Advertisement
 
 
 
 
 
 
 
 

Amateka | Mu Rwanda

Amahano 9 Leta Zunze Ubumwe za Amerika yakoze ntisabe imbabazi   

  Yanditswe na HERVE UGIRUMUKUNDA
 27 May

 
 

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo gisasu n’Abayapani muri rusange.

Nyuma y’imyaka 70, USA yinangiye gusaba imbabazi, akenshi yishingikiriza ko kurimbura Hiroshima na Nagasaki yari yo nzira yonyine isigaye yo kurangiza Intambara ya Kabiri y’Isi.

Aya ni andi marorerwa iki gihugu gifatwa nk’igikomeye ku Isi cyakoze.. nta gusaba imbabazi.

1. Vietnam: Uburozi bwa “Agent Orange”

Mu ntambara na Vietnam, Leta Zunze Ubumwe za Amerika yasandaguje uburozi bwica udukoko mu mashyamba yo muri Vietnam, Cambodia na Laos igamije kwima ubwihisho ingabo za Vietcong no kwica imyaka ngo abantu babure icyo barya. Ubwo burozi bwamugaje ababarirwa muri za miliyoni abandi barapfa.

Uretse kuba iki gihugu cyaratanze amamiliyoni y’amadorali yo gusukura aho ubwo burozi bwangije n’abo bwamugaje, ntikigeze gisaba imbabazi.

2. Gufungisha Nelson Mandela



Mandela, waharaniraga ukwishyira ukizana kw’abirabura muri Afurika y’Epfo, yafunzwe ku ya 5 Kanama 1962. Gufatwa kwe kwakurikiwe n’urubanza rw’akarengane rwatumye afungwa imyaka 27 yose.

Donald Rickard wari ambasaderi wa USA muri Afurika y’Epfo icyo gihe, avuga ko igihugu cye cyangaga urunuka Mandela kuko yari mu kwaha kw’Abarusiya (yari umukomunisite). Rickard avuga ko USA yafataga Mandela nk’umwanzi wa mbere wayo uri hanze y’u Burusiya.

Avuga ko gihugu kibinyujije muri CIA, cyakomeje guheza Mandela mu buroko kugeza ubwo avuyemo asheshe akanguhe. Yarinze apfa atarasabwa imbabazi ndetse n’ubu USA ntirazisaba umuryango we.

3. 1953: Guhirika ubutegetsi muri Iran

Mu 1953, Minisitiri w’Intebe wa Iran wari watowe n’abaturage, Mohammed Mossadegh yahiritswe ku butegetsi hashyirwaho Mohammad Reza Pahlavi yiyita umuyobozi mukuru wa Iran (shah). Uyu yaranzwe n’igitugu na ruswa bikabije, ahirikwa n’impinduramatwara yashyizeho Leta igendera ku matwara ya Kiyisilamu.

Inyandiko z’Ikigo cy’Ubutasi, CIA, zashyizwe ahagaragara, zagaragaje ko Mossadegn yahiritswe ku buyobozi na USA. Ndetse ko amabwiriza ategeka guhirika uwo mugabo yatanzwe n’ubuyobozi bukuru bw’icyo gihugu gifatanyije n’ubutasi bw’u Bwongereza. Kugeza ubu u Bwongereza na USA ntibirasaba imbabazi Abanya Iran.

4. 1973: Guhirika ubutegetsi muri Chili

Leta Zunze Ubumwe za Amerika zivugwa mu guhirika ku butegetsi perezida wa Chili w’Umu socialiste, Salvator Allende mu 1973. Iki gihugu cyahise gishyiraho umunyagitugu, Augusto Pinochet ayobora imyaka 17. Ku buyobozi bwe, Pinochet yaranzwe na ruswa, inyerezwa ry’abantu n’ubwicanyi.

Perezida Obama yasuye Chili mu 2011 ariko ntiyigeze asaba imbabazi, yarengejeho utwatsi.

5. Ubucuruzi bw’abacakara b’Abanyafurika

Mu 2009, inteko ya Leta Zunze Ubumwe za Amerika yasabye imbabazi Abanyafurika kubera bakorewe ubucakara. Inyandiko izisaba ariko yari ikoze mu buryo bwo kwiyererutsa kandi nta n’igihugu na kimwe cya Afurika kirasabwa imbabazi ku bw’abaturage bacyo bacurujwe bakajya guhinga ibisheke, itabi n’indi mirimo y’uburetwa yagize Amerika icyo iri cyo muri iki gihe.

6. Congo: Kwica Patrice Lumumba, gushyigikira umunyagitugu Mobutu



Lumumba yari Minisitiri wa Mbere utowe n’Abanyekongo. Yishwe ku ya 2 Nyakanga 1961 nyuma y’amezi arindwi Congo ibonye ubwigenge.

