Advertisement
 
 
 
 
 
 
 
 

Amateka | Mu Rwanda

Rusizi: Abarokotse Jenoside bagarutse ku bugome bwa Yusufu Munyakazi ufungiwe Arusha   

  Yanditswe na BAHUWIYONGERA SYLVESTRE
 13 April

 
 

Mu buhamya butangwa n’abarokokeye mu mirenge igize ikibaya cya Bugarama mu karere ka Rusizi, bagaragaje ko uwari umukuru w’ikirenga w’interahamwe muri iki kibaya, Yusufu Munyakazi ufungiye Arusha muri Tanzaniya, yaranzwe n’ubugombe ndengakamere, aho ngo yari afite umugambi wo gutsemba umuhungu wese w’Umututsi.

Abarokotse Jenoside yakorewe abatutsi baganiriye n’Imvaho Nshya, bavuga ko uriya Munyakazi Yusufu yahereye mu Bugarama akagera mu cyari Kibuye yica Abatutsi, agambiriye kumara abahungu bose b’Abatutsi, n’ubu ngo bibaza niba yari umuntu waremwe nk’abandi bikabayobera.

Aba baturage bemeza ko uyu mugabo yari ameze nka Herode uvugwa muri Bibiliya, kuko ngo ubugome yari afitiye cyane cyane abagabo n’abana b’abahungu mu cyahoze ari komini Bugarama ngo bwari indengakamere, ku buryo ngo yigishaga Interahamwe ze ko nta gahungu na kamwe kagomba gusigara karimo umwuka muri iki kibaya.

JPEG - 196.2 kb
Umugezi wa Rubyiro wajugunywemo imiryango irenga 70 y’Abatutsi biganjemo abagabo n’abahungu (Foto Bahuwiyongera S)

Interahamwe za Munyakazi ngo yari yarazihaye amabwiriza ko abagabo n’abana b’abahungu bose ngo bagombaga kwicwa bagatabwa mu migezi ya Rubyiro, Ruhwa na Rusizi, ngo batazava aho banazuka.

Uwamahoro Pascasie, uhagarariye Ibuka mu murenge wa Bugarama yagize ati:“ umugambi wari uwo kumaraho icyitwa umuhungu w’umututsi cyose nubwo n’abakobwa n’abagore tutarebewe izuba, ariko umuhungu we bamwicanaga umujinya mubi cyane.
Akaba ari no muri urwo rwego basaza banjye na bo bishwe urw’agashinyaguro, n’ababyeyi banjye, abicwaga muri ubwo buryo bose bakaba baratabwaga muri iyi migezi ngo batava aho banazuka, kuko koga byo n’iyo baba bazima byari bizwi na bake.”

Tugirumutware Frédéric, umuturage wo muri aka gace na we yagize ati:“Iyo ni yo yari intego nyamukuru yabo kandi basa n’abayigezeho kuko kurokoka iriya Jenoside uri umugabo muri iki kibaya nanjye ntabona uko mbivuga, kuko ari interahamwe za Yusufu Munyakazi, ari iz’abarundi, n’izindi zose zari zibasiye abagabo n’abana b’abahungu, zivuga ko na Kagame yagiye ari umwana none azibujije amahwemo.

Ukaba ari wo mujinya zari zifite zitwica urw’agashinyaguro ari na ho nanjye naburiye murumuna wanjye na bishywa banjye.”

Icyakora bamwe mu bagabo mbarwa barokokeye muri iki kibaya bavuga ko bagerageza kurwana n’imibereho kugira ngo ababagiriye buriya bugome bagihari babone ko bibeshye, bagashima Leta ikomeje kubafata mu mugongo, ikabafasha kwigira no kwihesha agaciro.

Umuyobozi w’aka karere Harelimana Frédéric, avuga ko Akarere kazakomeza kubaba hafi muri byose uko gashoboye, kakanashima uburyo bashaka ibisubizo by’ibibazo bahura na byo, bagahangana n’ingaruka z’ubwo bugome bwose banyuzemo.

 

Comments

Who are you?
Your post
  • To create paragraphs, just leave blank lines.

 
 
Amahano 9 Leta Zunze Ubumwe za Amerika yakoze ntisabe imbabazi
Amahano 9 Leta Zunze Ubumwe za Amerika yakoze ntisabe imbabazi

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo (...)

Ibitaro bya Shyira byabaye mpuzamahanga ku ngoma y’Umwami Rudahigwa
Ibitaro bya Shyira byabaye mpuzamahanga ku ngoma y’Umwami Rudahigwa

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi (...)

Ibyangizwa n’impanuka z’abanyamahanga mu Rwanda bishobora kwishyurwa
Ibyangizwa n’impanuka z’abanyamahanga mu Rwanda bishobora kwishyurwa

Ubuyobozi bw’Ibiro bya Umuryango w’Ubucuruzi bw’Afurika y’Iburasirazuba n’Amajyepfo (COMESA) mu Rwanda (Bureau National) burasaba Abanyarwanda kwirinda akarengane kavuka mu gihe bagezweho n’ingaruka (...)

Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’
Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’

Mu buhamya bw’abari batuye ku karere ka Nyarugenge mu gihe cya Jenoside yakorewe Abatutsi mu 1994, bavuga ko batazibagirwa umugabo witwa Setiba waje mu mujyi wa Kigali ari umupagasi aturutse mu (...)

Amateka y’umusozi wa Mwurire wiciweho Abatutsi 26 000 muri Jenoside
Amateka y’umusozi wa Mwurire wiciweho Abatutsi 26 000 muri Jenoside

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru. Bamwe mu barokokeye i Mwurire bemeza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.