Advertisement
 
 
 
 
 
 
 
 

Imyidagaduro

Mani Martin agiye kuzengurukana u Rwanda ubutumwa yageneye Abanyafurika   

  Yanditswe na NDAMYIROKOYE FRANÇOIS
 September 2016

 
 

Maniraruta Martin wamenyekanye muri muzika nyarwanda ku izina rya Mani Martin agiye kuzenguuka mu bice bitandukanye by’igihugu birimo no mu karere ka Rusizi aho avuka atanga ubutumwa yageneye Abanyafurika.

Ubu butumwa bukubiye mu ndirimbo 15 ziri kuri alubumu ye yise “Afro” azamurika muri ibi bitaramo azatangira mu kwezi k’Ugushyingo 2016.

Mu kiganiro yagiranye na Imvaho Nshya yavuze ko ibitaramo azakora byo kumurika Alubumu ye bizagera kuri 12 harimo n’ikizabimburira ibindi kibazabera mu mujyi wa Kigali ariko akaba ataramenya neza itariki kizaberaho.

Abisobanura yagize ati “Mu rwego rwo kumurika Alubumu yanjye nabonye ko uretse mu mujyi wa Kigali n’ahandi mu gihugu bakunda indirimbo zanjye. Kubera iyo mpamvu niyemeje gukora ibitaramo bigera 12 hirya no hino no mu gihugu.”

JPEG - 122.7 kb
Umuhanzi Mani Martin arimbanyije imyiteguro yo kumurika Alubumu ya Gatanu

Yakomeje agira ati “Ubutumwa burimo ni ubugenewe Abanyafurika. Alubumu yanjye ivuga ku Rwanda ibwira Afurika, ikavuga kuri Afurika ibwira Isi yose”.

Alubumu “Afro” ya Mani Martin azashyira hanze ari iya gatanu igamije kuvuga ku bwiza n’ishema ry’Abanyafurika. Mu ndirimbo azamurika uko ari 15 harimo eshanu zisanzwe zizwi na 10 nshya.

Mani Martin afite intego yo kuzamurika izi ndirimbo zose zifite amashusho ngo nubwo bitoroshye. Gusa ngo yatangiye kuzimurika mu itangazamukuru ryo mu Rwanda akaba afite na gahunda yo kuzikwiza mu bitangazamakuru byo muri Uganda, Tanzania, Kenya no mu duce tumwe two muri Repebulika iharanira Demokarasi ya Kongo nka Bukavu na Goma.

Umuhanzi Mani Martin yagarutse ku kibazo kijyanye by’umwihariko n’urubyiruko rwirukira kujya i Burayi no muri Amerika rwiyumvisha ko ari ho hari ubuzima bwiza bamwe bakaburira ubuzima mu nyanja bataranagerayo. Kuri we ngo gushaka ubuzima si bibi ariko ikibi ni ugushaka kwibagirwa ko uri umunyafurika.

Ibijyanye n’indirimbo za Mani Martin ziri kuri Alubumu ye, harimo iyitwa “Afro”, “Mwarimu”, “Afurika ndota”, “Iyizire”, “Chalala”, “Karibagiza”,”Ndaraye”, “Sogea”, “Mumararungu”, “Kinyaga”, “Serafina”, “Same room”, “Rubanda”, “Akagezi ka Mushoroza” n’iyitwa “Baba ni nani?”.

 

Comments

 
 
Uwayezu Jean Thierry afite inzozi zo kwagura muzika nyarwanda
Uwayezu Jean Thierry afite inzozi zo kwagura muzika nyarwanda

Umuhanzi w’umunyarwanda Uwayezu Jean Thierry, aravuga ko afite inzozi zo kwagura umuziki nyarwanda ukagera ku rwego mpuzamahanga, akaba ari yo mpamvu yagiye gukarishya ubwenge mu bijyanye na (...)

Abahanzi Nyarwanda bishimiye Diamond Platnumz ugiye kubafasha gucuruza umuziki
Abahanzi Nyarwanda bishimiye Diamond Platnumz ugiye kubafasha gucuruza umuziki

Bamwe mu bahanzi Nyarwanda bishimiye igitekerezo cy’umuhanzi Diamond Platnumz ugiye gutangiza mu Rwanda ibikorwa bijyanye no kubafasha gucuruza umuziki wabo. Bamwe mu baganiriye na Imvaho Nshya, (...)

Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.