U Bubiligi bwemeye ko ari bwo bwamwishe mu 2002 ndetse bubisabira imbabazi. Abasesenguzi ba politiki bavuga ko urupfu rw’iyo ntwari rwari rurimo ukuboko kwa CIA.

Nyuma yaho, USA zashyigikiye byimazeyo Mobutu Sese Seko wagaragaya nk’umunyagitugu mu gihe kirekire yamaze ayoboye Congo. Kugeza ubu iki gihugu ntikirasaba imbabazi Abanyekongo.

7. 2003: Gutera Iraq

Intambara ya USA muri Iraq ntiyigeze ivugwaho rumwe, cyane ko byagaragaraga ko USA ijyanwe n’izindi nyungu zitari uguhirika Saddam Hussein. Kuva mu 2003 ubwo perezida Bush yoherezaga ingabo muri Iraq kugeza ubu, mu Burasirazuba bwo Hagati haracyari intambara kandi USA iracyayifitemo uruhare rugaragara. Ibi nabyo ntibirasabirwa imbabazi.

8. [1988: Guhanura indege itwaye abagenzi ya Iran

Ku ya 3 Nyakanga 1988, ingabo za Leta Zunze Ubumwe za Amerika zahanuye indege ya Iran zizi ko ari iya gisirikare nyuma zisanga zibeshye ahubwo zahanuye iyari itwaye abagenzi. Abantu 290 bose bahasize ubuzima.

Mu 1996, Perezida Bill Clinton yavuze ko ababajwe n’icyo gikorwa, USA yishyura Leta ya Iran miliyoni 131.8 z’amadorali ariko ntiyigeze isaba imbabazi.

9. Guhirika Kwame Nkrumah muri Ghana



Perezida wa mbere wa Ghana yahiritswe ku butegetsi mu 1966 ubwo yari hanze y’igihugu. Nyuma yaho byaje gukekwa ko USA yagize uruhare mu ihirikwa rye. Mu 1978, uwahoze ari umukozi wa CIA John Stockwell yanditse igitabo “Search of Enemies”ahamya uko kuri.

Yasobanuye ko CIA yashyize amafaranga atubutse mu ihirikwa rya Nkrumah. Uyu mugabo ahanini yazize ko yashakaga ko Abanyafurika bunga ubumwe bakigobotora ubukoroni bwa politiki n’ubushingiye ku bukungu.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Amahano 9 Leta Zunze Ubumwe za Amerika yakoze ntisabe imbabazi
Amahano 9 Leta Zunze Ubumwe za Amerika yakoze ntisabe imbabazi

Uyu munsi, Barack Obama yabaye Perezida wa Mbere wa USA usuye umujyi wa Hiroshima aharashwe igisasu cya kirimbuzi kigahitana abasaga 150 000. Ntiyigeze asaba imbabazi abagezweho n’ingaruka z’icyo (...)

Ibitaro bya Shyira byabaye mpuzamahanga ku ngoma y’Umwami Rudahigwa
Ibitaro bya Shyira byabaye mpuzamahanga ku ngoma y’Umwami Rudahigwa

Ibitaro bya Shyira biherereye mu Murenge wa Shyira Akarere ka Nyabihu mu Ntara y’Iburengerazuba ni bimwe mu bitaro byashinzwe mu Rwanda bwa mbere ahagana mu mwaka 1930 bigera aho kuvura abarwayi (...)

Ibyangizwa n’impanuka z’abanyamahanga mu Rwanda bishobora kwishyurwa
Ibyangizwa n’impanuka z’abanyamahanga mu Rwanda bishobora kwishyurwa

Ubuyobozi bw’Ibiro bya Umuryango w’Ubucuruzi bw’Afurika y’Iburasirazuba n’Amajyepfo (COMESA) mu Rwanda (Bureau National) burasaba Abanyarwanda kwirinda akarengane kavuka mu gihe bagezweho n’ingaruka (...)

Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’
Abarokotse Jenoside b’i Nyarugenge ntibazibagirwa ubugome bw’umupfumu ‘Setiba’

Mu buhamya bw’abari batuye ku karere ka Nyarugenge mu gihe cya Jenoside yakorewe Abatutsi mu 1994, bavuga ko batazibagirwa umugabo witwa Setiba waje mu mujyi wa Kigali ari umupagasi aturutse mu (...)

Amateka y’umusozi wa Mwurire wiciweho Abatutsi 26 000 muri Jenoside
Amateka y’umusozi wa Mwurire wiciweho Abatutsi 26 000 muri Jenoside

Umusozi wa Mwurire uri mu murenge wa Mwurire mu karere ka Rwamagana, waguyeho abatusti barenga ibihumbi 26, nyuma yo kwirwanaho mu gihe kigera ku cyumweru. Bamwe mu barokokeye i Mwurire bemeza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.