Advertisement
 
 
 
 
 
 
 
 

Imyidagaduro | Ibitaramo

2Face yatunguwe n’iterambere u Rwanda rugezeho mu myaka 10   

  Yanditswe na NDAMYIROKOYE FRANÇOIS
 2 months ago

 
 

Umuhanzi ukomoka muri Nigeria Innocent Ujah Idibia uzwi ku izina rya2 Face cyangwa 2 Baba, yatangaje ko yishimiye aho u Rwanda rugeze mu iterambere agereranyije n’uko rwari rumeze mu 2006 ubwo yazaga kuhataramira.

Mu kiganiro yagiranye n’itangazamakuru kibanziriza igitaramo akorera i Kigali ku mugoroba wo kuri uyu wa gatanu tariki 23 Nzeri, 2 Face yashimangiye ko hari byinshi yatunguwe no kubona byahindutse nyuma y’imyaka 10 ageze i Kigali.

Yagize ati “Nashimishijwe n’ukuntu u Rwanda rwateye imbere ngereranyije n’uko narubonye ubwo nahaherukaga. Ni ibyo kwishimira…”

JPEG - 282.3 kb
2Face yagaragaje ko impinduka z’imyaka 10 zigaragaza mu Rwanda

Yakomeje ashima ukuntu Abanyarwanda bakirana abantu urugurwiro, ati “Uko uza Abanyanyarwanda bakamwakirana ubwuzu, urukundo n’urugwiro ni byiza. Abantu b’aha bagira umutima mwiza kandi ni beza by’umwihariko Abanyarwandakazi.”

2 Face yavuze ko nyuma yo gukundwa kw’indirimbo ‘African Queen’ yabaye agabanyije umuziki yita ku muryango ari na yo mpamvu yari amaze igihe kinini atavugwa.

JPEG - 307.4 kb
N’ibyishimo byinshi uyu muhanzi yagaragaje ko yiteguyr gushimisha Abanyarwanda kakahava

Yifuza gushinga inzu ikora ibikorwa by’umuziki mu Rwanda

Mu gukomeza kwagura ibikorwa bye bya muzika, 2 Face we n’umujyanama we batangaje ko mu mezi make ari imbere bateganya gushinga inzu ikora ibikorwa bijyanye n’umuziki mu rwanda ku buryo n’abo mu mujyi wa Goma muri Repebulika Iharanira Demokarasi ya Kongo bazajya bayitabaza.

Yishimira urwego umuziki nyafurika ugezeho ku ruhando rw’Isi ngo n’ubwo kubigeraho byasabye ingufu nyinshi; ati “Nishimira urwego umuziki nyafurika ugezeho ku rwego rw’Isi n’ubwo kubigeraho byagoranye”.

Umuhanzi 2 Face wishimira ko ari mu bahanzi ba mbere bamenyekanishije umuziki w’Afurika ku rwego rw’Isi, avuga Abanyafurika nibarushaho gushyikira umuziki w’Afurika uzakomeza gutera imbere.



 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
2Face yatunguwe n’iterambere u Rwanda rugezeho mu myaka 10
2Face yatunguwe n’iterambere u Rwanda rugezeho mu myaka 10

Umuhanzi ukomoka muri Nigeria Innocent Ujah Idibia uzwi ku izina rya2 Face cyangwa 2 Baba, yatangaje ko yishimiye aho u Rwanda rugeze mu iterambere agereranyije n’uko rwari rumeze mu 2006 ubwo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.