2017-07-26 14:51:34 clouds 27o High | Kigali Rwanda

Dukurikire:
 
 

Umunyarwanda yakoranyije abantu 3500 mu Bwongereza ababwiriza ubutumwa bwiza

Yanditswe na IMVAHO NSHYA

Kuya 2016-06-08 09:30:00

 
Share on:
 
Yasuwe:21
 
Yavuzweho:200
 
10
 
10

Umuvuga butumwa Ntavuka Osee, Umunyarwanda uba mu Bwongereza amaze imyaka irindwi akoresha ibiterane ngarukamwaka byitabirwa n’imbaga y’abantu barimo n’abahagarariye u Rwanda mu Bwongereza.

Icyo giterane cy’ububyutse kibera ku musozi uri mu mujyi wa Plymouth buri mwaka, guhera mu mwaka wa 2009, kikaba kitabirwa n’abantu baturutse mu bice bitandukanye by’isi.

JPEG - 139.2 kb
Aha abitabiriye iki giterane banyuzwe no gukurikirana inyigisho za Pasiteri

Rev. Pasteur Ntavuka, avuga ko ari ibintu bidasazwe kubona abantu babarirwa mu bihumbi bitabira igiterane kiyobowe n’umwirabura.

Yagize ati “Imana yatugiriye neza ku buryo budasazwe. Igiterane cyitabiriwe n’abantu baturutse hirya no hino barimo n’abayobozi ba hano mu Bwongereza. Buri mwaka igiterane gifungurwa na meya w’umujyi wa Plymouth, uyu mwaka cyafunguwe n’uwungirije Meya, Sam Davey, cyikitabirwa n’abadepite batandukanye, abapolisi bakuru by’akarusho uyu mwaka twari tunari kumwe n’uhagarariye u Rwanda hano.”

Yakomeje avuga ko abitabiriye igiterane cy’uyu mwaka bagera kuri 3500, kandi ngo habonetse n’abantu benshi bihana ibyaha bemera kwakira Yesu Kristo.

JPEG - 226.2 kb
Abanyarwanda n’Abongereza bari babukereye muri iki giterane

Nyuma y’igiterane, habaye umuhango wo kwibuka no kunamira Abatutsi bazize Jenoside, hashyirwa n’indabo ku rwibutso rwubatswe na Rev. Pasteur Ntavuka Osee, mu mujyi wa Plymouth.

Ambasaderi w’u Rwanda mu Bwongereza Yamina Karitanyi, yashimiye Rev. Pasteur Ntavuka Osee, ku bikorwa bitandukanye by’indashyikirwa akora, birimo kuba yarubatse Urwibutso rwa Jenoside mu Bwongereza, gukoresha ibiterane, hamwe no kuba buri mwaka azana abanganga b’inzobere mu Rwanda kuvura abarwaye indwara zananiranye kandi ku buntu.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE