2017-08-20 07:43:19 clouds 27o High | Kigali Rwanda

Dukurikire:
 
 

Kora Awards: Knowless yaheze mu gihirahiro

Yanditswe na IMVAHO NSHYA

Kuya 2016-04-22 06:29:48

 
Share on:
 
Yasuwe:41
 
Yavuzweho:200
 
10
 
10

Umuhanzikazi Knowless yagombaga kujya muri Namibia mu Mujyi wa Windhoek ku ya 20 Werurwe 2016 mu gikorwa cyo gutanga ibihembo bya Kora Awards 2016 ariko kugeza ubu aracyari mu gihirahiro.

Knowless avuga ko atigeze ajyayo kuko icyo gikorwa cyasubitswe bakabwirwa ko bazabamenyesha indi tariki none kugeza n’ubu amaso ngo yaheze mu kirere.

Yabwiye Imvaho Nshya ko icyo gikorwa cyasubitswe kubera ibikoresho bya muzika byagombaga byari gukoresjwa muri icyo gikorwa byari kuvanwa muri Afurika y’Epfo bitari byahagereye ku gihe.

Yagize ati “Impamvu ibyo birori byasubitswe ni uko hari ibikoresho by’umuziki byagombaga kuva muri Afurika y’Epfo bikinjizwa muri Namibia. Icyo gihe batubwiye ko bitari byagera mu gihugu akaba ariyo mpamvu nyamukuru ibirori bitabaye”.

JPEG - 104.6 kb
Knowless ategereje amakuru ya Kora Awards

Muri ayo marushanwa, Knowless ari mu cyiciro cya “Best Female- East Africa” agihuriyemo na Victoria Kimani wo muri Kenya, Juliana Kanyomozi wo muri Uganda, Vanessa Mdee wo muri Tanzania, Irene Ntale wo muri Uganda na Avril Nyambura wo muri Kenya.

Mu irushanwa rya Kora Awards ry’uyu mwaka harimo kandi na Cécile Kayirebwa uhatanira igihembo mu cyiciro cya “Best Traditional Female Artist of Africa” akaba ari icyiciro cy’abagore bibanda ku muziki gakondo.

Kayirebwa arahatana n’uwitwa Hope Masike wo muri Zimbabwe, Emma Chinu wo muri Namibia, Abbey Lakew wo muri Ethiopia, Sham Geshu wo muri Eritrea na Dobet Ghanore wo muri Côte d’Ivoire.

Kuva KORA Awards zatangira mu 1994, Jean Paul Samputu ni we Munyarwanda rukumbi wegukanyemo igihembo. Hari mu 2003 ubwo yahabwaga igihembo cy’umuhanzi w’indirimbo gakondo muri Afurika kubera indirimbo ‘Nyaruguru’.

Kora Awards iha ibihembo abahanzi bahize abandi bo muri Afurika yo munsi y’ubutayu bwa Sahara buri mwaka .

Kanda hano urebe amashusho ya "Ko Nashize" indirimbo iheruka ya Butera Knowless

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE