2017-05-25 06:02:25 clouds 27o High | Kigali Rwanda

Dukurikire:
 
 

Amateka y’umusozi wa Mwurire wiciweho Abatutsi 26 000 muri Jenoside

Yanditswe na IMVAHO NSHYA

Kuya 2016-04-27 08:30:06

 
Share on:
 
Yasuwe:35
 
Yavuzweho:200
 
10
 
10

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru.

Bamwe mu barokokeye i Mwurire bemeza ko ubutwari bwaranze abari bahahungiye bwatumye babasha kwihagararaho icyumweru cyose, nyuma bakaza kugabwaho ibitero n’abasirikare bivanze n’Interahamwe.

Rutareka JMV, yagize ati:“Turashima ubutwari bwagizwe n’abana, abasore, inkumi abagore n’abagabo bose biyemeje kurwanya no kwirengera mu gihe abicanyi batugabagaho ibitero.

JPEG - 285.3 kb
Abatutsi b’i Mwurire bamaze icyumweru bahanganye n’interahamwe mu gihe cya Jenoside (Foto Hakizimana Y)

Amasengesho y’abasaza n’abakecuru nayo yatugezeho, ubutwari bwo kurwana n’umuntu ufite imbunda kandi wowe ukoresha intwaro gakondo.”

Nk’uko Rutareka yakomeje abivuga ngo iyo abantu bashya bahageraga, uwitwa Karenzi Gido yababeraga umuyobozi atangira kugabanya abantu mu matsinda bitaga amabatayo yose akaba yari 6.

Ibi byakozwe kugira ngo abantu bashobore kwirwanaho no kwirengera kuko mu misozi ikikije Mwurire hose hacumbaga imyotsi, batwikira abatutsi, barya inka zabo, abandi batashoboye kugera i Mwurire bakicwa.
Karenzi Gido ubutwari bwe bwahereye mu guha gahunda no gushyira abantu mu bice kugira ngo birinde, dore ko abasore n’inkumi mu gitondo bazindukaga biruka kugira ngo bamenyere kandi bagire akanyabugabo ko kwirwanaho.

Mutuyimana Jean de Dieu, uzwi ku izina ry’impirimbanyi, ni umwe mu bari muri izi batayo 6 zari zarashinzwe mu kwirinda ibitero by’interahamwe.

Aganira n’Imvaho Nshya, yavuze ko iyo hatabaho kwiyambaza abasirikare benshi kugira ngo hicwe abatutsi bari bahungiye i Mwurire, ngo nta muntu wari kubashobora.

Yagize ati:“Twashegeshwe cyane n’ibitero by’abasirikare baje bari kumwe n’interahamwe nyinshi, bavuga yuko mu nkambi yacu harimo Inkotanyi, ibitero byazaga mbere byo twari twarabihashyije ndetse hari uwari wungirije burigadiye wa Polisi icyo gihe twari twamwatse imbunda yari afite.”

Mwurire yahuriweho n’abaturage baturutse mu cyahoze kitwa komini Bicumbi, Rutonde na Gikoro, abenshi bahungiye kuri uyu musozi kuko i Mwurire bari bataratangira kwica ndetse bari bashyigikiwe n’uwari konseye waho, ibi byatumaga abantu bose bahisanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE