2017-05-25 06:02:25 clouds 27o High | Kigali Rwanda

Dukurikire:
 
 

WDA yungutse umufatanyabikorwa mushya

Yanditswe na IMVAHO NSHYA

Kuya 2016-09-08 07:37:11

 
Share on:
 
Yasuwe:2
 
Yavuzweho:200
 
10
 
10

Ikigo cy’igihugu cy’ubumenyingiro (WDA) cyasinyanye amasezerano n’umushoramari wo mu muri Mauritius uje gutangiza ishuri rikuru ry’imyuga n’ubumenyingiro.

Umuyobozi mukuru wa WDA Gasana Jerome, avuga ko uyu mushoramari ugiye gutangiza ishuri rizwi ku izina rya Rushmore Busness School. Yamaze guhabwa uburenganzira n’Ikigo cy’igihugu cy’iterambere (RDB), agiye gufatanya na WDA ari nayo ifite inshingano zo guteza imbere amashuri y’ubumenyi ngiro.

Ati “ Nyuma yo kwemererwa na RDB gushora imari mu Rwanda, natwe nk’ubuyobozi bwa WDA bidatinze tugiye kuganira n’uyu mushoramari ku mirongo migari twifuza ko bakoreramo ijyanye na gahunda Leta yifuza gushyira mu bikorwa.”

JPEG - 295.6 kb
Gasana Jerome, Umuyobozi mukuru wa WDA na Dr Priya Ramluggun- Esso, umuyobozi w’ishuri ry’ubucuruzi rya Rushmore mu muhango wo gusinya amasezerano y’ubufatanye ( Foto Mugisha B.)

Gasana avuga ko mu gihe cy’umwaka umwe bazaba batangiye gukora, bakazatangirana no gukodesha aho bakorera, ariko nyuma y’imyaka 3 bazakaba bamaze kwibonera inyubako zabo bwite bakoreramo.

Basabwe kandi gukoresha abarimu bafite ubumenyi n’ubushobozi mu masomo y’imyuga n’ubumenyi ngiro, kugira ngo batange ubumenyi bufite ireme, abanyeshuri barangiza bazajye ku isoko ry’umurimo baryisangamo.

Umuyobozi mukuru w’ishuri ry’ubucuruzi rya Rushmore, Dr Priya Ramluggun-Essoo, avuga ko iri shuri rizatangiza amashami y’ubwubatsi no kubungabunga ibidukikije, ishami ry’ubukerarugendo no kwakira abashyitsi, ishami ry’imari n’amabanki, naho nyuma y’ imyaka 2 hatangizwe ishami ry’imideli, gutunganya amakuru n’ubugeni.

Iri shuri rizatangira rikoresha abakozi basanzwe bamenyereye akazi, ariko buhoro buhoro bashyiremo n’Abanyarwanda bafite ubumenyi muri ayo mashami.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE