2017-07-26 14:51:34 clouds 27o High | Kigali Rwanda

Dukurikire:
 
 

Kigali: Abacuranzi ba Wizkid bamutengushye kenshi ku rubyiniro

Yanditswe na IMVAHO NSHYA

Kuya 2016-08-28 09:55:23

 
Share on:
 
Yasuwe:14
 
Yavuzweho:200
 
10
 
10

Wizkid (Star Boy) witwa Ayodeji Ibrahim Balogun akaba ari umuhanzi ukomoka muri Nigeria, yatengushywe kenshi n’abamucurangiye mu ijoro ryo ku ya 27 Kanama 2016 ataramira abitabiriye igitaramo cyiswe “Mutzig Beer Fest” ahitwa Rugende Century Park ku muhanda werekeza i Rwamagana.

Wizkid ntiyacogojwe no kuvangirwa n’abacuranzi kuko yaremye agatima abafana be ko uko byagenda kose atashoboraga kugenda atabaririmbiye ngo yishimane na bo bihagije.

JPEG - 323.7 kb
Iki gitaramo cyari cyitabiriwe n’imbaga nini y’urubyiruko

Uyu muhanzi yabanjirijwe ku rubyiniro n’itsinda ryo mu Rwanda Nubian Gypsies hakurikiraho umunyamerika Tito Andre Freddy, Navio wo muri Uganda hajyaho itsinda Liquideep yyo muri Afurika y’Epfo.

Uyu muhanzi yagiye ku rubyiniro ahagana saa sita z’ijoro n’iminota 20 atangira kuririmba amajwi ya muzika yumvikana ariko ageze aho abamucurangiraga ibikoresho birabatenguha aba ahagaze kuririmba kuko amajwi yasohokaga nabi.

Yahise abwira abafana be ati“Ntimugire ikibazo ntabwo ngenda tutishimanye, ndategereza kugeza ubwo ibyuma bya mazika bikirira.”

JPEG - 290.8 kb
Aha ibyuma bya muzika byari bitengushye uyu muhanzi w’icyamamare, ahitamo kuba aririmba nta bikoresho

Ku nshuro ya mbere abacurangiraga Wizkid bakoze ibyo byuma biza kongera gupfa ariko na bwo bongera kugerageza kubisubiza mu buryo. Hari Wizkid yahitagamo kuririmba atifashishije ibikoresho bya muzika abari mu gitaramo bakajya bamufasha kuririmba dore ko abinshi mu bitabiriye igitaramo bazi indirimbo ze hafi ya zose.

Zimwe mu ndirimbo yahereyeho aririmba harimo iyitwa “Caro” na “Pull over”, “Oluelgba”,”Shabba”, “Show you the money” yahagurukije benshi, “In my bed”, “One dance” yakoranye na Drake.

Mu gusoza igitaramo yaririmbye indirimbo ye ikunzwe cyane muri iyi minsi yitwa “Final”, asubiramo n’izindi zo mu njyana ya Reggae harimo iyitwa “One love” ya Bob Mary Marley.

Abafana be basigaranye irungu kuko abenshi muri bo ntibifuzagaga ko ava ku rubyiniro, cyane ko yanagaragaje kenshi ko akunda u Abanyarwanda cyane cyane Abanyakigali.

Wizkid yagiye anagaruka ku banyarwandakazi ati “Abanyarwandakazi muri beza cyane”, akanyamuneza k’abakobwa bitabiriye igitaramo kagakoeza kwiyongera.

Wizkid yabyiniye abafana be mu mibyinire y'iwabo ABanyarwanda bagaragarije uyu muhanzi urugwiro rwinshi, bamwereka ko afite abafana benshi Uku ni ko byari byifashe hakiri kare, ubwo igitaramo cyari kigitegerejwe Uku ni ko abantu binjiraga mbere y'uko igitaramo cyinjira

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE