2017-08-21 15:16:56 clouds 27o High | Kigali Rwanda

Dukurikire:
 
 

Uwabanaga n’Umuyobozi wa FDLR yahishuye uko basebya amasengesho

Yanditswe na IMVAHO NSHYA

Kuya 2016-08-04 20:39:08

 
Share on:
 
Yasuwe:17
 
Yavuzweho:200
 
10
 
10

Sergent Major Nsabimana Edson umwe mu barwanyi ba FDLR n’abo miryango yabo 11 batahutse bavuye mu mashyamba ya Repubulika Iharanira demokarasi ya Congo aho bigobotoye abarwanyi ba FDLR yahishuye uburyo FDLR isebya isengesho irishukisha Abanyarwanda ngo bareke gutahuka.

Bakigera ku mupaka uhuza u Rwanda na Congo i Rubavu ku wa Kane, wabonaga basa n’abananiwe kubera urugendo ariko ibyishimo ari byinshi byo kuba bageze mu gihugu cyababyaye.

Sergent Major Nsabimana yavuze ko taliki 16 Nyakanga 2016 ari bwo yafashe icyemezo cyo kugaruka mu Rwanda atorotse Umuyobozi wa FDLR Gen. Byiringiro Victor aho babanaga.

Bamwe mu barwanyi batashye mu Rwanda bavuye muri FDLR (foto Iyaremye Y.)

Yakomeje avuga ati “Muri iyi minsi ingabo za FARDC ziri kuturasaho ubutitsa nta hazaza uretse kubeshya abantu mu masengesho ko Imana iri kumwe na bo.
Naritegereje ndeba ukuntu umugore n’abana banjye babayeho mfata icyemezo cyo gutaha. Hari abantu baba batubwira ko mu Rwanda nta mahoro tuzahagirira ingorane ariko twafashe uyu mwanzuro kandi twakiriwe neza nta kibazo.”

Nshimiyimana Patrick nawe yongeyeho ati “Twari tubayeho nabi, inzara itumereye nabi, birirwa baturasaho, twihisha mu mashyamba. Nabonye nta cyizere cyo gukomeza kubaho ndavuga nti ‘reka niturire mu rwambyaye kandi nakiriwe neza nta kibazo.’”

Akomeza vuga ko we yari ayobowe na Lt. Gen. Mudacumura uretse ko atari yakamubonye kuko arinzwe n’abasirikare 300 kandi usanga bataba hamwe kubera ibitero by’Ingabo za congo na Monusco.

Igisirikare cya Congo muri iyi minsi ngo cyakajije ibitero ku birindiro bya FDLR aho batabona umwanya wo gutuza ngo bakore imirimo bajyaga bakora nko guhinga gucukura amabuye y’agaciro n’ibindi.

Ikindi kandi uyu mutwe washinzwe n’abasize bakoze Jenoside yakorewe Abatutsi mu Rwanda mu 1994 wamaze gucikamo kabiri aho igice kimwe cyitwa CNRD-UBUMWE kiyobowe na Gen. Irategetse Wilson ikindi kikaba kiyobowe na Gen. Byiringiro Victor.

Abatashye ni abarwanyi 5 n’abo mu muryango wabo 6 bose bakaba 11 babaga mu mashyamba ya Congo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE