Advertisement
 
 
 
 
 
 
 
 

Ikoranabuhanga

Ibigo 10 biciriritse by’Abanyarwanda bigiye guhatanira miliyoni 810   

  Yanditswe na NTAWITONDA JEAN CLAUDE
 2 weeks ago

 
 

Abanyarwanda 10 bafite imishinga mito n’iciriritse bagiye guhabwa amahirwe yo guhatanira miliyoni zisaga 810 z’amafaranga y’u Rwanda mu marushanwa ategurwa n’Ikigo cyo mu Busuwisi ‘Seedstars’ gifite intego yo guhindura ubuzima bw’abikorera cyane cyane mu rwego rw’ikoranabuhanga.

Iki kigo kizwiho gufasha abikorera n’abafite ibigo by’ikoranabuhanga kubaka ibigo bifatika bakagira ijambo mu mikoranire ya Leta n’abikorera ku rwego mpuzamahanga.

Abanyarwanda 10 bagitangira ubucuruzi bushingiye ku ikoranabuhanga bahawe amahirwe yo guhatanira iki gihembo kingana na miliyoni imwe y’amadolari ya Amerika mu nama mpuzamahanga ubusanzwe ibera mu Busuwisi buri mwaka.

JPEG - 130.7 kb
Abafite ibigo biciriritse bafunguriwe amaremo ku irushanwa

Gahunda yo gucagura ibigo bizitabira amarushanwa yateguwe ku bufatanye n’ikigo KLab, ikaba itegerejwe i Kigali ku cyicaro cy’Ikigo Rwanda Online tariki 6 Ukuboza 2016. Ibi ni bimwe mu bigize intego za Seedstars zo kuzamura abikorera mu bihugu 65 ari ko banahuzwa ababahugura ndetse n’ababashoramo imari.

Abitabiriye amarushanwa y’iki kigo mu myaka yashize bamaze kuzamura ubukungu bwabo kugeza kuri miliyoni 61 z’amadolari, ndetse banatanze akazi ku basaga 800.

Ibigo biciriritse bikenewe mu marushanwa ategerejwe i Kigali bigomba kuba bimaze imyaka itari munsi y’ibiri, bifite umutungo uri munsi y’amadolari ibihumbi 500 kandi bikaba bifite ibicuruzwa biciriritse ariko biramba.

Ku bufatanye n’ibindi bigo by’ubucuruzi bikomeye, Seedstars irashaka kujonjora ibigo bigitangira bishobora kubona ibisubizo bya bimwe mu bibazo biri mu gace byahangiwemo ndetse bikanabyara imishinga yunguka ku isoko mpuzamahanga.

Selam Kebede umwe mu banyamuryango ba Seedstars World yagize ati “U Rwanda rufite byinshi umugabane wacu urwigiraho. Mu myaka mike ishize, haragara iterambere ry’ikoranabuhanga ryahujwe n’ubuzima bwa buri munsi bw’Abanyarwanda. Ni kenshi twumvise uko Abanyarwanda biyubatse bavuye ku busa, twaje kwirebera ukuri.”

Abanyarwanda 10 bazatsinda amarushanwa i Kigali bizatumirwa mu nama ibera mu Busuwisi buri mwaka bahangane n’abahagarariye igibo byabo baturutse ahatandukanye ku Isi.

Aphrodice Mutangana Umuyobozi wa KLabs yashimiye aba bafatanyabikorwa baje kunga muri gahunda ya Guverinoma y’u Rwanda yo guteza imbere imishinga mito n’iciriritse. Yagize ati “Kwakira Seedstars mu Rwanda bivuze byinshi ku Rwanda kuko ari igihugu kibavuganira cyane, kandi bakora mu bwisanzure.”

Clement Uwajeneza ukuriye Rwanda Online, yongeyeho ko biteze byinshi kuri Seedstars, ati “ Nizera ko izafasha abafite ubumenyi kububyaza umusaruro bakabona n’ubufasha bubageza ku ntego zari inzozi kuri bo.”

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kigali: Abanyeshuri bafashijwe kuruhuka bongera ubumenyi mu ikoranabuhanga
Kigali: Abanyeshuri bafashijwe kuruhuka bongera ubumenyi mu ikoranabuhanga

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha (...)

ITU yahembye Abanyarwanda bifashishije ikoranabuhanga mu kunganira uburezi
ITU yahembye Abanyarwanda bifashishije ikoranabuhanga mu kunganira uburezi

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda. Iki kigo (...)

Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Hatangijwe ikoranabuhanga ribungabunga ihererekanywa ry’amakuru y’Abanyarwanda
Hatangijwe ikoranabuhanga ribungabunga ihererekanywa ry’amakuru y’Abanyarwanda

Minisiteri y’Urubyiruko n’Ikoranabuhanga yatangije uburyo bufasha ibigo bicuruza itumanaho mu Rwanda bikazajya bifasha abafatabuguzi babyo guhererekanya amakuru atanyuze hanze y’igihugu, Rwanda (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.