVAHO NSHYA

Kuya 2016-11-29 12:30:26

 
Share on:
 
Yasuwe:277
 
Yavuzweho:200
 
10
 
10

Mu irushanwa rya Miss World 2016 ririmo kubera i Washington DC muri Leta zunze ubumwe z’Amerika, ku ya 27 Ugushyingo 2016 Miss Mutesi Jolly uhagarariye u Rwanda yavuze ibyiza byarwo.

Ishimwe Dieudonné uzwi nka Prince Kid, umujyanama we akaba ari na we uyora “Rwanda Inspiration Back up” itegura irushanwa rya Miss Rwanda aganira n’Imvaho Nshya yavuze ko Miss Mutesi Jolly yavuze ibyiza by’u Rwanda mu gikorwa cya Talent show bakoze aho buri mukobwa uri mu bahatana yakoraga igikorwa ashatse, we abikora abinyujije mu mbwirwaruhame yatanze.

Yagize ati “Yavuze ibyiza by’u Rwanda, igihugu cyamubyaye”.

Mu rwego rwo gukomeza irushanwa, Ishimwe yavuze ko ubu hatangiye igikorwa cyo gutora abakobwa barimo guhatana.

JPEG - 403.9 kb
Miss Mutesi Jolly afite agaseke, igikoresho kimwe mu byerekana umuco nyarwanda

Kugira ngo umuntu atore, Ishimwe yavuze ko umuntu ufite telefone ya Smart phone anyura muri Google Play agashaka Miss World app akayikurura (download) hagakurikiraho gutora batatu umuntu ashaka.

Abisobanura yavuze ko umuntu ashobora gutora Miss Mutesi Jolly ariko akaba yemerewe gutora n’abandi babiri.

Ku itariki ya 18 Ukuboza 2016 mu nyubako ya Gaylord National & Convention Center iri mu gace ka Maryland mu majyepfo ya Washington DC hazamenyekana uzegukana ikamba rya Miss World 2016 aryambikwe uwo munsi.

Mireia Lalaguna wo muri Espagne wari ufite ikamba rya Miss World 2015 ni we uzambika ikamba uzamusimbura.

Irushanwa rya Miss World ririmo kuba, ni ku nshuro yaryo ya 66 kuva ryatangira.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE