2017-06-22 17:42:31 clouds 27o High | Kigali Rwanda

Dukurikire:
 
 

Zeid, igikomangomakazi cya Jordan, yunamiye inzirakarengane zazize Jenoside

Yanditswe na IMVAHO NSHYA

Kuya 2016-10-25 09:26:20

 
Share on:
 
Yasuwe:4
 
Yavuzweho:200
 
10
 
10

Igikomangomakazi cyo mu gihugu cya Jordan, Sarah Zeid, yunamiye inzirakarengane zazize Jenoside yakorewe Abatutsi zishyinguye mu rwibutso rwa Kigali ku wa Mbere ku ya 24 Ukwakira 2016.

Sarah Zeid yasuye urwibutse rwa Kigali ari kumwe na Minisitiri w’Ibiza n’Impunzi, Seraphine Mukantabana n’umuyobozi muri UNCHR, Volker Turk.

Uyu mutegarugori yatangiye uruzinduko rwe ashyira indabo ku rwibutso. Yanafashe umunota wo guceceka yibuka Abatutsi basaga 1 000 000 bapfuye muri Jenoside. Nyuma yasuye icyumba kirimo ibimenyetso bitandukanye byerekena ubukana bwa Jenoside yakorewe Abatutsi n’ubuhamya bw’abayirokotse.

Sarah Zeid, w’imyaka 44, yanasuye Icyumba cyagenewe Abana muri urwo rwibutso rwa Kigali rushyinguyemo imibiri y’abasaga 250 000.

Mu gusoza uruzinduko rwe, igikomangomakazi Zeid yasize ubutumwa mu gitabo cy’abashyitsi bugira buti “ Ni ubutwari bukomeye kwivana ahabi, ukavuka bwa kabiri ugatera imbere ariko ntiwibagirwe.”

Naho umuyobozi wungirije muri UNHCR, Volker Turk, yahasize ubutumwa buvuga ko iterambere ry’u Rwanda ari isomo rikomeye Isi ikwiye kwigiraho.

Ushinzwe rwibutso rwa Kigali, Serge Rwigamba, yavuze ko Zeid yababajwe n’ukuntu Loni n’umuryango mpuzamahanga byatereranye abanyarwanda bakicwa muri Jenoside.

Ati “Yababajwe by’umwihariko no kuba Loni n’umuryango mpuzamahanga bitaraerageje gukumira no guhagarika Jenoside, ndetse atangazwa n’ukuntu u Rwanda rwiyubatse nyuma y’ayo mateka mabi.”

Igikomangoma Sarah Zeid, wavutse yitwa Sarah Butler, ni mufasha w’Umuyobozi w’Ishami rya Loni rishinzwe Uburenganzira bwa Muntu, Zeid bin Ra’ad al-Hussein

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE