2017-07-22 11:46:59 clouds 27o High | Kigali Rwanda

Dukurikire:
 
 

Bosebabireba yijunditse bamwe mu bapantekote

Yanditswe na IMVAHO NSHYA

Kuya 2016-06-21 07:46:52

 
Share on:
 
Yasuwe:9
 
Yavuzweho:200
 
10
 
10

Umuhanzi Uwiringiyimana Théogene uzwi cyane ku izina rya Bosebabireba yijunditse bamwe mu bo bahuriye mu Itorero ry’Abapantikote (ADEPR) bamushinja kwitwara nabi bakanavuga ko atakiri umukirisitu muri iryo torero.

Uyu muhanzi yabitangarije Imvaho Nshya nyuma yo gushyira amagambo ku rukuta rwe rw’urubuga rwa Facebook avuga ko hari abamushinja kuba yaravuye mu Itorero rya ADEPR ko babeshya.

Yagize ati “Ibyo abantu bavuga ngo ntabwo nkisengera muri ADEPR barabeshya ndacyaririmo rwose”.

JPEG - 46.1 kb
Theogene Uwiringiyimana

Nyuma y’ayo magambo, bamwe batangiye gutanga ibitekerezo ku nyandiko ye bamubwira ko yaguye ahubwo atabizi ari mu buyobe, abandi bakamubwira ko nta muntu ukwiye kumubwira ko yaguye ari we n’Imana asenga bonyinye babizi.

Bosebabireba asanga abavuga ko atagisengera muri ADEPR, ari bamwe basengera muri iryo torero bifata nk’aho batigeze biga.

Yagize ati “Ababivuga ni bamwe mu basengera muri ADEPR bifata nk’aho batigeze biga”.

Yashimangiye ko adashobora kwitwara nk’abo bamuvuga ngo kuko muri ADEPR ari umuyoboke ariko akaba nta nshingano afitemo.

Umuhanzi Théo Bosebabireba ashimangira ko igituma bamuvuga uko, ari uko ajya akorana indirimbo n’abahanzi nka Eric Senderi baririmba indirimbo zitari iza gikiristo.

Umva indirimbo umunyabwenge Bosebabireba yasohoye:

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE