Advertisement
 
 
 
 
 
 
 
 

Amateka | Mu Rwanda

Ibitaro bya Shyira byabaye mpuzamahanga ku ngoma y’Umwami Rudahigwa   

  Yanditswe na RUTAYISIRE EMILE
 19 May

 
 

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi bo mu bihugu bine kubw’inkuru yakwijwe y’uburyo bifite ubunararibonye mu kubyaza.

Ubuyobozi bw’ibi bitaro buvuga ko ibi bitaro bifite amateka ahambaye kuko byafunguwe ku mugaragaro n’Umwami Mutara wa III Rudahigwa mu 1935, kuva icyo gihe bikora ku rwego mpuzamahanga kuko byavuraga abaturutse mu Burundi, Uganda na Repubulika Iharanira Demokarasi ya Congo.

JPEG - 245.6 kb
Iyi ni inzu y’amatek ayatashywe n’Umwami Rudahigwa mu mwaka wa 1935 iracyatangirwamo serivisi z’ubuvuzi

Umuyobozi w’Ibitaro bya Shyira Dr Rubanzabigwi Theoneste yabwiye Imvaho Nshya ko byubatswe n’Abamisiyoneri b’Abongereza b’Abangilikani, babanje kwemererwa n’abatware bari bayobowe na Kiliziya Gatolika batashakaga ibikorwa by’abangilikani muri ako gace.

Abangilikani bahawe agasozi ka Shyira kari hakurya y’uruzi rwa Mukungwa nko kubikiza, byamamara kubera umugore w’Umutware Nyangezi wahabyariye abazwe n’abaganga b’Abamisiyoneri.

Ababyaza ba gihanga bari bananiwe kubyaza umwana wari waje yitambitse, bamugejeje mu bitaro bya Shyira bamubyaza neza abazwe. Kuva ubwo inkuru yaramamaye igera n’ibwami ku buryo Mutara III Rudahigwa yaje kubifungura abishyiramo n’abaforomo bane ba mbere b’Abanyarwanda bari barangije mu ishuri Indatwa, ngo bafashe abamisiyoneri b’abazungu bari bayobowe na Dr Norman.

Dr. Rubanzabigwi yashimangiye ko ibi bitaro bitabasha kwaguka kuko byubatse mu manegeka. Gusa ngo byakira ababyeyi benshi baza kuhabyarira baturutse mu turere twa Gakenke, Muhanga Ngororero na Nyabihu.

Imihanda mibi iracyari imbogamizi, imiti yikorerwa ku mutwe

Dr. Rubanzabigwi avuga ko mu bibazo bibakomereye hari imihanda mibi igana ku bitaro n’ibihuza n’ibigo nderabuzima bireberera mu karere ka Nyabihu.Usanga inyura mu misozi, ahantu hahanamye, idatunganyije bigatuma yica imodoka za Ambulance n’izindi modoka zifashishwa kwa muganga ugasanga zikoreshwa buri gihe.

Hari n’ibigo nderabuzima bibiri, icya Nyakiriba n’icya Gakamba imbangukiragutabara itageraho ku buryo bisaba guheka abarwayi igihe boherejwe ku bitaro bikuru no kwikorera imiti ku mutwe kugira ngo igere kuri ibyo bigo nderabuzima.

JPEG - 54.3 kb
Umwami Mutara wa III Ruhadahigwa yahaye ibi bitaro abaforomo bane ba mbere

Ubwo Imvaho Nshya yaganiraga n’abaturage bazanye umurwayi wariwe n’imbwa, bavuze ko bavuye i Janja bakaba bakoresheje amasaha atatu, kubera ubunyereri n’imvura yahindanyije aho bagombaga guca hahanamye.

Uwifashije Emmanuel w’imyaka 24 na we wari uje wisiramuza yavuze ko yakoze urugendo rw’amasaha abiri n’igice; ati “Nemeye nkora urugendo kubera akamaro nzi ko kwisiramuza kuko bigabanya gufatwa n’indwara zifatira mu busambanyi, ariko ibitaro byimutse nziko baza ari benshi.”

Bivugwa ko n’abaganga bagorwa no gutega baza ku kazi, ndetse bikaba imbarutso yo kubura abaganga bakunda kugenda batamaze igihe.

Dr. Rubanzabigwi avug ako hari abagera kuri 22% badafite ubwisungane mu kwivuza bikaba bituma ibitaro bigira ikibazo cy’umutungo kuko benshi bavurwa bakabura ayo kwishyura; umwaka ushize wa 2015 abadafite ubwisungane basigayemo ibitaro miliyoni 4.

Perezida Kagame yasabye ko ibi bitaro byimurwa

Perezida Paul Kagame yasabye ko ibitaro bya Shyira bivugururwa bikajyana n’igihe ubwo yasozaga amahugurwa y’abagize Komite nyobozi, Inama njyanamana z’uturere n’Umujyi wa Kigali yaberaga i Gabiro.

Kuri ubu bivugwa ko imashini ziri gusiza ikibanza mu kibaya cya Vunga imirimo yo kubaka ikaba iteganijwe kurangira mu mezi cumi n’abiri.

Abaturage bashimira Perezida kagame wafashe icyemezo cy’uko ibitaro byakwimurwa kuko basanga bizafasha benshi aho biri kubakwa muri VUnga kuruta aho biri ku musozi.

 

Comments

Who are you?
Your post
  • To create paragraphs, just leave blank lines.

 
 
Amahano 9 Leta Zunze Ubumwe za Amerika yakoze ntisabe imbabazi
Amahano 9 Leta Zunze Ubumwe za Amerika yakoze ntisabe imbabazi

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo (...)

Ibitaro bya Shyira byabaye mpuzamahanga ku ngoma y’Umwami Rudahigwa
Ibitaro bya Shyira byabaye mpuzamahanga ku ngoma y’Umwami Rudahigwa

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi (...)

Ibyangizwa n’impanuka z’abanyamahanga mu Rwanda bishobora kwishyurwa
Ibyangizwa n’impanuka z’abanyamahanga mu Rwanda bishobora kwishyurwa

Ubuyobozi bw’Ibiro bya Umuryango w’Ubucuruzi bw’Afurika y’Iburasirazuba n’Amajyepfo (COMESA) mu Rwanda (Bureau National) burasaba Abanyarwanda kwirinda akarengane kavuka mu gihe bagezweho n’ingaruka (...)

Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’
Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’

Mu buhamya bw’abari batuye ku karere ka Nyarugenge mu gihe cya Jenoside yakorewe Abatutsi mu 1994, bavuga ko batazibagirwa umugabo witwa Setiba waje mu mujyi wa Kigali ari umupagasi aturutse mu (...)

Amateka y’umusozi wa Mwurire wiciweho Abatutsi 26 000 muri Jenoside
Amateka y’umusozi wa Mwurire wiciweho Abatutsi 26 000 muri Jenoside

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru. Bamwe mu barokokeye i Mwurire bemeza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.