2017-07-23 11:30:24 clouds 27o High | Kigali Rwanda

Dukurikire:
 
 

Icyamamare cyo mu Bwongereza Joss Stone azataramira i Kigali

Yanditswe na IMVAHO NSHYA

Kuya 2017-05-18 09:00:41

 
Share on:
 
Yasuwe:289
 
Yavuzweho:200
 
10
 
10

Joscelyn Eve Stoker ukoresha mu muziki izina rya Joss Stone, umuhanzikazi w’icyamamare ukomoka mu Bwongereza ategerejwe mu gitaramo mu Rwanda ku ya 1 Kamena 2017.` Joss Stone

Kirenga Eric Soul ushinzwe gutegura igitaramo cye yabwiye Imvaho Nshya ko kizabera muri Marriot Hotel, kandi ko cyateguwe mu rwego rw’ibitaramo ari gukorera hirya no hino ku Isi. Uyu muhanzi ngo yiyemeje gukorera ibitaramo mu bihugu 196 kandi icyo gikorwa yagitangiye muri 2014.

Yagize ati “Joss Stone ni we wahisemo kuza gutaramira mu Rwanda mu rwego rw’ibitaramo arimo gukorera hirya no hino ku Isi”.

JPEG - 301.6 kb
Joss Stone

Ibyo bitaramo kandi Joss arimo kubitegura yerekana itandukaniro rye n’abandi bahanzi biyemeza kuzengeruka mu bihugu binyuranye bakora ibitaramo hose ntibajyeyo.

Mu gihugu cyose Joss ashaka gukoreramo igitaramo ashaka umenyereye gutegura ibyo bitaramo akaba ari yo mpamvu yaganiriye na Kirenga Eric akamushinga gutegura igitaramo cye.

Kirenga azwiho gutegura ibitaramo bikomeye bigamije kuzamura urwego rw’imyidagaduro mu Rwanda dore ko amenyerewe mu gutegura ibitaramo by’umubyeyi we Cécile Kayirebwa akaba aba no mu bategura iserukiramuco rya Kigali Up.

Mu gitaramo Joss azakora ngo azaririmba anifashishe gitari gusa. Kirenga yavuze kandi ko muri icyo gitaramo hari abahanzi nyarwanda bazaririmbamo ariko ntibaremezwa.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE