Advertisement
 
 
 
 
 
 
 
 

Amateka | Mu Rwanda

Kigali: Harigwa uko imfungwa zagabanywa zigakurikiranwa ziri hanze   

  Yanditswe na NTAWITONDA JEAN CLAUDE
 4 months ago

 
 

Sosiyete Sivile yahagurukiye ikibazo cyo kwihutira guta muri yombi abakurikiranyweho ibyaha biciriritse kandi baba umutwaro ku gihugu, ikaba yifuza kugira inama Leta icyo yakora ngo umubare abafungwa ugabanyuke.

Impungenge zagaragajwe mu gihe mu Rwanda usanga umubare w’abafungwa ukunze kongerwa n’abafite ibyaha bakatiwe munsi y’imyaka ibiri y’igifungo kandi bakagombye gukurikiranwa bari hanze bagatanga agahenge ku muzigo wo kwita ku mfungwa muri rusange nk’uko bigenda mu bindi bihugu.

Umuyobozi w’Ihuriro ry’imiryango itanga ubufasha mu by’amategeko (LAF) Kananga Andrew, yasobanuye ko mu nama y’iminsi itatu yatangiye kuri uyu wa Mbere i Kigali, icyo baganiraho mbere ari ibihano bitari igifungo ku byaha bimwe na bimwe bidatuma umuntu ajya muri gereza agakurikiranwa ari hanze.

Ibyo bihano birimo gusubika igihano, ibihano nsimburagifungo, imirimo isimbura igifungo n’ibindi. Yagize ati “Icyatumye tubitekereza ni uko burya gufunga ni umwihariko. Icya ngombwa ni uko umuntu akurikiranwa ari hanze ariko akenshi ubona ko abantu bafungwa cyane kurusha uko bahabwa ibihano nsimburagifungo wenda bagakurikiranwa bari hanze.”

Minisitiri w’Ubutabera akaba n’Intumwa Nkuru ya Leta Johnston Busingye, yatangaje ko ubusanzwe igikwiye ari uguhana umuntu mu buryo butabangamira uburenganzira bwe, ariko ngo hari abadashobora kwisubiraho ’batambitswe amapingu.’

Yagarutse ku mpamvu zituma hakiboneka abantu benshi bafungwa bakabaye bararekuwe by’agateganyo, ati “ Ubushinjacyaha n’abacamanza bazakubwira ko byibuze 80% by’abarekurwa by’agateganyo bafite urubanza mu nkiko batagaruka. Baragenda bakaburirwa irengero...”

Minisitiri w'Ubutabera Johnston Busingye


Byagaragaye kandi ko hari abakurikiranwa ku mazina babeshye ugasanga kubatahura mu gihugu hose bitoroshye. Hatanzwe urugero rw’abaza gukora mu mujyi wa Kigali bavuye mu ntara.

Nk’umukozi wo mu rugo ngo ashobora gukora icyaha bakamufata bamurekura by’agateganyo kubera ko wenda iwabo ari i Rusizi akagenda bakamubura n’aho yakoraga batari basobanukiwe neza aho akomoka.

Gusa ngo nubwo gufunga umuntu bihenze, hari ibyaha bimwe na bimwe bitashoboka kuko nk’umuntu wishe undi ntabwo wamurekura ngo agende azaburane ari hanze.

Sosiyete Sivile yiteguye gukusanya ubunararibonye bw’ibindi bihugu mu kugabanya abafungirwa ibyaha byoroheje, bugashyikirizwa Minisiteri y’Ubutabera na yo ikabugeza ku bagize Inteko Ishinga Amategeko.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Amahano 9 Leta Zunze Ubumwe za Amerika yakoze ntisabe imbabazi
Amahano 9 Leta Zunze Ubumwe za Amerika yakoze ntisabe imbabazi

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo (...)

Ibitaro bya Shyira byabaye mpuzamahanga ku ngoma y’Umwami Rudahigwa
Ibitaro bya Shyira byabaye mpuzamahanga ku ngoma y’Umwami Rudahigwa

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi (...)

Ibyangizwa n’impanuka z’abanyamahanga mu Rwanda bishobora kwishyurwa
Ibyangizwa n’impanuka z’abanyamahanga mu Rwanda bishobora kwishyurwa

Ubuyobozi bw’Ibiro bya Umuryango w’Ubucuruzi bw’Afurika y’Iburasirazuba n’Amajyepfo (COMESA) mu Rwanda (Bureau National) burasaba Abanyarwanda kwirinda akarengane kavuka mu gihe bagezweho n’ingaruka (...)

Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’
Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’

Mu buhamya bw’abari batuye ku karere ka Nyarugenge mu gihe cya Jenoside yakorewe Abatutsi mu 1994, bavuga ko batazibagirwa umugabo witwa Setiba waje mu mujyi wa Kigali ari umupagasi aturutse mu (...)

Amateka y’umusozi wa Mwurire wiciweho Abatutsi 26 000 muri Jenoside
Amateka y’umusozi wa Mwurire wiciweho Abatutsi 26 000 muri Jenoside

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru. Bamwe mu barokokeye i Mwurire bemeza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.