Advertisement
 
 
 
 
 
 
 
 

Imyidagaduro

Wizkid yahawe umwenda uriho ifoto ya Perezida Kagame   

  Yanditswe na NDAMYIROKOYE FRANÇOIS
 3 months ago

 
 

Umuhanzi Wizkid ubusanzwe witwa Ayodeji Ibrahim Balogun ukomoka muri Nigeria yahawe n’umunyamideli w’Umunyarwanda impano y’imyenda ishushanyijeho ifoto ya Perezida Paul Kagame.

Uyu muhanzi ari mu Rwanda aho yaje kwitabira igitaramo ngarukamwaka cyiswe “ Mutziig Beer Fest” kizaba ku ya 27 Kanama 2016 i Rugenge ku muhanda ujya i Rwamagana.

Ubwo Wizkid yahabwaga iyo mpano yabonyeho ifoto ya Perezida Paul Kagame yerekana ko bimushimishije cyane ahita agira ati “Iyi foto ni iya Perezida wanyu.”

Wizkid yerekana ko yishimiye guhabwa umwenda uriho ifoto ya Perezida Paul Kagame


Gusa ubwo yashyikirizwaga iyo myenda, mu rwego rwo gutebya, Wizkid yabwiwe ko agiye guhabwa iyo myenda agira ati “Nkunda imyenda y’ubuntu…” abari bahari baraseka cyane.

Abanyamideli bahaye imyenda Wizkid ni abagize itsinda ryitwa Hustle Tayo n’irindi ryitwa Hot Puzzle.

N’ibyishimo byinshi byamugaragaraga ku maso, Wizkid mbere y’uko ahabwa impano y’imyenda yahawe umwanya avuga ko yishimiye kuza mu Rwanda kandi ko yifuza kuzahora iteka agenderera u Rwanda.

Yagize ati “Nagira ngo mbanze nshimire mwese ku buryo munshyigikira nashimire abateguye iki gikorwa. Icyo navuga ni uko nishimiye cyane kuza mu Rwanda kandi ndifuza kuzahora nza.”

Mu rwego rwo gutaramira abantu mu buryo bugaragara, Wizkid yashimangiye ko yazanye n’abagize itsinda rye bamufasha iyo arimo kuririmba by’umwihariko mu bitaramo.

Uretse kuba yari azanye n’itsinda rimufasha kuririmba, Wizkid yavuze ko yazanye n’umutunganyiriza indirimbo ndetse n’umujyanama we mu kazi k’umuziki.

Wizkid yongeye gushimangira ko yazanye n’itsinda rye rizamufasha ngo kandi aho ajya hose agerageza gukora ibirenze aho aba yabanje gutaramira.

Abisobanura yagize ati “Nk’uko nababwiye nazanye n’itsinda ryanjye kandi aho njya hose ngerageza kwerekana itandukaniro n’aho mba nabanje. Ikindi navuga ni uko nkurikije uko numva meze nizeye ko nzakora igitaramo kiza mu Rwanda.”

Wizkid asuhuza umwe mu banyamideli bamuhaye imyenda


Ashobora gukorana indirimbo n’abahanzi nyarwanda

Ubwo Wizkid yabazwaga niba yarigeze abasha kumva ibihangano nyarwanda, yavuze ko atigeze abyumva ngo ariko ubwo yabwirwaga kuhaza byaramushimishije cyane yumva ko ushobora kuba umwanya wo kumva ibyo bihangano ngo kandi no gukorana indirimbo n’abahanzi nyarwanda birashoboka cyane ngo kuko ahenshi ajya akorana indirimbo n’abahanzi baho.

Yagize ati “Ntabwo nigeze numva ibihangano nyarwanda ariko ubwo nabwirwaga kuza numvise ko ari wo mwanya kandi aha ni mu rugo iyo ndi ahatari muri Afurika mba numva ntari mu rugo ubu ndi mu rugo rwose”.

Ibyerekeranye no kuzamura umuziki we ku rwego rurenze urwo uriho ubu, Wizkid yavuze ko Alubumu ateganya gushyira hanze vuba nizasozwe azayimurika mu bihugu bitandukanye byo ku migabane itandukanye igize Isi.

Wizkid ( hagati) avuga ukuntu yishimiye kuza mu Rwanda


Yahinduye injyana yaririmbagamo

Kugira ngo arusheho gushimisha abafana be hirya no hino ku Isi, Wizkid yavuze ko yatangiye akora injyana ya Hip Hop ngo ariko yagiye avangamo n’injyana nyafurika.

Uguhindura injyana kwe, Wizkid yavuze ko bizamufasha gutuma Abanyarwanda abataramira bakabyina ati “Bizatuma Abanyarwanda babyina”.

Mu gitaramo Wizkid azakorera i Rugende yavuze ko yifuza kuzabona Abanyarwandakazi yabwiweho cyane ko bafite uburanga butagereranywa ati “Nifuza kuzabona abakobwa beza bambwiye ko Abanyarwandakazi ari beza”.

Wizkid ni umuhanzi ukunzwe muri iyi minsi ku ndirimbo zitandukanye harimo iyitwa “Final”, “Show you the money”, “In my bed” n’izindi.

Aha abanyamakuru batandukanye bari bategereje Wizkid


Aha nabwo Wizkid yasuhuzaga umunyamidelikazi wari umuhaye impano y'imyenda


 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyampinga w’Umuco 2016 yabuze inkunga aba asubitse gufasha abana
Nyampinga w’Umuco 2016 yabuze inkunga aba asubitse gufasha abana

Mutoni Jane Nyampinga w’u Rwanda w’Umuco 2016 (Miss Heritage) yasubitse umushinga wo gufasha abana b’abanyeshuri bifitemo impano kuko nyuma yo kwambika ikamba gagerageje gushaka abaterankunga ariko (...)

Kigali: Yateguye igitaramo nticyitabirwa, yishimira ko atahombye
Kigali: Yateguye igitaramo nticyitabirwa, yishimira ko atahombye

Ntawirema Celestin yateguye ibirori byo kumurika imideli ishingiye ku muco Rwanda Cultural Fashion Show ntibyitabirwa ariko yishimira ko atigeze ahomba kuko yari afite abaterankunga benshi. Ibi (...)

2Face yatunguwe n’iterambere u Rwanda rugezeho mu myaka 10
2Face yatunguwe n’iterambere u Rwanda rugezeho mu myaka 10

Umuhanzi ukomoka muri Nigeria Innocent Ujah Idibia uzwi ku izina rya2 Face cyangwa 2 Baba, yatangaje ko yishimiye aho u Rwanda rugeze mu iterambere agereranyije n’uko rwari rumeze mu 2006 ubwo (...)

Wizkid yahawe umwenda uriho ifoto ya Perezida Kagame
Wizkid yahawe umwenda uriho ifoto ya Perezida Kagame

Umuhanzi Wizkid ubusanzwe witwa Ayodeji Ibrahim Balogun ukomoka muri Nigeria yahawe n’umunyamideli w’Umunyarwanda impano y’imyenda ishushanyijeho ifoto ya Perezida Paul Kagame. Uyu muhanzi ari mu (...)

Itorero ‘Ishakwe’ ry’abasigajwe inyuma n’amateka ryarazimye
Itorero ‘Ishakwe’ ry’abasigajwe inyuma n’amateka ryarazimye

Bamwe mu baturage basigajwe inyuma n’amateka bo mu murenge wa Mukingo mu karere ka Nyanza bari bibumbiye mu itorero ryitwaga Ishakwe, bahangayikishijwe no kuba itorero ryabo ryarazimye kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.