Advertisement
 
 
 
 
 
 
 
 

Amakuru | Mu Rwanda

Uwari umushoferi wa Nyiramasuhuko azaburanira i Huye aho ashinjwa gukorera Jenoside   

  Yanditswe na IMVAHO NSHYA
 May 2016

 
 

Nyuma yo gufatirwa i Remera mu cyumweru gishize, Hussein Minani, ushinjwa uruhare muri Jenoside yakorewe Abatutsi mu 1994 arashyikirizwa urukiko rwisumbuye rwa Nyarugenge aho aburana ku ifungwa ry’agateganyo, mbere yo koherezwa mu rukiko rwisumbuye rwa Ngoma mu karere ka Huye.

Minani yahoze ari umushoferi wa Pauline Nyiramasuhuko, wari minisitiri w’iterambere mu gihe cya jenoside wakatiwe gufungwa burundu kubera ibyaha bya Jenoside.

Mbere yo gutabwa muri yombi, Minani yari amaze imyaka aba muri Tanzania ari umushoferi. Yafatiwe i Remera mu karere ka Gasabo akoresha amazina atari aye n’ibyangombwa by’ibihimbano.

JPEG - 145.7 kb
Hussein Minani yafashwe yariyise Abdul Hussein Kitamba

Umuyobozi mukuru ushinzwe gushakisha abakekwaho ibyaha bya Jenoside yakorewe Abatutsi mu Bushinjacyaha bukuru bw’u Rwanda, Jean Bosco Siboyintore yabwiye New Times ati” Ikirego cye kizashyikirizwa Urukiko Rwisumbuye rwa Nyarugenge aburane ku ifungwa mbere yo koherezwa mu Rukiko Rwisumbuye rwa Ngoma mu karere ka Huye aho yakoreye ibyaha.”

Siboyintore avuga ko kohereza Siboyintore i Huye bigendanye n’amategeko agenga abashinjwa Jenoside kuko uretse ababuranira hanze y’igihugu, abandi bose bagomba kuburanira aho bakoreye ibyaha kugira ngo abo yabikoreye bahabwe ubutabera bwuzuye.

Minani ashinjwa ibyaha bine birimo icyaha cya jenoside, itsembabwoko, ubwicanyi no gufata ku ngufu, byose yabikoze akiri umushoferi wa Nyiramasuhuko.

Ishami rishinzwe gukurikirana abakekwaho jenoside bakidegembya, ryasohoye inyandiko ita muri yombi Minani muri Gicurasi 2015.

Minani ashinjwa gutwara Interahamwe zigiye kwica Abatutsi mu cyahoze ari perefegitura Butare ndetse ngo nawe yagize uruhare mu kwica abanyeshuri n’abakozi b’Abatutsi bari mu yahoze ari Kaminuza Nkuru y’u Rwanda.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.