Advertisement
 
 
 
 
 
 
 
 

Amakuru | Mu Rwanda

USA: Umunyeshuri yatanze Drone izafasha u Rwanda gucunga inyamaswa zo mu Kagera   

  Yanditswe na HERVE UGIRUMUKUNDA
 June 2016

 
 

Nyuma yo gusanga ababungabunga inyamaswa zo muri Parike y’igihugu y’Akagera bagorwa cyane mu kazi kabo, Max Alger Meyer yatanze indege itagira umuderevu (drone) izoroshya ako kazi ku buryo bugaragara.

Iyo drone yakozwe n’uyu munyeshuri wo Kigo cya Siyansi n’Ikoranabuhanga cya Denver na mugenzi we Nathan Lepore, bose bafite imyaka 18, izifashishwa mu gucunga inyamaswa kuko izajya yoherezwa mu kirere ikazifata amashusho.

Umuyobozi wa Parike y’Akagera, Jes Gruner yavuze ko yatunguwe n’ubugira neza bw’aba basore. Ngo iyo drone izabafasha kumenya agace ka parike kibasiwe n’inkongi no kubarura inyamaswa nk’inyoni ziba mu biziba byagoranaga cyane kugeraho.

Ati” Ubusanzwe twifashisha kajugujugu mu kubarura inyamaswa ariko birahenze cyane, tubikora rimwe mu myaka ibiri gusa. Twasanze kwaba ari ugutagaguza amafaranga.”

JPEG - 63.3 kb
Alger na Nathan bari gusoza drone bazazana mu Rwanda

Alger Meyer yakusanyije amadorali 1000 mu nshuti n’umuryango ayashora muri iyo drone ateganya kuzazana mu Rwanda muri iyi mpeshyi.

Ikinyamakuru Herald Review kivuga ko iyo drone ikoze ku buryo abarinzi ba parike bashobora kuyikanika igihe igize ikibazo, ikozwe mu cyuma cya Aluminium ku buryo umuntu wese yayifungura.

Umuyobozi w’Ikigo Mpuzamahanga gishinzwe kubungabunga inyamaswa zo mu ishyamba WWF muri USA, yashimye cyane iyi mpano uyu musore yageneye u Rwanda.

Ati” Abayobozi ba za parike bafite ingeso yo kugura ibikoresho by’ikoranabuhanga bihenze cyane rimwe na rimwe bikabapfira ubusa,ariko iyi drone yo irahendutse kandi no kuyikoresha biroroshye.”

Kuva mu 2010 , Leta y’u Rwanda yashinze African Parks gucunga parike y’Akagera. Kuva icyo gihe abasura parike bikubye kabiri bagera ku 32 000 mu mwaka.
Mu mwaka ushize iyi parike yagaruwemo intare ndetse zamaze kubwagura. Hari umugambi wo kugarura n’inkura mu gihe gito kiri imbere.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.