Advertisement
 
 
 
 
 
 
 
 

Imyidagaduro

Koffi Olomide imbere y’ubutabera   

  Yanditswe na HERVE UGIRUMUKUNDA
 July 2016

 
 

Umuhanzi wo muri Repubulika Iharanira Demokarasi ya Congo, Koffi Olomide, yashikirijwe urukiko mu mujyi wa Kinshasa aho ashobora gufungwa amezi atatu y’agateganyo ashinjwa gukubita umwe mu bagore bamubyinira.

Uyu mugabo w’imyaka 60, muri ayo mezi ngo azaba ategereje umwanzuro w’urukiko ushobora kuba uwo gufungwa ikindi gihe kirekire.

JPEG - 61.9 kb
Olomide avuye ku rukiko yerekeza muri gereza ya Makala mu mujyi wa Kinshasa

Yatawe muri yombi na polisi mu gitondo cyo kuri uyu wa Kabiri ku ya 26 Nyakanga 2016. Ni nyuma y’urwandiko rwasohowe n’umushinjacyaha w’icyo gihugu, rumukurikiranaho icyaha cyo guhohotera umugore umubyinira.

Koffi Olomide, wamamaye cyane muri Afurika ku ya 23 Nyakanga ubwo yari agiye gukorera igitaramo muri Kenya yakubitiye umubyinnyi we imbere ya polisi ku kibuga cy’indege cya Nairobi.

Polisi ya Kenya yahise imuta muri yombi ariko nyuma iza kumwirukana mu gihugu agaruka muri Congo.

Biteganyijwe ko ku gicamunsi cyo kuri uyu wa Kabiri ashyikirizwa ubutabera akisobanura ku cyamuteye guhata umubyinnyikazi we imigeri ku karubanda.

Si ubwa mbere Koffi Olomide w’imyaka 60 akubitiye umuntu mu ruhame, muri 2012 yakubise uwamutunganyirizaga imiziki, Diego Lubaki akatirwa gufungwa amezi atatu.

Uyu mugabo kandi yigeze kumena camera y’umunyamakuru wa televiziyo RTDGA no kurwana n’abafana muri Zimbabwe.

 

Comments

 
 
Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Buravan arimo gukorana indirimbo n’Umunyatanzania AY
Buravan arimo gukorana indirimbo n’Umunyatanzania AY

Burabyo Dushime Yvan ukoresha mu muziki izina rya Yvan Buravan, arimo gusubiranamo indirimbo ye Just a Dance n’umuraperi ukomeye wo muri Tanzaniya witwa AY. Aganira n’Imvaho Nshya, Buravan (...)

Yageneye impano Perezida Kagame amushimira gushyigikira ‘HeForShe’
Yageneye impano Perezida Kagame amushimira gushyigikira ‘HeForShe’

Karemera Yves usanzwe akina akanayobora filime yageneye impano perezida Kagame kubera uruhare yagize mu gushyigikira gahunda ya HeForShe. Ni nyuma yuko umukuru w’igihugu ari mu bagabo ba mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.