Advertisement
 
 
 
 
 
 
 
 

Amakuru | Mu Rwanda

Uwacuruzaga urumogi yagerageje guha ruswa umupolisi arafatwa   

  Yanditswe na RNP
 October 2016

 
 

Polisi y’u Rwanda ikorera mu karere ka Gakenke kuwa gatanu, yafashe umuturage wanywaga urumogi ndetse akanarucuruza.

Uwafashwe yitwa Hakizimana Pacifique w’imyaka 21. Yafatiwe mu iduka rye riri mu gasantere ka Gakenke ahagana saa tanu z’ijoro nyuma yo gusaka iwe no mu iduka rye aho urwo rumogi rwabonetse.

Uretse icyaha cyo gucuruza no kunywa ikiyobyabwenge cy’urumogi, uyu Hakizimana anakurikiranyweho ikindi cyo gushaka guha ruswa umupolisi y’amafaranga ibihumbi 20 y’u Rwanda ubwo yari amaze kumufata kugira ngo amubabarire amurekure.

Umuvugizi wa Polisi y’u Rwanda mu Ntara y’Amajyaruguru Inspector of Police (IP) Innocent Gasasira yavuze ko Polisi ikorera mu karere ka Gakenke yahamagawe kuri terefone n’umuturage aho yababwiraga ko hari umuntu unywa ndetse akanacuruza urumogi ku buryo byatezaga umutekano mucye muri ako gace.

IP Gasasira yagize ati:” nyuma yo kumenya ayo makuru, abapolisi bahise bajyayo basanga uwakekwaga ibi bikorwa mu iduka rye, hanyuma bahasatse bamusangana mu myenda ye udupfunyika 11 tw’urumogi.

Abapolisi bakomereje n’iwe mu rugo maze naho bahasanga urundi rumogi rungana n’udupfunyika 12.

Yakomeje agira ati:” Nk’uko bisanzwe abapolisi bamugaruye ku iduka rye kugira ngo atunganye ibicuruzwa bye anarikinge neza mbere yo kujyanwa kuri sitasiyo ya Polisi kubera ibi bikorwa bitemewe by’ibiyobyabwenge. Cyakora bakigera ku iduka rye, yagerageje guha umupolisi ruswa kugirango bamubabarire, ariko biba iby’ubusa kuko na ruswa itemewe n’amategeko.

Iperereza ry’ibanze ryerekanye ko mu nzu ya Hakizimana abifuza kugura no kuhanywera urumogi bajyaga bahateranira bakahakorera ibyo bikorwa. Umuvugizi wa Polisi y’u Rwanda mu Ntara y’Amajyaruguru yashimye ubufatanye busanzwe buri hagati ya Polisi y’u Rwanda n’abaturage mu gukumira no kurwanya ibyaha byatumye Hakizimana afatanwa urumogi.

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.