Advertisement
 
 
 
 
 
 
 
 

Amakuru | Mu Rwanda

USA iraburira u Rwanda ku ibura ry’ibiribwa n’izamuka ry’ibiciro   

  Yanditswe na IMVAHO NSHYA
 4 months ago

 
 

Ikigo cya Leta Zunze Ubumwe za Amerika cy’Iterambere Mpuzamahanga, USAID kiraburira u Rwanda ko rushobora kurushaho guhura n’ibura ry’ibiribwa n’izamuka ry’ibiciro mu mwaka utaha wa 2017.

Icyegeranyo cya gahunda yo kuburira ibihugu byenda guhura n’inzara ya USAID (Famine Early Warning Systems Network, FEWS NET) cyo mu kwezi k’Ukwakira 2016, kivuga ko imvura yaguye yaguye mu cyiciro cy’ihinga A yatangiye igwa neza hagati muri Nzeli, abahinzi bagatangira kubiba.

Ariko mu Ukwakira imvura yarabuze bigira ingaruka ku bihingwa byari byamaze guterwa. Mu minsi icumi ya nyuma y’uku kwezi imvura yarongeye iraboneka bituma abahinzi badahura na rwaserera yo gutera bundi bushya.

JPEG - 105.9 kb
Ibiribwa birimo ibirayi bishobora kongera kuzazamuka ku isoko muri 2017

USA ivuga ko byanabaye mahire, Leta y’u Rwanda ikagoboka abaturage bari bahuye n’ibura ry’ibiribwa mu turere twa Kayonza na Nyagatare, none umubare w’abari mu cyiciro cya 2 cy’ibura ry’ibiribwa rikabije bakaba baragabanutse bakagaruka mu cya mbere.

Imvura iri kugwa ntihagije

Iteganyagihe rya FEWS NET rivuga ko imvura izagwa mu rugero ariko mu ntara y’Amajyepfo n’Uburasirazuba igakomeza kuba nke bikagira ingaruka ku musaruro n’ubwatsi bw’inka.

USAID ivuga ko umusaruro uzaboneka mu Rwanda mu Ukuboza uzaba uhagije ndetse n’imvura itari nyinshi ikazagwa hagati muri Gashyantare 2017 ariko ngo muri Gicurasi y’umwaka utaha nibwo mu gihugu cyose hazabaho ibura ry’ibiribwa nubwo ritazaba rikanganye cyane.

Icyegeranyo cya USAID kivuga ko mu Rwanda ibiciro by’ibiribwa byakomeje kuzamuka kuva muri Mata 2016 cyane cyane mu byaro aho amasoko atagemurirwa ibiribwa neza nko mu mijyi.

Muri Nzeli 2016, ibiciro by’ibiribwa bitari ibinyampeke byazmutseho hari 20% ugereranyije no mu mwaka ushize.

Muri uku Gushyingo hateganyijwe ko ibiciro bizazamuka kubera henshi mu gihugu bazaba bari guhinga, bigatuma ingo zikennye zihura n’ibura ry’ibiribwa riri mu cyiciro cya 2 (rikabije).

Naho mu Kuboza, kubera umusaruro ibiciro bizongera bimanuke, bizazamuke bikabije muri Gicurasi kuko umusaruro w’igihe cy’ihinga A uzaba uri gushira ku isoko kandi ibindi bihingwa bitarasarurwa.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.