Advertisement
 
 
 
 
 
 
 
 

Imyidagaduro

Jay Polly na Ama G The Black mu gihombo gikomeye nyuma yo kuririmbira ababarirwa ku ntoki   

  Yanditswe na NDAMYIROKOYE FRANÇOIS
 3 months ago

 
 

Abahanzi Jay Polly na Ama-G The Black bamuritse Alubumu yabo yitwa “Ubuzima bwanjye” mu ijoro ryo ku ya 26 Kanama 2016 kuri Sitade nto i Remera mu mujyi wa Kigali. Mu birori byitabiriwe n’abantu mbarwa.

Saa moya z’ijoro zirengaho iminota mike nta n’inyoni yatambaga aho igitaramo cyagombaga kubera bake cyane bari baje bagize isoni ryo kwicara muri sitade irimo ubusa biyicarira hanze.



Nyamara byari biteganyijwe ko saa kumi n’ebyiri z’umugoroba igitaramo cyari kuba cyatangiye.

Uko amasaha yakomeje gukura ni ko kwizera ko igitaramo cyari kuba abantu batangiye kubyikuramo ariko bigeze saa tatu n’iminota mike uwari umusangiza w’amagambo Phil Peter abaha ikaze.

Agira ati “N’ubwo muri bake turabashimiye cyane ku bwo kwitabira iki gitaramo mu rwego rwo gushyigikira AMAG The Black na Jay Polly”.



Jay Polly na Ama-G The Black bahageze barumirwa babura uko babigenza ariko biyemeza gukora igitaramo n’ubwo abantu bari bake bishoboka. Mu kuhagera Jay Polly aherekejwe n’umukunzi we Afsa babanje gusa nk’aho birinda ko itangazamakuru ribafotora ubwo baganiraga ku kuntu babonaga bahombye batarabikekaga.
Saa tanu z’ijoro zirengaho iminota 40 ni bwo Jay Polly na Ama-G The Black bagiye ku rubyiniro bavuga ko n’ubwo abantu bari bake bishimiye kubamurikira Alubumu yabo bahuriyeho bise “Ubuzima bwanjye”.



Bamurika Alubumu baririmbye bahereye ku ndirimbo bitiriye Alubumu yitwa “Ubuzima bwanjye”, “Ziada” ya Ama-G The Black, “God with me” ya Jay Polly, Twarayarangije The Black, “Wiyita iki” ya Tough Gangs nshya, “Make me super star” bahuriyeho, “Icyemezo” bakoranye na Jamal wo muri Uganda, “Niteguye kugupfira” bahuriyeho, “Nyabarongo” ya Ama-G The Black, “Barahangayitse” bahuriyeho n’izindi.



N’ubwo igitaramo kititabiriwe Jay Polly yavuze ko undi mwaka bazakora ikindi cyo kumurika iyo Alubumu ati “Iyi Alubumu irakomeza kugurishwa ariko umwaka utaha tuzakora ikindi gitaramo cyo kongera kuyimurika”.

Igitaramo cya Jay Polly cyagombaga kuririmbamo abahanzi batandukanye ariko Rider Man na Bruce Melody babashije kuhagera ntibigeze baririmba kuko babonaga nta bantu benshi barimo.



Ama-G Black yatangarije itangazamakuru ko uko igitaramo cyagenze yabyishimiye ngo gusa ibitaragenze neza avuga ko amakosa atari ayabo yatewe n’uwari umujyanama wabo witwa Nkurikiyinka Bosco bashwanye igitaramo kibura iminsi mike ngo kibe.





 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Riririmbana na Yvan Buravan  indirimbo  “ Just a dance”
Riririmbana na Yvan Buravan indirimbo “ Just a dance”

Yvan Buravan ni umuhanzi nyarwanda wakunzwe ku ndirimbo zitandukanye harimo iyitwa “ Malaika”, “Ni njye” n’izindi. Indirimbo aheruka gusohora ni iyitwa “Just a dance”. Ku bayikunda dore (...)

Miss World 2016: Mutesi Jolly ahanganye n’abakobwa 118
Miss World 2016: Mutesi Jolly ahanganye n’abakobwa 118

Abakobwa 119 ni bo barimo guhatanira ikamba rya Miss World 2016 mu irushanwa ririmo kubera muri LetaZunze Ubumwe z’Amerika mu mujyi wa Washington DC. Abakobwa bahatanira ikamba harimo Miss (...)

Miss World 2016: Miss Mutesi Jolly yavuze ibyiza by’u Rwanda
Miss World 2016: Miss Mutesi Jolly yavuze ibyiza by’u Rwanda

Mu irushanwa rya Miss World 2016 ririmo kubera i Washington DC muri Leta zunze ubumwe z’Amerika, ku ya 27 Ugushyingo 2016 Miss Mutesi Jolly uhagarariye u Rwanda yavuze ibyiza byarwo. Ishimwe (...)

Ririmba  “Kalema” na Patrick Nyamitari
Ririmba “Kalema” na Patrick Nyamitari

Patrick Nyamitari ni umuhanzi uzwi mu ndirimbo zitandukanye harimo iyitwa Nyirakidederi. Indirimbo ye Kalema ku bayikunda aha hasi hari amagambo yayo. Inyikirizo: I love the way you do (Kalema) (...)

Knowless na Clement babyaye umukobwa
Knowless na Clement babyaye umukobwa

Umuhanzikazi Nyarwanda Ingabire Jeanne D’arc uzwi nka Knowless na Ishimwe Clement bibarutse umukobwa mu ijoro rishyira ku wa Kabiri ku ya 22 Ugushyingo 2016. Ugutangira kumenyekana ko babyaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.