Advertisement
 
 
 
 
 
 
 
 

Imyidagaduro

Amateka ya “Mi Casa” yaje i Kigali gususurutsa abitabiriye WEF Africa 2016   

  Yanditswe na NDAMYIROKOYE FRANÇOIS
 May 2016

 
 

Mi Casa ni itsinda ry’abahanzi batatu bakorera umuziki wabo mu mujyi wa Johannesburg muri Afurika y’Epfo, ubu rikaba riri mu Rwanda.

Abagize iri tsinda ni Dr. Duda, J’something n’uwitwa Mo-T. Aba bose bagize iri tsinda buri wese afite icyo ashinzwemo.

Dr. Duda ni we utunganya indirimbo, J’something araririmba naho Mo-T avuza ibikoresho by’umuziki igihe barimo kuririmba.

Mi Casa yashinzwe muri 2011 mu mujyi wa Johannesburg nyuma y’uko abarigize bahuriye mu kabyiniro bagasanga bafite impano.

JPEG - 255.8 kb
Abahanzi bagize itsinda rya Mi Casa

Umunsi wa mbere bahurira muri ako kabyiniro, bararimbanye babona ni byiza biyemeza gukomezanya.

Wikipedia ivuga ko nyuma y’igihe gito bahuye bashyize hanze alubumu yitwa “Micasa Music”.

Iyi alubumu ikijya hanze yarakunzwe cyane muri 2012 ihabwa ibihembo mu irushanwa ryiswe “South Africa Music Awards”.

Indirimbo yabo yitwa “These Streets” yari kuri iyo alubumu yarakunzwe cyane ku ma radiyo no kuri televiziyo zitandukanye zo muri Afurika y’Epfo ikajya ihora ku mwanya wa mbere.

Indi ndirimbo yabo yitwa “Heaven Sent” nayo yari kuri iyo alubumu, yarakunzwe cyane ituma Mi Casa itsindira ibihembo bya “Best Dance Album”, “Alubumu y’umwaka”, “Itsinda ry’umwaka”, “Igihembo cy’abahanzi bashya” n’icy’ “indirimbo y’umwaka”.

Nyamara n’ubwo bahawe ibyo bihembo, byageze ku gihembo cy’abahanzi bashya, biteza impaka kuko uwitwa Dr. Duba atari mushya mu muziki.

Se wa Mo-T yari umunyamuziki ukomeye muri Afurika y’Epfo mu njyana ya Afropop akaba yarabarizwaga mu itsinda rya “Mango Groove”.

Joao da Fonseca ukoresha mu muziki izina rya J’something akomoka muri Portugal. J’something yarezwe na nyina Maria kuko se na nyina bari baratandukanye. Amashuri ye yayize i Stellenbosch mu bijyanye n’ubucuruzi mbere y’uko ajya mu mujyi wa Johannesburg.

Ubwo yageraga mu mujyi wa Johannesburg, Joao yabaye umugenzuzi w’inzu itunganya umuziki yitwa “SoulCandi”.

Mi Casa iraririmba mu gitaramo cyo gufungura inama ya “World Economic Forum on Africa” yiga ku bukungu bw’ibihugu by’Afurika yatangiye uyu munsi ku wa gatatu ku ya 11 Gicurasi 2016 ikazasozwa ku ya 13 Gicurasi 2016.

Abahanzi bagize kandi itsinda rya MI CASA bakoranye indirimbo n’itsinda rya Sauti Sol ryo muri Kenya yitwa “Tulale fofofo” bisobanura mu Kinyarwanda “Turare neza”.

 

Comments

Izina Ryanyu
IGITEKEREZO

 
 
Buravan arimo gukorana indirimbo n’Umunyatanzania AY
Buravan arimo gukorana indirimbo n’Umunyatanzania AY

Burabyo Dushime Yvan ukoresha mu muziki izina rya Yvan Buravan, arimo gusubiranamo indirimbo ye Just a Dance n’umuraperi ukomeye wo muri Tanzaniya witwa AY. Aganira n’Imvaho Nshya, Buravan (...)

Yageneye impano Perezida Kagame amushimira gushyigikira ‘HeForShe’
Yageneye impano Perezida Kagame amushimira gushyigikira ‘HeForShe’

Karemera Yves usanzwe akina akanayobora filime yageneye impano perezida Kagame kubera uruhare yagize mu gushyigikira gahunda ya HeForShe. Ni nyuma yuko umukuru w’igihugu ari mu bagabo ba mbere (...)

Tom Close asanga abahanzi bamamaye muri Afurika ntacyo barusha The Ben
Tom Close asanga abahanzi bamamaye muri Afurika ntacyo barusha The Ben

Tom Close asanga abahanzi b’ibyamamare bo muri Afurika batarusha The Ben kuririmba ahubwo bamurusha ubushobozi butuma ibihangano byabo bigera kure. Aganira n’Imvaho Nshya, Tom Close yavuze ko (...)

Schwarzenegger yavuze ko aruka iyo yirebye mu ndorerwamo akabona uko ari gusaza
Schwarzenegger yavuze ko aruka iyo yirebye mu ndorerwamo akabona uko ari gusaza

Icyamamare Arnold Schwarzenegger, wakinnye filimi nyinshi akaba na guverineri wa Leta ya California yatangaje ko ababazwa cyane n’ukuntu ari gusaza ku buryo iyo yirebye mu ndorerwamo akabona (...)

Minisitiri Murekezi yanejejwe n’imiririmbire ya Chorale de Kigali
Minisitiri Murekezi yanejejwe n’imiririmbire ya Chorale de Kigali

Minisitiri w’Intebe Anastase Murekezi yitabiriye igitaramo cyakozwe na Chorale de Kigali cyabaye mu ijoro ryo ku ya 18 Ukubuza 2016, avuga ko iyo korali yaririmbye neza bikamutera ubwuzu. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.