Advertisement
 
 
 
 
 
 
 
 

Ikoranabuhanga

Ngoma: Internet inyaruka Perezida Kagame yabemereye irabageraho mu Kuboza   

  Yanditswe na MANISHIMWE NOEL
 1 week ago

 
 

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze kugezwaho Interineti yihuta bemerewe na Perezida Paul Kagame ubwo aheruka gusura akarere ka Ngoma mu mpera z’ukwezi kwa Mata.

Ibi yabitangaje muri gahunda Minisiteri y’urubyiruko n’ikoranabuhanga yise ‘Koranubuhanga’ igamije gushishikariza abantu cyane cyane batuye mu bice by’icyaro kwitabira gukoresha ikoranabuhanga mu buzima bwabo bwa buri munsi.

Muri iyi gahunda imaze iminsi 3 ibera mu murenge wa Zaza, kuva ku wa 25, kugeza ku wa 26 Ugushyingo 2016, abantu b’ingeri zose biganjemo urubyiruko baturuka mu mirenge ya Zaza, Karembo, Mugesera na Sake bahuguwe n’abakozi b’ibigo bitandukanye bitanga serivise hifashishijwe ikoranabuhanga.

JPEG - 404.5 kb
Minisitiri Nsengimana Jean Philbert yasabye abaturage kwitegura kubyaza umusaruro interineti inyaruka bagiye kwegerezwa (Foto Manishimwe N)

Minisitiri Nsengimana yabwiye abatuye i Ngoma ko imwe mu mpamvu yatumye gahunda ya ‘‘Koranubuhanga’ ibera i Zaza ari ukugira ngo begerezwe serivise z’ikoranabuhanga, no kubagaragariza ko isezerano rya Interineti yihuta bemerewe na Perezida riri hafi gusohora.

Yagize ati “Ubwo Perezida yasuraga aka karere yabemereye interineti yihuta. Twarabikurikiranye, byaratangiye, naje uyu munsi kubihamya, mvuga ngo mu kwezi kumwe interineti iraba igeze hano, kandi yihuta”

Akomeza abwira abaturage ko bakwiye kwitegura kubyaza umusururo interineti bazahabwa,

Yagize ati “Ikoranabuhanga ntabwo ari iry’ abo mu mijyi gusa. Rirazana ubumenyi, bugusange aho uri. Kandi mu isi turimo kuganamo ikoranabuhanga ni ryo iterambere ryubakiyeho. Turasaba cyane amashuri gufungura imiryango no mu biruhuko ku bana bashaka kwiga ikoranabuhanga. Umwana wawe wamuraze ikorabanuhanga, atera imbere. Abahinzi n’aborozi namwe, mushakashake mu ikoranabuhanga, mu menye ibigezweho, mu menye ahari isoko ry’umusaruro wanyu.”

Abatuye i Zaza nyuma yo kubwirwa ko uyu mwaka wa 2016 uzarangira babawe interineti yuhuta, babwiye Imvaho Nshya ko biteguye kuyibyaza umusaruro.

Umugwaneza Eric w’imyaka 23, utuye mu kagari ka Nyagatugunda, ati “Batwegereze ishuri ryigisha gukoresha mudasobwa kuko ni ibintu twiteguye kwitabira nk’urubyiruko. Ubundi twahendwaga kubera kutamenya amakuru ku isoko, ntitumenya uko ibiciro bihagaze, baraza bakaduhenda gusa, tugapfa kubyemera. Interineti nitugeraho tuzayibyaza umusaruro kandi twizeye ko izatworohereza akazi yaba kuri za telefoni n’abafite mudasobwa.”

Umuyobozi w’Akarere ka Ngoma Nambaje Aphrodise avuga ko muri aka karere hatangirwa serivise z’ikoranabuhanga binyuze mu bigo bya Leta n’ibyigenga, ibiro by’imirenge 14, amavuriro, ibigo by’imari n’amashuri, Irembo,.. gusa ngo ntibiragera ku rugero rushimishije ku buryo na we agaragaza ko kuboneka kwa interineti yihuta muri aka karere byazihutisha itangwa rya serivisi zinoze.

Ati “Mu karere kacu aho dufite interineti ya fibre optique ni mu mujyi wa Ngoma gusa , kandi ahantu hatoya. Kugira ngo ibigo byose bya Leta, ibigo nderabuzima, utugari za SACCO n’ibindi n’abikorera babashe gutera imbere vuba ni uko ikoranabuhanga, ryaba ryabagezeho.”

Meya agaragaza ko umuyoboro wa interineti yihuta nuhagera uzakemura ibibazo byinshi bya serivise z’ikoranabuhanga kuko abaturage bagera ku bihumbi 380 batuye akarere bose barikeneye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Hatangijwe ikoranabuhanga ribungabunga ihererekanywa ry’amakuru y’Abanyarwanda
Hatangijwe ikoranabuhanga ribungabunga ihererekanywa ry’amakuru y’Abanyarwanda

Minisiteri y’Urubyiruko n’Ikoranabuhanga yatangije uburyo bufasha ibigo bicuruza itumanaho mu Rwanda bikazajya bifasha abafatabuguzi babyo guhererekanya amakuru atanyuze hanze y’igihugu, Rwanda (...)

Ababyeyi bashyiriweho uburyo bwo kumenya imyitwarire y’abana ku ishuri
Ababyeyi bashyiriweho uburyo bwo kumenya imyitwarire y’abana ku ishuri

Ikigo “Smart Initiatives” gisanzwe gikora ibijyanye n’ikoranabuhanga kiratangaza cyatangije uburyo bushya buzafasha ababyeyi kumenya uko abana babo bitwara mu gihe baba bari ku ishuri batiriwe (...)

Imodoka 10 zikunzwe kurusha izindi ku Isi muri 2016 (Amafoto)
Imodoka 10 zikunzwe kurusha izindi ku Isi muri 2016 (Amafoto)

Buri mwaka ikinyamakuru giharanira uburenganzira bw’abaguzi, Consumer Report, gikora icyegeranyo cy’imodoka nziza ku Isi. Imodoka zibanza gusuzumwa n’impuguke, ndetse hakagenderwa ku makuru (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.