2017-05-26 05:18:19 clouds 27o High | Kigali Rwanda

Dukurikire:
 
 

Sena igiye gukaza gukurikirana amakuru y’abahabwa akazi ka Leta

Yanditswe na Claude Ntawitonda

Kuya 2016-05-26 15:49:53

 
Share on:
 
Yasuwe:0
 
Yavuzweho:200
 
10
 
10

Abasenateri biyemeje gushyira imbaraga mu gushakisha amakuru ahagije ku bayobozi baba bashyizwe mu myanya y’inzego za Leta mbere y’uko batangira akazi kugira ngo habanze kwemezwa ubunyangamugayo bwabo.

Icyemezo cyo gukaza ikusanyamakuru ku bahabwa akazi muri Leta cyaje mu myanzuro y’umwiherero w’iminsi itatu wabasenateri wari ugamije guhitamo icyerekezo cya Sena nyuma yivugururwa ry’Itegeko Nshinga rya Repububurika y’u Rwanda.

Sena yiyemeje ko izajya ikora iri genzura mbere y’uko umukozi atangira imirimo kugira ngo abahabwa akazi babe bazira amakemwa.

Undi mwanzuro mu yafashwe mu mwiherero ushimangira gushyiraho amategeko yihariye agena uko Sena imenya ikanagenzura ibikorwa bya Guverinoma n’ibindi.

Perezida wa Sena Bernard Makuza yagize ati “Amahame ya Sena ni inkingi u Rwanda rwubakiraho, hakaba hakubiyemo ibitekerezo bishingiye ku byifuzo by’Abanyarwanda, abayobozi baharanira ko abanyarwanda bose bagira amahirwe angina, kubaka igihugu kigendera ku mategeko, gushimangira ubuyobozi bushingiye kuri demokarasi n’ibindi.

Perezida wa Sena Makuza asanga amahame remezo ya Sena ari nk’urutirigongo rw’u Rwanda kuko atanga umurongo n’icyerekezo bigena iyubahirizwa ry’ubumwe bw’Abanyarwanda bushingiye ku kurwanya ingengabitekerezo ya Jenoside, amacakubiri n’irindi vangura ryose.

Bivugwa ko amahame remezo ya Sena yasaranganyijwe mu mitwe yose ya Sena mu gihe ubusanzwe yakurikiranwaga n’abagize komisiyo ishinzwe Politiki
Visi perezida wa Sena Gakuba J d’Arc we yagaragaje iterayabikorwa ry’igihe kirekire Sena n’icya bugufi cya Sena mu Nteko Ishinga amategeko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE