Advertisement
 
 
 
 
 
 
 
 

Amateka | Mu Rwanda

Jenoside ku Gisenyi: Abayobozi baticaga Abatutsi barakubitwaga   

  Yanditswe na MUTUNGIREHE SAMUEL
 20 April

 
 

Itotezwa n’urugomo ku bashinjwaga kuba ibyitso by’inkotanyi, ni bimwe mu byakorerwaga abatari bemeye gushyira mu bikorwa umugambi wo kurimbura Abatutsi mu cyahoze ari Perefegitura ya Gisenyi aho Perezida Habyarimana Juvenal n’umugore we bari batuye

Itegurwa ry’umugambi wo kurimbura Abatutsi muri Jenoside mu gace uwahoze ari Perezida Habyarimana nk’uko itsinda ry’abashakashatsi muri Komisiyo y’igihugu yo kurwanya Jenoside CNLG babishyize ahagaragara kuri uyu wa Kabiri, byatangiye ubwo perezida yatorwaga Abanyarwanda bakigishwa ko Umututsi ari umwanzi.

Igitabo cya Mafeza Faustin na Gahongayire Liberate “Itegurwa n’ishyirwa mu bikorwa rya Jenoside mu yahoze ari Gisenyi” kigaragaza ko guhera ku ngoma ya Kayibanda Gregoire mu 1959 Umunyarwanda wabarurwaga nk’Umututsi yatangiye guhezwa no gutotezwa mu nzego z’ubuzima bw’igihugu zose bikagera no ku rugomo rwamukorerwaga.

JPEG - 187.2 kb
Minisitiri w’Umuco na Siporo Uwacu Julienne, ibumoso bwe Umunyamabanga Nshingwabikorwa wa CNLG, Dr. Jean Damascene Bizimana bitabiriye imurikwa ry’icyo gitabo

Iki gitabo kije gikurikira inyandiko ya Komisiyo y’igihugu yo kurwanya Jenoside (CNLG) ku mateka y’icyahoze ari Perefegitura ya Gisenyi mbere no mu gihe cya Jenoside yakorewe Abatutsi yashyizwe ahagaragara mu mwaka wa 2014, aho abayobozi bari mu bagize itsinda ry’ubwicanyi ariko batabyemerera imiryango iharanira uburenganzira bwa muntu.

Nyuma yo guhirikwa ku ngoma na Habyarimana ubushakashatsi buvuga ko mu 1992 hatangiye gutozwa urubyiruko rw’Interahamwe no gutangwa imbunda n’ibindi bikoresho biherekejwe n’urutonde rw’abagomba kwicwa bikozwe n’abari bakomeye mu gisirikare na politiki mur ivyo gihe.

Umugambi wa Jenoside waje gushyushywa n’amagambo yo mu mbwirwaruhame za Mugesera Leon uherutse gukatirwa burundu n’urukiko Rukuru mu Rwanda, na Col. Bagosora aho kwica Umututsi byahabwaga indi nyito bikaza gukorwa nka Jenoside mu ijoro ryo kuwa 6 rishyira ku wa 7 Mata 1994 ubwo indege ya Perezida Habyarimana yahanurwaga i Kigali.

Aba bashakashatsi bavuga ko mu makonine 12 yahoze agize Perefegitura ya Gisenyi yose yakorerwagamo ubwicanyi ku buryo ubu habarurwa abagera ku bihumbi 70 bashyinguwe mu cyubahiro mu gihe abatuye muri utwo duce kugeza ubu bataratanga amakuru ku bandi bari mu zindi nzibutso ngo bimenyekane niba barazize jenoside cyanngwa urundi rupfu.

Abo bashakashatsi bavuga kandi ko bigoye muri ako gace gutahura ibimenyetso bindi biranga amateka ya Jenoside yakorwe Abatutsi mu 1994 kuko hakiri n’ahacishijwe imihanda nyamara bizwi ko hajugunywe imibiri y’abazize Jenoside.

 

Comments

Who are you?
Your post
  • To create paragraphs, just leave blank lines.

 
 
Amahano 9 Leta Zunze Ubumwe za Amerika yakoze ntisabe imbabazi
Amahano 9 Leta Zunze Ubumwe za Amerika yakoze ntisabe imbabazi

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo (...)

Ibitaro bya Shyira byabaye mpuzamahanga ku ngoma y’Umwami Rudahigwa
Ibitaro bya Shyira byabaye mpuzamahanga ku ngoma y’Umwami Rudahigwa

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi (...)

Ibyangizwa n’impanuka z’abanyamahanga mu Rwanda bishobora kwishyurwa
Ibyangizwa n’impanuka z’abanyamahanga mu Rwanda bishobora kwishyurwa

Ubuyobozi bw’Ibiro bya Umuryango w’Ubucuruzi bw’Afurika y’Iburasirazuba n’Amajyepfo (COMESA) mu Rwanda (Bureau National) burasaba Abanyarwanda kwirinda akarengane kavuka mu gihe bagezweho n’ingaruka (...)

Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’
Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’

Mu buhamya bw’abari batuye ku karere ka Nyarugenge mu gihe cya Jenoside yakorewe Abatutsi mu 1994, bavuga ko batazibagirwa umugabo witwa Setiba waje mu mujyi wa Kigali ari umupagasi aturutse mu (...)

Amateka y’umusozi wa Mwurire wiciweho Abatutsi 26 000 muri Jenoside
Amateka y’umusozi wa Mwurire wiciweho Abatutsi 26 000 muri Jenoside

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru. Bamwe mu barokokeye i Mwurire bemeza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.