Advertisement
 
 
 
 
 
 
 
 

Ikoranabuhanga

Umukono na ‘cashet’ by’intoki bigiye kuba amateka mu bigo byinshi mu Rwanda   

  Yanditswe na IMVAHO NSHYA
 19 May

 
 

Minisiteri y’Urubyiruko n’ikoranabuhanga mu Isakazabumenyi (MYICT) yatangaje ko guhera mu ntangiro z’umwaka utaha wa 2017 Leta n’imiryango itegamiye kuriyo, ibigo byigenga ndetse n’iby’abikorera bizaba bikoresha ikoranabuhanga mu gusinya, umukono na kashe (cashet) bikaba amateka.

Ubwo hatangizwaga uburyo bwo gusinya no gutera kasha hakoreshejwe ikoranabuhanga (Public Key Information/PKI) kuri uyu wa kane, Minisitiri w’Urubyiruko n’Ikoranabuhanga Jean Philbert Nsengimana yashimangiye ko mu mwaka umwe cyangwa ibiri gusinyisha ikaramu na kashe zisanzwe zikoreshwa mu bigo bizaba bitagifite agaciro.

Ubu buryo bushya bwatangajwe mu nama igamije kureba uko u Rwanda rwahora rubimburira ibihugu byo mu karere mu mikoreshereze ikoranabuhanga rishya. PKI yitezweho gukemura ikibazo cy’imikono na kashe byiganwaga irakorwa ku bufatanye bwa MYICT, Ikigo cy’Igihugu gishinzwe Iterambere n’Ikigo cy’Abayapani gishinzwe kugenzura amakuru n’ibyangombwa (Korean Information and certificate Authority/KICA).

Minisitiri Nsengimana yagize ati "Turerekeza mu bukungu buzira guhererekanya impapuro n’amafaranga byitezweho gucunga igihe, kwirinda ibyago byaturuka ku mutekano utizewe no kurinda guhendwa na serivisi, bizongera umusaruro ujyanye n’ubunyamwuga.”

Iri koranabuhanga kandi ngo ryitezweho gufasha mu itangwa ry’ibyangombwa kuri internet. Nsengimana yakomeje agira ati “Iri koranabuhanga rije muri gahunda ya Smart Rwanda aho ibigo bya leta n’iby’abikorera bigiye kuryimakaza mu murimo no mu konger ubunyamwuga mu mitangire ya serivisi, kandi ni ingenzi kubaka icyizere mu bakiriya.”

Umuyobozi ukuriye Ishami ry’ikoranabuhanga muri RDB Regis Gatarayiha, yongeyeho ko irikoranabuhanga ryerekana ko u Rwanda rwiyemeje gukaza umurego mu kurinda umutekano w’ubucuruzi bukorerwa ku ikoranabuhanga.”

RDB itangaza ko Guverinoma y’u Rwanda yashyizeho itegeko rigena imicungire y’ubutumwa buhererekanwa ku ikoranabuhanga mu mwaka wa 2010, mu wa 2013 hashyirwaho imirongo ngenderwaho y’imikoreshereze y’iri koranabuhanga rizifashishwa mu gushyira imikono ku nyandiko zitangirwa ku ikoranabuhanga.

Inama yari yitabiriwe n’abakora ibijyanye n’ikorana’buhanga n’isakazamakuru, ibigo bya leta, ibigo by’ikoranabuhanga, amabanki ndetse n’ibigo by’ubwishingizi. Basobanuriwe ko gukoresha umukono na kashe by’ikoranabuhanga byoroshye cyane kandi bifite inyungu nyinshi ugereranyije n’ibisanzwe bikoreshwa n’intoki.

 

Comments

Who are you?
Your post
  • To create paragraphs, just leave blank lines.

 
 
Kigali: Abanyeshuri bafashijwe kuruhuka bongera ubumenyi mu ikoranabuhanga
Kigali: Abanyeshuri bafashijwe kuruhuka bongera ubumenyi mu ikoranabuhanga

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha (...)

ITU yahembye Abanyarwanda bifashishije ikoranabuhanga mu kunganira uburezi
ITU yahembye Abanyarwanda bifashishije ikoranabuhanga mu kunganira uburezi

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda. Iki kigo (...)

Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Hatangijwe ikoranabuhanga ribungabunga ihererekanywa ry’amakuru y’Abanyarwanda
Hatangijwe ikoranabuhanga ribungabunga ihererekanywa ry’amakuru y’Abanyarwanda

Minisiteri y’Urubyiruko n’Ikoranabuhanga yatangije uburyo bufasha ibigo bicuruza itumanaho mu Rwanda bikazajya bifasha abafatabuguzi babyo guhererekanya amakuru atanyuze hanze y’igihugu, Rwanda (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.