2017-11-23 07:32:46 clouds 27o High | Kigali Rwanda

Dukurikire:
 
 

Makanyaga yameneye Knowless na Clement ibanga rizatuma urugo rukomera

Yanditswe na IMVAHO NSHYA

Kuya 2016-08-10 09:39:16

 
Share on:
 
Yasuwe:89
 
Yavuzweho:200
 
10
 
10

Inararibonye mu muziki nyarwanda Makanyaga Abdul yasabye Knowless na Clement kwizerana no kwihanganirana kugira ngo urukundo n’urugo rwabo bikomere.

Aganira n’Imvaho Nshya Makanyaga Abdul yavuze ko kwizerana no kwihanganirana kwabo bizatuma urukundo rwabo ruganza bakabana mu mahoro bakabyara hungu na kobwa.

Yagize ati “Icyo nababwira ni ukwizerana no kwihanganirana kugira ngo urukundo rwabo rubone aho rutura”.

Makanyaga avuga ko avuga ko abahanura nk’umusaza ngo kuko uretse kuba Knowless na Clement ari ibyamamare mu Rwanda, mu buzima busanzwe bizwi ko iyo abantu bashakanye ntibizerane ntibanihanganirane urugo rwabo rudatera kabiri.

JPEG - 37.2 kb
Knowless na Clement bifotoza mu bukwe mu buryo butandukanye

Ati” Ubukwe bwabo bwadindije alubumu zanjye”

Makanyaga wari uherutse gutangaza ko agiye gushyira hanze Alubumu ebyiri icyarimwe yavuze ko kuzazimurika muri Nzeli 2016 bitazamukundira ngo kuko Clement wazimukoreraga yari afite akazi kenshi kajyanye n’ubukwe bwe bigatuma indirimbo zidakomeza gukorwa.

Ati “Kubera imyiteguro y’ubukwe Clement yari arimo byatumye gukomeza gukora indirimbo zanjye bitoroha kuko yari ahuze cyane”.

JPEG - 55.5 kb
Makanyaga Abdul uha impanuro Knowless na Clement

Yanongeyeho ko na Knowless yagombaga gushyira hanze Alubumu ye “Queens” muri Nyakanga 2016 kandi ikaba yarakorwaga na yo na Clement muri KINA Music.

Makanyaga avuga ko gutinda gusohora alubumu byatumye yisegura ku mujyanama we uba mu Bubiligi kuko yagombaga kuzazimwoherereza zarangiye zikabyazwayo umusaruro.

Alubumu za Makanyaga Abdul zizaba zigizwe n’indirimbo 24 imwe ikazaba igizwe n’indirimbo 12.

Uyu mukambwe ngo azaziha izina indirimbo zose nizisozwa. Knowless na Clement bashakanye ku ya 7 Kanama 2016 aho ibirori byabo byabereye i Nyamata mu busitani buri hafi ya Hotel yitwa Golden Tulip.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE