Advertisement
 
 
 
 
 
 
 
 

Imyidagaduro | Imibereho

Nyampinga w’Umuco 2016 yabuze inkunga aba asubitse gufasha abana   

  Yanditswe na NDAMYIROKOYE FRANÇOIS
 2 months ago

 
 

Mutoni Jane Nyampinga w’u Rwanda w’Umuco 2016 (Miss Heritage) yasubitse umushinga wo gufasha abana b’abanyeshuri bifitemo impano kuko nyuma yo kwambika ikamba gagerageje gushaka abaterankunga ariko bikanga.

Mu kiganiro na Imvaho Nshya, Mutoni yavuze ko mu gushaka abaterankunga yagiye ajya ahantu hatandukanye ngo ariko ntaho bigeze bayimwemerera.

Yagize ati “Nambikwa ikamba nari mfite gahunda yo gushyira mu bikorwa umushinga wo gufasha abana bifitemo impano by’umwihariko iy’ubuhanzi ariko ntabwo nigeze mbona abaterankunga.”

Mutoni yavuze ko bamwe muri aba bana bari kuzajya bigishwa kubyina bijyanye n’umuco nyarwanda n’abari kwigishwa kwivuga mu rwego rwo guteza imbere impano zabo, n’abandi bifitemo izindi mpano akabafasha nyuma yo gutangirana n’abiga kubyina no kwivuga.

JPEG - 179.9 kb
Nyampinga w’Umuco 2016 Mutoni Jane yabuze inkunga aba asubitse gufasha abana

Azasubukura umushinga avuye mu marushanwa

Nyampinga Mutoni Jane ahamya ko ateganya kuzasubukura umushinga we nyuma y’uko azava mu irushanwa rya Miss Heritage Global rizaba ku ya 23 Ugushyingo 2016 i Johanesbourg muri Afurika y’Epfo.

Yagize ati “Ndateganya ko nimva mu irushanwa muri Afurika y’Epfo ari bwo nzasubukura umushinga wanjye”.

Impamvu ari bwo yumva azawusubukura, ngo ni uko ateganya kuzatsinda irushanwa agakuramo ibihembo bikomeye byazamufasha atabanje gutegereza akava imuhana nubwo n’abaterankunga no azakomeza kubashaka.

Nubwo mu irushanwa azaba ahuriyemo n’abakobwa baturutse mu bihugu bitandukanye ku isi, Mutoni avuga ko ubu yatangiye kwitegura bihagije kugira ngo azegukane ikamba azaheshe u Rwanda ishema.

Ati “Ibintu byo guhatana mu marushanwa y’ubwiza ndabimenyereye nta bwoba mfite rwose kuko no mu irushanwa rya Miss Rwanda nagiyemo inshuro eshatu.”

Abifashijwemo n’Inshami rya Loni ryita ku Burezi n’Umuco (UNESCO) ndetse n’Inteko Nyarwanda y’ururimi n’Umuco, Mutoni Jane yasuye ahantu nyaburanga mu Ntara y’Amajyepfo no mu burengerazuba bw’u Rwanda mu gushishikariza abantu bose kumenya ubwiza bw’ahantu nyaburanga u Rwanda rufite.

Ikamba Mutoni Jane yambaye mu 2016ryari ryambawe na Bagwire Keza Joannah ,mu 2015 wabaye Ambasaderi w’umuco ku isi nyuma y’uko yari yitabiriye irushanwa rya Miss Heritage Global mu 2015.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyampinga w’Umuco 2016 yabuze inkunga aba asubitse gufasha abana
Nyampinga w’Umuco 2016 yabuze inkunga aba asubitse gufasha abana

Mutoni Jane Nyampinga w’u Rwanda w’Umuco 2016 (Miss Heritage) yasubitse umushinga wo gufasha abana b’abanyeshuri bifitemo impano kuko nyuma yo kwambika ikamba gagerageje gushaka abaterankunga ariko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.