2017-05-29 15:01:40 clouds 27o High | Kigali Rwanda

Dukurikire:
 
 

Korali: Abagenzi yateguye amateraniro yo kwibuka abaririmbyi bayo bazize Jenoside

Yanditswe na IMVAHO NSHYA

Kuya 2016-04-06 12:34:30

 
Share on:
 
Yasuwe:49
 
Yavuzweho:200
 
10
 
10

Korali Abagenzi yo mu itorero ry’Abadiventisiti b’umunsi wa Karindwi mu Rwanda, yateguye amateraniro y’isanamitima azamara iminsi 9, mu rwego rwo kwibuka abari abaririmbyi bayo bazize Jenoside yakorewe Abatutsi mu 1994.

Ubuyobozi bw’iyi korali buvuga ko abaririmbyi bayo bishwe muri Jenoside yakorewe Abatutsi ari batanu, kandi bukemeza ko bari inkingi za mwamba mu miririmbire y’iyi korali ifite amateka akomeye mu Rwanda.

Abagenzi bavuga ko kwibuka bagenzi babo bishwe muri Jenoside ari uburyo bwo kubasubiza icyubahiro bambuwe, ariko nanone bakavuga ko ari n’umwanya wo kuzirikana abasizwe iheruheru, bakabafasha kwiyubaka.

JPEG - 213 kb
Buri mwaka Korali Abagenzi yibuka abaririmbyi bayo bwishwe muri Jenoside yakorewe Abatutsi (Foto Twizeyimana F)

Umutoza mukuru w’abaririmbyi, Jean Luc Munyampeta, yabwiye Imvaho Nshya ko mu rwego rwo Kwibuka ku nshuro ya 22, Korali Abagenzi yateguye amateraniro y’isanamitima, azatangira ku itariki ya 8 Mata, asozwe ku itariki ya 16 Mata 2016.

Munyampeta asobanura ko mu minsi y’imibyizi amateraniro azajya atangira saa kumi n’imwe mu minsi y’imibyizi, naho muri wikendi akazajya atangira saa cyenda z’amanywa, ayobowe na Pasiteri Ezra Mpyisi nk’umubwiriza.

Korali Abagenzi yamenyekanye cyane mu myaka ya 1993, ahanini binyuze mu ndirimbo yabo ‘Ni iki watanze’, yahimbwe n’uwari umuyobozi wayo Semana, nawe wishwe muri Jenoside yakorewe abatutsi.

Muri iyi gahunda yo kwibuka izamara iminsi 9, Korali abagenzi izafatanya n’izindi Korali zizwi cyane nka Ambassadors of Christ, Abasaruzi, Abatwaramucyo, Umusamaliya mwiza, Friends of Jesus, Desert Stream Singers, Abakurikiye Yesu, Tujyisiyoni, n’umuhanzi Jean Luc Munyampeta.

JPEG - 231.9 kb
Abaririmbyi ba Korali Abagenzi bazize Jenoside yakorewe Abatutsi
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE