Advertisement
 
 
 
 
 
 
 
 

Ikoranabuhanga

Hatangijwe ikoranabuhanga ribungabunga ihererekanywa ry’amakuru y’Abanyarwanda   

  Yanditswe na MUTUNGIREHE SAMUEL
 1 month ago

 
 

Minisiteri y’Urubyiruko n’Ikoranabuhanga yatangije uburyo bufasha ibigo bicuruza itumanaho mu Rwanda bikazajya bifasha abafatabuguzi babyo guhererekanya amakuru atanyuze hanze y’igihugu, Rwanda Internet Exchange Point (RINEX).

Iyi Minisiteri iratangaza ko ubu buryo bw’ikoranabuhanga bwitezweho kugabanya igiciro cy’amafaranga abakoresha interineti bishyura no kurinda amakuru y’Abanyarwanda.

Minisitiri Jean Philbert Nsengimana amaze gufungura ku mugaragaro iryo koranabuhanga kuri uyu wa Kabiri tariki ya 8 Ugushyingo 2016 yatangaje ko iryo koranabuhanga rigiye gufasha Abanyarwanda birenze kurinda umutekano w’amakuru yabo bikagera ku giciro gito bizajya bibasaba n’igihugu.

Ati “Uyu munsi kugira ngo wohereze megabite imwe ku isegonda umuyoboro tuwugura amadorali y’Amerika 100 (ubundi byahoze bigura 1000$), batubwiye ko ubu iyi RINEX ifite umurongo wagutse ukubye iyo megabite inshuro 1500. Ubibaze neza usanga ya madorali 100 ku kwezi twatangaga twajya twishyura amadorali 150 000, washyira ku mwaka ugasanga bibaye 1 800 000.”

Umuyobozi Mukuru wa RINEX Nkeramugabo Ghislain yavuze ko umuntu ufite ifatabuguzi rya sosiyete y’ifatabuguzi imwe mu zikorera mu Rwanda azajya yoherereza amakuru kuri interineti mugenzi we uri mu Rwanda akoresha indi sosiyete bidasabye ko ibyo yohereje bica muri Amerika n’ahandi bafite ububiko bwa interineti ku isi.

Ati “Iramutse idahari ntibivuze ko abantu batakoherezanya amakuru, ariko byahenda nk’uko bimeze ubu, icyo ni icya mbere, ikindi uburyo abantu babona serivisi byaba ari mu buryo bitinze kandi butari bwiza ku mufatabuguzi wa nyuma.”

Ikigo gicunga iryo koranabuhanga, Rwanda Inforamtion and Communication Technology Association (RICTA) ku bufatanye na gahunda y’Umuryango w’Ubumwe bwa Afurika Ybifite gahunda yo kubaka Afurika yigenga ku buryo amakuru y’abaturage bayo agomba guhererekanywa mu banyafurika bonyine atiriwe aca ku yindi migabane, bikarinda n’akayabo k’amafaranga byatwaraga.

Umuhuzabikorwa w’ibikorwa remezo n’ingufu muri Afurika yunze Ubumwe, Dr. Elham Ibrahim yavuze ko ubu buryo buri gukoreshwa mu bihugu 8 bya Afurika birimo Afurka y’Epfo, Kenya, Zimbabwe, u Rwanda, Misiri, Nigeria, Gabon na Congo.

Imirimo yo kubaka ibikorwa remezo biri mu mujyi wa Kigali mu nyubako ikoreramo ibigo by’ikoranabuhanga TELECOM HOUSE Kacyiru, byatwaye Leta y’u Rwanda amadorali y’Amerika agera ku 180 000, asaga miliyoni 144 z’amafaranga yu Rwanda, icyuma cyaguzwe ayo mafaranga kikazajya kimara igera kuri 5 kigasimbuzwa ikindi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kigali: Abanyeshuri bafashijwe kuruhuka bongera ubumenyi mu ikoranabuhanga
Kigali: Abanyeshuri bafashijwe kuruhuka bongera ubumenyi mu ikoranabuhanga

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha (...)

ITU yahembye Abanyarwanda bifashishije ikoranabuhanga mu kunganira uburezi
ITU yahembye Abanyarwanda bifashishije ikoranabuhanga mu kunganira uburezi

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda. Iki kigo (...)

Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Hatangijwe ikoranabuhanga ribungabunga ihererekanywa ry’amakuru y’Abanyarwanda
Hatangijwe ikoranabuhanga ribungabunga ihererekanywa ry’amakuru y’Abanyarwanda

Minisiteri y’Urubyiruko n’Ikoranabuhanga yatangije uburyo bufasha ibigo bicuruza itumanaho mu Rwanda bikazajya bifasha abafatabuguzi babyo guhererekanya amakuru atanyuze hanze y’igihugu, Rwanda (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.